གསར་འགོད་པས་ཉེ་ཆར་སྟོད་ལུང་བདེ་ཆེན་ཆུས་དབུལ་སྐྱོར་གཞུང་ལས་ཁང་ནས་ཤེས་རྟོཌ་བྱས་པར། ཉེ་བའི་ལོ་ཤས་རིང་། སྟོད་ལུང་བདེ་ཆེན་ཆུས་ཀྱིས་དཀའ་ངལ་ཡོད་པའི་མང་ཚོགས་ཀྱི་སྣེ་ཁྲིད་ནས་ཡོང་འབབ་བརྟན་པོའི་ངང་འཕར་རྒྱུ་དམིགས་ཡུལ་དུ་བརྩིས་པ་དང་རང་སའི་ཐོན་ཁུངས་ཀྱི་ལེཌ་ཆ་དང་། ཐོན་ལས་ཀྱི་རྨང་གཞི། ཁྲོམ་རའི་དགོས་མཁོ་བཅས་ལ་གཞི་ཚུགས་ཏེ་ནས་ལས་སྣོན་གྱི་ཐོན་ལས་གོང་འཕེལ་ཤུགས་ཆེན་བཏང་ནས་དབུལ་སྒྲོལ་འགག་སྒྲོལ་ལ་རམ་འདེགས་བྱས་པ་རེད།

ཤེས་རྟོགས་བྱུང་བར་གཞིཌ་ན། 2016ལོ་ནས་བཟུང་རིམ་རྩིས་བྱས་ན་ནས་ལས་སྣོན་ཐོན་ལས་ལ་མ་རྩ་སྒོར་ཁྲི་4640བཏང་བའི་ནང་སྲིད་ཇུས་ཀྱི་མ་འཇོག་སྒོར་ཁྲི་1220དང་དངུལ་རྩ་མཉམ་འདྲེས་ཀྱི་མ་འཇོག་སྒོར་ཁྲི་3420ཟིན་ཡོད། ནས་ལས་སྣོན་གྱི་ལོའི་ཐོན་འབོར་ཏུན་8000ཟིན་པའི་ནང་ནས་ཀྱི་ཞོར་ཐོན་བཟའ་བཅའ་ལས་སྣོན་བྱེད་ཚད་ཏུན་600ཟིན་པ་དང་། ལོའི་ཐོན་རྫས་རིན་ཐང་སྒོར་ཁྲི་4500ཟིན་པ་རེད།

མིག་སྔར། ཆུས་ཡོངས་སུ་ཁྱོན་ནས་ལས་སྣོན་དང་ཕྱིར་ཚོང་ཁེ་ལས་11ཡོད་པའི་ནང་སྣེ་འདྲེན་ཁེ་ལས་4དང་མཉམ་ལས་ཁང་7ཡོད་ཅིང་། ནས་ལས་སྣོན་ལ་སྐུལ་འདེད་ཤུགས་ཆེན་བཏང་སྟེ་གཞི་ཁྱོན་ཅན་དང་། ཐོན་ལས་ཅན། ཞིབ་གཉེར་ཅན་བཅས་ཀྱི་གཉེར་སྐྱོང་མངོན་འགྱུར་བྱུང་བ་མ་ཟད། མང་ཚོགས་རྣམས་ནས་ལས་སྣོན་ཐོན་ལས་ནང་ཞུགས་རྒྱུར་སྐུལ་ཁྲིད་ཀྱང་ཐུབ་ཡོད། 2017ལོ་ནས་བཟུང་། ལོ་ལྟར“རྒུ་རུམ་རྩམ་པའི་རིག་གནས་ཡུལ་སྐོར་དུས་ཆེན”གཉེར་ཏེ་རྩམ་པའི་ཐོན་ལས་གོང་འཕེལ་ལ་སྐུལ་འདེད་བཏང་བ་དང་། རིག་གནས་ཀྱི་ཤུགས་རྐྱེན་ཆེ་རུ་བཏང་སྟེ། ཁྱད་ལྡན་རིག་གནས་ཀྱི་སྤུས་རྟགས་བརྟན་པོ་བཙུགས་པ་རེད།