ཉེ་བའི་ལོ་ཤས་རིང་། གཞིས་རྩེ་གྲོང་ཁྱེར་གྱིས་ཡུལ་གཞན་དུ་གནས་སྤོས་དབུལ་སྐྱོར་ཐོག་མཐའ་བར་གསུམ་དུ་དབུལ་སྒྲོལ་འགག་སྒྲོལ་ལ་རྒྱལ་ཁ་ཕུ་ཐག་གཅོད་པའི“ལས་གྲྭ་དང་པོ”དང“མཚོན་རྟགས་རང་བཞིན་གྱི་ལས་གྲྭར”བརྩིས་ཤིང་། ཡུལ་ནད་མང་པོ་ཐོན་ཁུལ་དང་། རང་བྱུང་གནོད་འཚེ་མང་པོ་ཐོན་ཁུལ། སྣོད་བཅུད་ཉམས་ཞན་ཁུལ། རི་ཁུག་དང་གྲོག་རོང་ཁུལ། མཐོ་གྲང་འབྲོག་ཁུལ་སོགས་ལ་དམ་པོར་དམིགས་ནས་ཡུལ་གཞན་དུ་གནས་སྤོས་དབུལ་སྐྱོར་ལག་བསྟར་ཤུགས་ཆེན་བྱས་པ་བརྒྱུད། མང་ཚོགས་དབུལ་པོ་གནས་སྤོས་ཏེ་འཚོ་བ་ཡག་པོ་དང་ཕྱུག་པོ་སྐྱེལ་དུ་བཅུག་པ་རེད།

མཉམ་འདྲེས་ཀྱི་ལས་དོན་ལེགས་པར་བསྒྲུབས་པ། “མི་རྩ་བར་འཛིན་པ་དང་། དམངས་འཚོ་སྔོན་ལ་འཇོག་པ། ཚན་རིག་དང་མཐུན་པའི་འཆར་འགོད། ཐོན་ཁུངས་ལ་སྤྱི་འདོམས། ཆོས་ཉིད་ལ་བརྩི་འཇོག ཚན་རིག་དང་མཐུན་པའི་བཀོད་སྒྲིག སྣོད་བཅུད་སྲུང་སྐྱོང་། ཁྱད་ཆོས་མངོན་པ”བཅས་ཀྱི་སྤྱིའི་བསམ་ཕྱོགས་གཞིར་བཟུང་། “གཅིག་སྡུད་གཙོ་བོར་འཛིན་པ་དང་ཁ་ཐོར་གཞོགས་འདེགས་སུ་བྱེད་པའི”རྩ་དོན་མཐའ་འཁྱོངས་ཀྱིས་སྤྱི་འདོམས་འཆར་འགོད་དང་གནད་སྨིན་བཀོད་སྒྲིག་བྱས་ཏེ་ཡུལ་གཞན་དུ་གནས་སྤོས་དབུལ་སྐྱོར་དང་ཁྱད་ལྡན་གྲོང་རྡལ་ཆུང་ངུ་འཛུགས་སྐྲུན་དང་། ཐོན་ལས་གླིང་འཕེལ་རྒྱས། ས་བབ་ཧ་ཅང་མཐོ་བའི་ཁུལ་གྱི་སྣོད་བཅུད་གནས་སྤོ་སོགས་མཉམ་འདྲེས་གཏིང་ཟབ་བྱས་པས་འཛུགས་སྐྲུན་བསྐྱར་ཟློས་དང་ཐོན་ཁུངས་འཕྲོ་བརླག་མ་བཏང་བ་མ་ཟད། དབུལ་སྒྲོལ་འགག་སྒྲོལ་དང་དཔལ་འབྱོར་འཕེལ་རྒྱས་དང་། སྣོད་བཅུད་སྲུང་སྐྱོང་དབར་ཕན་ཚུན་སྐུལ་མ་ཐེབས་ནས་མཉམ་འདྲེས་མཉམ་ཁེ་མངོན་འགྱུར་བྱུང་ཡོད། མིག་སྔའི་བར་གཞིས་རྩེ་གྲོང་ཁྱེར་གྱི་ཡུལ་གཞན་དུ་གནས་སྤོས་དབུལ་སྐྱོར་ལ་མ་དངུལ་སྒོར་དུང་ཕྱུར་42བཏང་བ་ཚང་མ་རྫོང་དང་ཆུས་སུ་གཤམ་སྤྲོད་ཟིན་པ་རེད།

