ཟླ་5ཚེས་20ཉིན་ནས་ཟླ་12ཚེས་31ཉིན་བར། ལྷ་ས་གྲོང་ཁྱེར་སྤྱི་བདེ་འགྲིམ་འགྲུལ་དོ་དམ་སྡེ་ཚན་གྱིས་གློག་སྒུལ་སྦག་སྦག་དང་སྦག་སྦག་གི་འགྲིམ་འགྲུལ་ཁྲིམས་འགལ་བྱེད་སྤྱོད་ལ་ཆེད་དོན་བཅོས་སྒྲིག་གི་བྱ་སྤྱོད་སྤེལ་ནས། གློག་སྒུལ་སྦག་སྦག་དང་སྦག་སྦག་གཏོང་མཁན་ཚོར་བདེ་འཇགས་སྲུང་ཞྭ་གྱོན་དགོས་པའི་ཁྲིད་སྟོན་བྱེད་པ་དང་། ལམ་ལྡོག་ནས་སྐྱོད་མཁན་དང་། འགྲིམ་འགྲུལ་གློག་སྒྲོན་རྩིས་མེད་གཏོང་མཁན། མི་མང་པོ་བསྐྱོན་པ། ཅ་དངོས་ཚད་ལས་བརྒལ་ནས་བླུགས་པ་སོགས་ཀྱི་འགྲིམ་འགྲུལ་ཁྲིམས་འགལ་གྱི་བྱེད་སྤྱོད་ལ་ཞིབ་བཤེར་ནན་པོ་བྱེད་རྒྱུ་རེད།    

ལྷ་སའི་འགྲིམ་འགྲུལ་ཉེན་རྟོག་པས་རྒྱ་ཆེའི་གློག་སྒུལ་སྦག་སྦག་དང་སྦག་སྦག་གཏོང་མཁན་ཚོས་རང་འགུལ་ངང་འགྲིམ་འགྲུལ་བཅའ་ཁྲིམས་དང་ཁྲིམས་སྲོལ་ལ་སྲུང་བརྩི་ཞུས་ནས། བདེ་འཇགས་དང་ཡ་རབས་ལྡན་པའི་སྒོ་ནས་ཕྱིར་སྐྱོད་དགོས་པའི་དྲན་སྐུལ་བྱས་པ་རེད།