ཉིན་ཤས་གོང་གསར་འགོད་པར་ལྷོ་ཁ་གྲོང་ཁྱེར་གྱི་འབྲེལ་ཡོད་ཚོགས་འདུའི་ཐོག་ནས་ཤེས་རྟོགས་བྱུང་བར་གཞིགས་ན། ལྷོ་ཁ་གྲོང་ཁྱེར་གྱིས་འགན་འཁྲི་འཁུར་སེམས་ཆེ་རུ་གཏོང་བ་དང་འགན་འཁྲི་དོན་འཁྱོལ་ལ་དམ་འཛིན་བྱས་ཏེ་དབུལ་སྒྲོལ་འགག་སྒྲོལ་གྱི་ལས་དོན་ལ་སྐུལ་འདེད་ཏན་ཏིག་བཏང་ཡོད་པ་རེད།
ལྷོ་ཁ་གྲོང་ཁྱེར་གྱིས་རིམ་ཁག་ཏང་ཨུད་ཀྱི་ཧྲུའུ་ཅིར“འདུ་ཤེས་བཞི”ཟབ་ཏུ་གཏོང་བ་དང་། “གདེང་ཚོད་བཞི”བརྟན་དུ་གཏོང་བ། “སྲུང་སྐྱོང་གཉིས”ཐུབ་པར་བྱེད་པ་བཅས་ཀྱི་ཆབ་སྲིད་ཀྱི་མཐོ་ཚད་ཐོག་ནས་དབུལ་སྒྲོལ་འགག་སྒྲོལ་གྱི་བྱེད་པོའི་འགན་འཁྲི་ཏན་ཏིག་ཁུར་ཏེ་ཆབ་སྲིད་ཀྱི་འགན་འཁྲི་དང་། འགན་འཁྲི་འཁུར་སེམས། རང་རྟོགས་ཀྱི་བྱ་སྤྱོད་བཅས་ཆེ་རུ་བཏང་ནས་གནོན་ཤུགས་རིམ་པ་བཞིན་སྤྲོད་པ་བཅས་ཀྱི་སྒོ་ནས་དབུལ་སྒྲོལ་འགག་སྒྲོལ་གྱི་ལས་དོན་ཁག་གཏིང་ཟབ་ཅིང་ཚགས་ཚུད་ལ་ཏན་ཏིག་ངང་སྒྲུབ་དགོས་པ་དང་། ལྟ་སྐུལ་ཚོགས་ཆུང་དང་གྲལ་བཤེར་ཚོགས་ཆུང་ཁག་གིས་འབྲེལ་ཡོད་ཇུས་གཞི་དང་བསྡུར་ནས་གནད་དོན་ལ་དམིགས་ཏེ་དེ་བས་ནན་པའི་ཚད་གཞི་དང་དེ་བས་ཏན་ཏིག་གི་སྤྱོད་ཚུལ་ལ་བརྟེན་ནས་ལྟ་སྐུལ་དམག་འཐབ་བྱེད་པ་དང་། ལྟ་སྐུལ་དངོས་འཐབ་བྱེད་པ། གནས་ཚུལ་གསལ་རྟོགས་ཐུབ་པ། གནད་དོན་ལ་དབྱེ་ཞིབ། དཀའ་ངལ་ཐག་གཅོད་བཅས་བྱེད་དགོས། སྡེ་ཚན་ཁག་དང་ལས་རིགས་ཁག་གི་མི་རྣམས་ལ་དབུལ་སྒྲོལ་འགག་སྒྲོལ་དང་འབྲེལ་བ་ཡོད་པའི་བསམ་བློ་བརྟན་པོ་བཙུགས་ནས་འགན་འཁྲི་ཏན་ཏིག་འཁུར་བ་དང་། ཞིབ་བཤེར་ཐུབ་པའི་གནད་དོན་དང་བསྡུར་བ། རང་འགུལ་ངང་འགན་འཁུར་བ། རང་འགུལ་ངང་ལས་དོན་སྒྲུབ་པ་བཅས་ཀྱི་སྒོ་ནས་ཕྱར་བ་གྲུ་འདེགས་ངང་ལས་དོན་ཁག་ཏན་ཏིག་སྒྲུབ་དགོས། རྫོང་དང་ཆུས་ཁག་དང་འབྲེལ་ཡོད་སྡེ་ཚན་གྱིས་གྲལ་བཤེར་བྱེད་རིང་ཤེས་རྟོགས་ཐུབ་པའི་གནད་དོན་ལ་དམིགས་ཏེ་དེ་གོང་གི་རིགས་ཁག་གི་སྐོར་གཟིགས་སྐོར་ཞིབ་དང་། དཔྱད་ཞིབ་རྩིས་ལེན། ཚོད་སྐོར་ཞིབ་བཤེར་གྱི་ཚུར་ལན་གནད་དོན་བཅས་དང་བསྡུར་བ། རིམ་པ་བཞིན་རྩིས་ཁྲ་དང་བསྡུར་བ། དག་ཐེར་ཐོ་སུབ་བཅས་བྱེད་དགོས། རིམ་ཁག་ཏང་ཨུད་དང་སྲིད་གཞུང་དང་སྒྲིག་བཤེར་ལྟ་ཞིབ་སྡེ་ཚན་དང་ལས་རིགས་སྡེ་ཚན་གྱིས་རང་འགན་གཙང་སྒྲུབ་ཀྱི་སྒོ་ནས་ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ཐར་པར་གཏན་ནས་མི་གཏོང་བ་དང་། དབུལ་སྐྱོར་ཁྱབ་ཁོངས་ཀྱི་རུལ་སུངས་གནད་དོན་ཐར་པར་གཏན་ནས་མི་གཏོང་བ། གནད་དོན་གཅིག་ཤེས་རྟོགས་ཐུབ་ཚེ་ཞིབ་བཤེར་རེ་བྱེད་པ་ལས་རྒྱ་ཡན་དུ་གཏན་ནས་གཏོང་མི་རུང་བ་བཅས་ཀྱི་བླང་བྱ་བཏོན་པ་རེད།