འཛུགས་སྐྲུན་གྱི་བྱ་གཞག་ལེགས་པར་བསྒྲུབས་པ། རྒྱལ་ཁབ་ཀྱི་ཡུལ་གཞན་དུ་གནས་སྤོས་དབུལ་སྐྱོར་སྲིད་ཇུས་ཀྱི་བླང་བྱ་དང་ཚད་གཞི་ལག་བསྟར་ནན་པོ་བྱས་ཏེ་གཞིས་རྩེ་གྲོང་ཁྱེར་གྱི“ལོ་ལྔ་ཚན་བཅུ་གསུམ་པའི”རིང་གི་ཡུལ་གཞན་དུ་གནས་སྤོས་དབུལ་སྐྱོར་འཆར་འགོད་དང་ལག་བསྟར་ཇུས་གཞི་བཟོས་ནས་འགན་འཁྲི་དམ་ནན་དང་ཏན་ཏིག་འཁུར་བ་དང་། ཁོངས་གཏོགས་མཉམ་ལས་ལ་སྐུལ་འདེད་གཏོང་བ། དུས་ཚོད་དམ་འཛིན་གྱིས་ལས་རིམ་མགྱོཌ་སུ་བཏང་བ་བརྒྱུད། བཀོད་སྒྲིག་བྱ་ཡུལ་250ཡི་སྡོད་ཁང་འཛུགས་སྐྲུན་གྱི་ལས་འགན་ཚང་མ་ལེགས་གྲུབ་ཟིན་པ་དང་། མང་ཚོགས་ཁང་པར་སྡོད་ཚད་100%ཟིན་ཞིང་། དུད་ཚང་16881གི་མང་ཚོགས་དབུལ་པོ་70045ཁང་པ་གསར་པར་སྤོས་པ་རེད།

ལེ་ལག་ཚང་སྒྲིག་གི་ལས་དོན་ལེགས་པར་བསྒྲུབས་པ། ཡུལ་གཞན་དུ་གནས་སྤོས་ཀྱི་དབུལ་སྐྱོར་རྗེས་མཐུད་ལས་དོན་ཡག་པོ་སྒྲུབ་པར་དམིགས་ནས་གནས་སྤོས་མང་ཚོགས་ཀྱི་ཁེ་ཕན་འགན་ལེན་ཨང་དང་པོར་བཞག་པ་དང་། བཀོད་སྒྲིག་བྱ་ཡུལ་གྱི་རྨང་གཞིའི་སྒྲིག་བཀོད་ལེ་ལག་ཚང་བ་དང་། སྤྱི་པའི་ཞབས་འདེགས་ལེ་ལག་ཚང་བ། ཐོན་ལས་རྣམ་གྲངས་ལེ་ལག་ཚང་བ་བཅས་ལ་དུས་མཉམ་དུ་སྐུལ་འདེད་བཏང་བར་གཅིག་སྡུད་བཀོད་སྒྲིག་བྱ་ཡུལ་236ལ་ལེ་ལག་ཚང་བའི་རྣམ་གྲངས་311བཀོད་སྒྲིག་བྱས་པར་གནས་སྤོས་མང་ཚོགས་ཁྲི་5.8ལ་ཕན་པ་ཐོབ་པ་རེད། གཅིག་སྡུད་བཀོད་སྒྲིག་བྱ་ཡུལ་ཁག་གི་ཆུ་དང་། གློག ལམ་སོགས་རྨང་གཞིའི་སྒྲིག་བཀོད་འཐུས་སྒོ་ཚང་བ་དང་། སྒུལ་བདེའི་འཕྲིན་གཏོང་དང་རླུང་འཕྲིན་བརྙན་འཕྲིན་ཡོངས་ཁྱབ་བྱུང་ཞིང་། སློབ་ཞུགས་དང་། སྨན་པ་བསྟེན་པ། ལས་ཞུགས་སོགས་ཀྱི་སྤྱི་པའི་ཞབས་འདེཌ་ཉིན་བཞིན་འཐུས་སྒོ་ཚང་དུ་ཕྱིན་པ་རེད། གཞན་ཡང་གཞིས་རྩེ་གྲོང་ཁྱེར་གྱི་སྤྱི་པའི་ལས་རིགས་རྩལ་ནུས་ཞབས་ཞུའི་ལྟེ་གནས་དང་རིམ་ཁག་མི་སྤྱི་སྡེ་ཚན་ལ་བརྟེན་ནས་ངལ་རྩོལ་ནུས་ཤུགས་ལྡན་པའི་གནས་སྤོས་མང་ཚོགས་ལ་ལས་ཤོར་ཐོ་འགོད་དང་། ལས་ཞུགས་གསོ་སྦྱོང་། ལས་རིགས་ངོ་སྤྲོད་སོགས་ཀྱི་ཞབས་འདེགས་ཞུས་ཤིང་། མིག་སྔར་གནས་སྤོས་མང་ཚོགས་6000ལྷག་ཙམ་གྱིས་རྩལ་ནུས་གསོ་སྦྱོང་དང་ལེན་བྱས་པ་དང་། ངལ་ནུས་བར་ཁེ་བ་236སྐྱེད་སྲིང་བྱས་པ། གནས་སྤོས་མང་ཚོགས་ཁྲི་1.8ཀྱི་ལས་ཞུགས་ལ་སྐུལ་ཁྲིད་བཅས་བྱས་ཏེ་མང་ཚོགས་གནས་སྤོ་ཐུབ་པ་དང་། གཞིས་ཆགས་ཐུབ་པ། ཕྱུག་པོ་ཆགས་ཐུབ་པ་བཅས་བྱུང་བ་རེད།