དགའ་ལྡན་སིའུ་ཐང་། ལོ་རེའི་བོད་ཟླ་དྲུག་པའི་ཚེས་བཅོ་ལྔ་ཉིན་ནི་དགའ་ལྡན་སིའུ་ཐང་འགྲེམས་པའི་དུས་ཆེན་ཡིན། དེ་ནི་རྗེ་ཙོང་ཁ་པའི་དངོས་སློབ་བྱམས་ཆེན་ཆོས་རྗེ་ཤཱཀྱ་ཡེ་ཤེས་ཀྱི་སློབ་མ་སྙེ་ཐང་པ་ཨ་མོ་གྷ་དང་། བསོད་ནམས་ཤེས་རབ་གཉིས་ཀྱིས་ཏཱ་མིང་གོང་མ་ཡུང་ལོའི་སྲས་གོང་མ་ཟོན་ཏེའི་དབུ་བླ་མཛད་སྐབས་གོང་མས་གནང་བའི་གོས་ཆེན་སིའུ་སྟེ། རྒྱ་སྐད་དུ་ཤིའུ་ཞེས་ཕར་ཕྱིན་བརྒྱབ་པའི་དོན་ཡིན་ཞིང་། ཞལ་ཐང་ནི་ཐུབ་དབང་དང་། གནས་བརྟན་བཅུ་དྲུག རྒྱལ་ཆེན་རིགས་བཞི། དགེ་བསྙེན། ཧ་ཤང་སོགས་ཀྱི་སྐུ་བརྙན་འཁོད་པའི་ཐང་ག་ཉེར་གསུམ་འགྲེམས་སྟོན་གནང་གི་ཡོད། སིའུ་ཐང་འགྲེམས་ཉིན་ཡངས་པ་ཅན་གཙུག་ལག་ཁང་གི་རྩིག་ལྡེབས་སུ་གོས་སྐུ་དག་བཀྲམ་སྟེ་གྲྭ་དམངས་ནས་ཞལ་འདོན་གནང་བ་དང་། ལ་མོའི་ལྷ་མོ་བས་ལྷ་མོ་འཁྲབ་པ་སོགས་བྱེད་པ་དང་། ལྷ་ས་སོགས་ནས་དད་ལྡན་པ་མང་པོ་མཇལ་ཁ་ཞུ་བར་ཡོང་གི་ཡོད།