ཞི་ཅིན་ཕིང་གིས་ཨུ་རུ་སུའི་ཙུང་ཐུང་ཕུའུ་ཅིང་དང་ཨ་རིའི་ཙུང་ཐུང་ཐེ་རོན་ཕུའུ་དང་ལྷན་དུ་ཀྲུང་གོ་དང་། ཨུ་རུ་སུ། ཨ་རི་བཅས་ཀྱི་གཙོ་བདག་དང་ཞལ་འཛོམས་གནང་རྒྱུ་ཡིན་པ།
ཕྱི་འབྲེལ་པུའི་མགྲིན་ཚབ་པས་དྲི་བར་ལན་བརྒྱབ་པ།
ཟླ་11ཚེས་16ཉིན་ཕྱི་འབྲེལ་པུའི་མགྲིན་ཚབ་པས་ཟླ་11ཚེས་19ཉིན་ཞི་ཅིན་ཕིང་གིས་ཧྲེན་ཀྲེན་དུ་ཨུ་རུ་སུའི་ཙུང་ཐུང་ཕུའུ་ཅིང་དང་ཨ་རིའི་ཙུང་ཐུང་ཐེ་རོན་ཕུའུ་དང་ལྷན་དུ་ཀྲུང་གོ་དང་། ཨུ་རུ་སུ། ཨ་རི་བཅས་ཀྱི་གཙོ་བདག་དང་ཞལ་འཛོམས་གནང་རྒྱུའི་ཁྱབ་བསྒྲགས་བྱས་པ་རེད།
ཟླ་11ཚེས་19ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཧྲེན་ཀྲེན་དུ་ཨུ་རུ་སུའི་ཙུང་ཐུང་ཕུའུ་ཅིང་དང་ཨ་རིའི་ཙུང་ཐུང་ཐེ་རོན་ཕུའུ་དང་ལྷན་དུ་ཀྲུང་གོ་དང་། ཨུ་རུ་སུ། ཨ་རི་བཅས་ཀྱི་གཙོ་བདག་དང་ཞལ་འཛོམས་གནང་རྒྱུ་རེད། ཚེས་16ཉིན་ཕྱི་འབྲེལ་པུའི་མགྲིན་ཚབ་པ་མའོ་ཉིང་གིས་གསར་འགོད་པའི་འཆར་ཅན་ཚོགས་འདུའི་ཐོག་དྲི་བར་ལན་སྐྱོན་སྐབས། འདི་ནི་ཀྲུང་གོ་དང་། ཨུ་རུ་སུ། ཨ་རི་བཅས་རྒྱལ་ཁབ་གསུམ་གྱི་གཙོ་བདག་གི་ལོ་རྒྱུས་ཐོག་གི་ཞལ་འཛོམས་གནང་ཐེངས་དང་པོ་ཡིན་པ་དེས། འཛམ་གླིང་ཞི་བདེ་སྲུང་སྐྱོང་དང་རྒྱལ་ཁབ་ཆེན་པོའི་འབྲེལ་བའི་འཐབ་ཇུས་བརྟན་ལྷིང་ལ་སྐུལ་འདེད་གཏོང་བར་དམིགས་ནས། དགོངས་འཆར་བརྗེ་རེས་གཏིང་ཟབ་གནང་རྒྱུ་ཡིན་པར་གསར་གཏོད་རང་བཞིན་གྱི་དོན་སྙིང་ལྡན་ཡོད་ཅེས་གསུངས་པ་རེད།
མའོ་ཉིང་གིས། ཀྲུང་གོ་དང་། ཨུ་རུ་སུ། ཨ་རི་བཅས་ཚང་མ་ནི་མཉམ་འབྲེལ་རྒྱལ་ཚོགས་སྲོལ་གཏོད་མཁན་གྱི་ཚོགས་མིའི་རྒྱལ་ཁབ་དང་བདེ་འཇགས་ལས་འཛིན་ལྷན་ཚོགས་ཀྱི་ལས་འགན་རྒྱུན་འཛིན་རྒྱལ་ཁབ་རེད། ལོ་རྒྱུས་ཐོག་རྒྱལ་ཁབ་གསུམ་པོས་དེ་སྔ་དཔུང་པ་མཉམ་གཤིབ་ཀྱིས་འཛམ་གླིང་གི་ཧྥ་ཤི་སིར་ངོ་རྒོལ་བྱེད་པའི་དམག་འཁྲུག་གི་རྒྱལ་ཁ་བླངས་ཡོད། མིག་སྔའི་དུས་བབ་འོག་རྒྱལ་ཁབ་གསུམ་པོས་མཉམ་ལས་བྱས་ནས་གོ་ལ་ཧྲིལ་པོའི་རང་བཞིན་གྱི་འགྲན་སློང་ལ་ཁ་གཏད་གཅོག་པ་དང་འཛམ་གླིང་བདེ་བརྟན་ལྷིང་ལ་སྐུལ་འདེད་གཏོང་བའི་འགན་འཁྲི་ལྕི་པོ་འཁུར་བཞིན་ཡོད།
ཀྲུང་གོ་དང་། ཨུ་རུ་སུ། ཨ་རི་བཅས་ཀྱིས་འབྲེལ་གཏུག་ལ་ཤུགས་སྣོན་རྒྱག་པ་དང་། མི་མཐུན་སར་དོ་དམ་ཚོད་འཛིན་བྱེད་པ། འབྲེལ་བ་བརྟན་དུ་གཏོང་བ་བཅས་ནི་རྒྱལ་ཁབ་གསུམ་གྱི་ཁེ་ཕན་དང་མཐུན་ལ། རྒྱལ་སྤྱིའི་སྤྱི་ཚོགས་ཀྱི་རེ་སྒུག་ཀྱང་ཡིན་པས་འཛམ་གླིང་གི་དུས་བབ་བརྟན་དུ་གཏོང་བ་དང་སྐད་ཆ་ཤོད་རེས་དང་མཉམ་ལས་ལ་སྐུལ་འདེད་གཏོང་བར་ཡང་ཕན་ཐོགས་ཡོད་ཅེས་གསུངས་པ་རེད།
འབྲེལ་ཡོད་གསར་འགྱུར།