ཟླ3ཚེས11ཉིན། ཀྲུང་གོ་བོད་ལྗོངས་རི་འཛེག་མཐུན་ཚོགས་ཀྱིས་ཇོ་མོ་གླང་མའི་བྱང་འདབས་(ཀྲུང་གོའི་བོད་ལྗོངས་ངོས་)ཀྱི་འགྲོ་ལམ་བཀག་པའི་ཁྱབ་བསྒྲགས་བྱས་ཡོད་ཅིང་། དེ་ནི་ཇོ་མོ་གླང་མའི་སྒར་ས་ཆེན་མོར་ཏོག་གསར་གློ་ཚད་མི་འགོ་བར་འགོག་ཟོན་དང་ཁུལ་དེར་སྨན་བཅོས་རོགས་སྐྱོབ་ཀྱི་དཀའ་གནད་ཆེ་བར་དམིགས་པ་ཞིག་རེད། གནས་ཚུལ་སྤེལ་བ་ལྟར་ན། ཉེན་དཔྱད་རུ་ཁག་སུ་འདྲ་ཞིག་ཡིན་རུང་དབུ་རྩེའི་བྱང་འདབས་སུ་འཛེག་མི་ཆོག་པའི་ཐོག དཔྱིད་ཀ་ཤར་རྗེས་ཀྱི་རི་འཛེག་བྱེད་སྒོ་ཆ་ཚང་སྤེལ་མི་ཆོག་པ་བསྟན་ཡོད། 

ཚེས12ཉིན། བོད་རང་སྐྱོང་ལྗོངས་རི་འཛེག་ལུས་རྩལ་དོ་དམ་ལྟེ་གནས་ཀྱིས་ཏོག་གསར་གློ་ཚད་འགོག་ཟོན་བྱེད་པའི་དགོས་མཁོར་དམིགས་ཏེ་2020ལོའི་དཔྱིད་དུས་ཀྱི་ཕྱི་རྒྱལ་རི་འཛེག་ཚོགས་པའི་སྣེ་ལེན་ལས་དོན་སྤེལ་མཚམས་བཞག་པའི་གསལ་བསྒྲགས་སྤེལ་ཡོད།

སྤྱི་བསྒྲགས་ནང་། གོ་ལ་ཧྲིལ་པོའི་རིམས་ནད་འགོག་འཛིན་གྱི་དུས་བབ་ལ་གཞིགས་ཏེ་དུས་ཚོད་འོས་འཚམས་སུ་ཕྱི་རྒྱལ་རི་འཛེག་ཚོགས་པའི་སྣེ་ལེན་ལས་དོན་སླར་གསོ་བྱ་རྒྱུ་ཡིན་པ་བསྟན་ཡོད།