རྒྱལ་ཡོངས་སྲིད་གྲོས་ཞིང་ལས་དང་གྲོང་གསེབ་ཨུ་ལྷན་གྱིས། ཚེས་24ཉིན། པེ་ཅིང་དུ་དྲ་བའི་བརྙན་ལམ་བརྟག་ཞིབ་ཚོགས་འདུ་འཚོགས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དབུལ་སྒྲོལ་འགག་སྒྲོལ་གྱི་མཐའ་མའི་རྒྱལ་ཁ་ལེན་པ་དང་རྒྱལ་ཁ་ཕུ་ཐག་གཅོད་པའི་བཞུགས་མོལ་ཚོགས་འདུའི་ཐོག་གནང་བའི་གསུང་བཤད་ཀྱི་དགོངས་དོན་སློབ་སྦྱོང་དང་ལག་བསྟར་བྱས་པ་དང་། བརྙན་ལམ་ནས་གཞི་རིམ་དབུལ་སྒྲོལ་འགག་སྒྲོལ་བྱེད་ཚུལ་དང་གཙོ་གནད་དང་དཀའ་གནད་བརྟག་ཞིབ་བྱས་པ་རེད། བརྙན་ལམ་ཚོགས་འདུའི་ཐོག་རང་སྐྱོང་ལྗོངས་སྲིད་གྲོས་ཞིང་ལས་དང་གྲོང་གསེབ་ཨུ་ལྷན་གྱི་འབྲེལ་ཡོད་འགན་འཁུར་བས་དབུལ་སྒྲོལ་འགག་སྒྲོལ་གྱི་མཐའ་མའི་རྒྱལ་ཁ་ལེན་པ་དང་རྒྱལ་ཁ་ཕུ་ཐག་གཅོད་པའི་རང་ལྗོངས་ཀྱི་གནས་ཚུལ་ངོ་སྤྲོད་བྱས་པ་རེད། བརྙན་ལམ་ཚོཌ་འདུར་ད་དུང་བོད་དུ་ཡོད་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན་རང་སྐྱོང་ལྗོངས་ཞིང་ལས་ཚན་རིག་ཁང་གི་ཡོན་ཀྲང་ཉི་མ་བཀྲ་ཤིས་དང་མལ་གྲོ་གུང་དཀར་རྫོང་ལྷ་ལུང་གྲོང་ཚོའི་ཏང་ཀྲི་པུའུ་ཧྲུའུ་ཅི་པད་མ་རྡོ་རྗེའི་གཏམ་བཤད་ཉན་པ་རེད།

མིག་སྔའི་བར། རང་ལྗོངས་ཀྱི་རྫོང(ས་ཁུལ)དབུལ་པོ་55ཡི་དབུལ་ཞྭ་ཕུད་པ་དང་2019ལོའི་ལོ་མཇུག་ཏུ་རྫོང(ས་ཁུལ)དབུལ་པོ་19སླར་ཡང་དབུལ་སྒྲོལ་ཐུབ་པའི་ཁྱབ་བསྒྲགས་བྱས་པ་དང་དབུལ་སྒྲོལ་ཐུབ་པའི་མི་འབོར་བསྡོམས་ཁྲི་62.8ཟིན་ནས“སེམས་ཁྲལ་མེད་པ་གཉིས་དང་འགན་སྲུང་གསུམ”གྱི་དམིཌ་ཚད་ལས་འགན་མངོན་འགྱུར་བྱུང་ནས་དབུལ་པོ་དབུལ་རྐྱང་གི་སྣང་ཚུལ་སྤྱིར་ན་མེད་པ་རེད།