ཀྲུང་དབྱང་གིས་ཏང་དངུལ་ནས་གེགས་སེལ་ལ་སྒོར་ཁྲི2500བཏང་འདུག
སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་བྱ་ཆེད། ཀྲུང་དབྱང་རྩ་འཛུགས་པུས་ཀྲུང་དབྱང་གི་ཚབ་ཞུས་ཏེ་ཉར་བའི་དོ་དམ་ཏང་དངུལ་ནས་བོད་ལ་ཆེད་དོན་མ་དངུལ་སྒོར་ཁྲི་2500གཤམ་སྤྲོད་བྱས་ཏེ་ཡོམ་འགོག་གེགས་སེལ་གྱི་ལས་དོན་ལ་རྒྱབ་སྐྱོར་བྱས་པ་རེད།
ཀྲུང་དབྱང་རྩ་འཛུགས་པུས་བླང་བྱ་བཏོན་དོན། གེགས་ཁུལ་གྱི་རིམ་ཁག་ཏང་རྩ་འཛུགས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་ནན་ཏན་བྱེད་པ་དང་། གཞི་རིམ་ཏང་རྩ་འཛུགས་དང་རྒྱ་ཆེའི་ཏང་ཡོན་ལས་བྱེད་པས་དམག་འཐབ་མཁར་རྫོང་དང་གདོང་ལེན་དཔེ་བཟང་གི་ནུས་པ་གང་ལེགས་བཏོན་ནས་མི་སྣ་འཚོལ་སྐྱོབ་དང་རྨས་མ་སྐྱོབ་བཅོས་ཀྱི་ལས་དོན་ནུས་ཤུགས་ཡོད་རྒུས་བསྒྲུབས་ཏེ། མི་སྣ་ཤི་རྨས་ཉུང་དུ་གཏོང་གང་ཐུབ་དང་། ཞོར་ཐོན་གནོད་འཚེར་འགོག་ཟོན་ནན་པོ། གནོད་འཚེ་ཕོག་པའི་མང་ཚོགས་བཀོད་སྒྲིག་འོས་འཚམ་བཅས་བྱས་ནས། མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་འགན་ལེན་ཏན་ཏིག་བྱེད་དགོས། ཀྲུང་དབྱང་རྩ་འཛུགས་པུས་ནན་བཤད་བྱས་དོན། ཏང་དངུལ་དེ་དག་དུས་ཐོག་ཏུ་གཞི་རིམ་ལ་གཏོང་བ་དང་ཡོམ་འགོག་གེགས་སེལ་ལས་དོན་ལ་སྤྱད་དེ་ཆེད་དངུལ་ཆེད་སྤྱོད་ཐུབ་པ་བྱེད་དགོས།
འབྲེལ་ཡོད་གསར་འགྱུར།