དབུལ་ཕོངས་ས་ཁུལ་དབུལ་ཐར་ཕྱུག་འགྱུར་དང་གོང་འཕེལ་མགྱོགས་པོ་ཡོང་རྒྱུར་སྐུལ་འདེད་གཏོང་དགོས།

དབུལ་ཕོངས་ཁྱད་བསད་དང་དམངས་འཚོ་ལེགས་བཅོས་བྱས་ཏེ་ཐུན་མོང་ཐོག་ཕྱུག་འགྱུར་ཡོང་རྒྱུ་ནི། སྤྱི་ཚོགས་རིང་ལུགས་ཀྱི་ངོ་བོའི་ཐོག་གི་བླང་བྱ་ཡིན། དཀའ་ངལ་ཅན་གྱི་མང་ཚོགས་ལ་ང་ཚོས་དམིགས་བསལ་གྱིས་དོ་སྣང་དང་། དམིགས་བསལ་གྱིས་ཤ་ཚ་བ། དམིགས་བསལ་གྱིས་སེམས་ཁུར་བཅས་བྱས་ཏེ། ཐབས་བརྒྱ་ཇུས་སྟོང་གིས་ཁོང་ཚོར་དཀའ་ཁག་སེལ་རོགས་དང་། མང་ཚོགས་ཀྱི་བདེ་སྡུག་དང་ཚ་གྲང་དུས་དང་རྣམ་པ་ཀུན་ཏུ་སེམས་ལ་འཛིན་པ། ཏང་དང་སྲིད་གཞུང་གི་དྲོ་སྐྱིད་ཁྱིམ་ཚང་ཁྲི་སྟོང་མང་པོར་ཁྱབ་པར་བྱེད་དགོས།

གྲོང་གསེབ་གོང་འཕེལ་དང་ཞིང་པ་ཕྱུག་འགྱུར་ཡོང་དགོས་ན་གནད་འགག་ནི་ཀྲི་པུའུ་ལ་ཐུག་ཡོད། གྲོང་གསེབ་གཞི་རིམ་གྱི་བློ་མཐུན་ཚོ་ནི་ལས་ཀའི་མདུན་སྣེར་ཡོད་པ་དང་།   ཆ་རྐྱེན་ཡག་པོ་མེད་ལ། ལོ་འཁོར་མོ་ཡུག་ཏུ་དཀའ་ལས་ཆེན་པོ་རྒྱག་དགོས་པས། དཀའ་ཚེགས་ཆེ་ལ་ལས་སླ་པོ་མེད། ངས་ཁྱེད་ཚོར་ལྷག་བསམ་རྣམ་དག་གིས་འཚམས་འདྲི་ཞུ་རྒྱུ་ཡིན། ཏང་གི་སྲིད་ཇུས་ཇི་མ་ཇི་བཞིན་དུ་དོན་འཁྱོལ་ཡག་པོ་བྱས་ཏེ། ཚང་མས་རྡོག་རྩ་གཅིག་སྒྲིལ་དང་། བློ་ཁ་གཅིག་གཏད། དཔུང་པ་མཉམ་གཤིབ། ངལ་བ་མཉམ་རྩོལ་བཅས་ཀྱི་ཐོག་ནས། ངེས་པར་དུ་ཐབས་བརྒྱ་ཇུས་སྟོང་གིས་ཡུལ་མི་སྤུན་ཟླ་ཚོ་གང་མགྱོགས་འཚོ་བ་འབྱོར་ཕྱུག་ལ་རོལ་ཐུབ་པར་བྱེད་དགོས།

——2012ལོའི་ཟླ་12ཚེས་29ཉིན་དང་ཚེས་30ཉིན། ཞི་ཅིན་ཕིང་གིས་ཧོ་པེ་ཞིང་ཆེན་ཧྥུ་ཕིང་རྫོང་དུ་དབུལ་སྐྱོར་ལས་ཀར་རྟོག་ཞིབ་མཛད་སྐབས་གནང་བའི་གསུང་བཤད་གནད་བསྡུས་ལས་དྲངས།