ཟླ་10ཚེས་25ཉིན་གྱི་མཚན་མོའི་ཆུ་ཚོད་8པར། ནག་ཆུ་གྲོང་ཁྱེར་སྦྲ་ཆེན་རྫོང་དམར་རུ་ཤང་གྲོང་ཚོ་གཉིས་པའི་གནོད་འཚེ་ཕོག་པའི་མང་ཚོགས་བཀོད་སྒྲིག་བྱ་ཡུལ་གྱི་སྒྲོམ་ཁང་ལ་གཅིག་རྗེས་གཉིས་མཐུད་ངང་གློག་ཤར་གཏོང་ཐུབ་པ་རེད།

གློག་ཤུགས་ལས་དོན་མི་སྣ་50ཡིས་ས་བབ་མཐོ་བ་དང་གྲང་ངར་ཆེ་བ། འགྲོ་ལམ་ཀྱག་ཀྱོག་སོགས་ཀྱི་དཀའ་ངལ་མཐའ་དག་ཁྱད་དུ་བསད་ནས། ཆུ་ཚོད་བརྒྱད་ལྷག་ཙམ་འབད་བརྩོན་ལྷོད་མེད་བྱས་པ་བརྒྱུད། སྒྲོམ་ཁང་གི་གློག་འོད་དང་དྲོད་ལེན་སོགས་གཞི་རྩའི་འཚོ་བའི་གློག་སྤྱོད་ཀྱི་དགོས་མཁོ་འགན་ལེན་བྱས་ཡོད།