ལྷ་ས་གྲོང་ཁྱེར་ཁྲེང་ཀོན་ཆུས་རྔ་ཆེན་ཁྲོམ་གཞུང་གིས།
ལས་རྣམ་གསར་པའི་ཚོགས་སྤྱིར་སེམས་ཁུར་བྱེད་པའི་བརྗོད་དོན་གཙོ་བོའི་བྱེད་སྒོ་སྤེལ་བ།
ཉེ་ཆར། ལྷ་ས་གྲོང་ཁྱེར་ཁྲེང་ཀོན་ཆུས་རྔ་ཆེན་ཁྲོམ་གཞུང་གིས་ལས་རྣམ་གསར་པའི་ཚོགས་སྤྱིར་སེམས་ཁུར་བྱེད་པའི་བརྗོད་དོན་གཙོ་བོའི་བྱེད་སྒོ་སྤེལ་ནས་མངག་ཚོང་སྐྱེལ་མཁན་དང་མྱུར་སྐྱེལ་བ་ཚོར་རྩ་འཛུགས་ནས་སེམས་ཁུར་བྱས་པ་མ་ཟད། ཁོང་ཚོར་གཞི་རིམ་བཅོས་སྐྱོང་ནང་ཞུགས་པར་ཁྲིད་སྟོན་ཡང་བྱས་པ་རེད།
བྱེད་སྒོ་སྤེལ་ཡུལ་དུ་རྔ་ཆེན་ཁྲོམ་གཞུང་གི་ལས་དོན་མི་སྣས་མངག་ཚོང་སྐྱེལ་མཁན་དང་མྱུར་སྐྱེལ་བ་ཚོར་ཆར་གོས་སྤྲད་པ་མ་ཟད། དྲོ་སྐྱིད་ལྡན་པའི་ངལ་གསོ་རྒྱག་ས་བཙུགས་ནས་ཏན་ཞིམ་དང་། འཐུང་ཆུ། ཤིང་འབྲས་སོགས་མཁོ་འདོན་བྱས་ཏེ་ཚ་དྲོད་ཆེ་བའི་ཕྱི་རོལ་དུ་ལས་ཀ་བྱེད་མཁན་ཚོར་སེམས་ཁུར་བྱས་པ་རེད།
བྱེད་སྒོའི་ལས་སྟེགས་ལ་བརྟེན་ནས་ཁྲོམ་གཞུང་དང་སྡེ་ཚན་ཁག་གིས་རིམ་དབྱེའི་སྒྲོག་འགྲེལ་བྱས་ཏེ་ཚ་དྲོད་ཆེ་བའི་སྐབས་འགོག་སྲུང་བྱེད་ཐབས་དང་། གློག་སྒུལ་རླངས་འཁོར་ལ་གློག་གསོག་པ། དམིགས་བསལ་གནམ་གཤིས་སྟོན་སྐབས་ཉེན་གཡོལ་བྱེད་ཐབས་སོགས་ཀྱི་བདེ་འཇགས་ཤེས་བྱ་ཁྱབ་གདལ་བཏང་ནས་མངག་ཚོང་སྐྱེལ་མཁན་ལ་དུས་བདེ་འཛུགས་སྐྱོང་གི་ཆ་འཕྲིན་པ་ཡག་པོ་ཞིག་བྱས་ནས། དུས་ཐོག་ཏུ་བདེ་འཇགས་ཀྱི་མངོན་མེད་རྐྱེན་ངན་གོང་ཞུ་བྱེད་དགོས་པའི་འབོད་སྐུལ་བྱས་ཡོད། འཕྲུལ་མིན་འཁོར་རིགས་འཇོག་སྟངས་ཚད་ལྡན་དུ་གཏོང་བ་དང་། “ཞོར་དུ་པར་ལེན་པ་དང་། ཟིན་བྲིས་འགོད་པ། སྙན་སེང་ཞུ་བ”བཅས་ཀྱི་ལམ་སྲོལ་ཞིབ་ཚགས་སུ་བཏང་ནས་མངག་ཚོང་སྐྱེལ་མཁན་ལ་དུས་རྒྱུན་ཅ་ལག་སྐྱེལ་སྐབས་ལམ་བཟུང་ནས་ཚོང་གཉེར་བྱེད་པ་དང་ཁོར་ཡུག་ཟང་ཟིང་གི་སྣང་ཚུལ་སོགས་ལ་སྐོར་ཞིབ་བྱེད་དགོས་པའི་ལྕག་སྐུལ་བྱས་ཡོད། སེམས་དྲོད་ས་ཚིགས་དང་ཏང་ཞུགས་འོས་སྦྱོར་སོགས་ཀྱི་ཞབས་ཞུའི་བྱ་ཐབས་ངོ་སྤྲོད་བྱས་པ་དང་མངག་ཚོང་སྐྱེལ་མཁན་གྱི་ལས་ཀའི་དཀའ་གནད་དང་བཅོས་སྒྲིག་གི་གྲོས་འགོ་ཉན་པ་མ་ཟད། ཕུལ་བྱུང་གི་མངག་ཚོང་སྐྱེལ་མཁན་དང་བླངས་ཞབས་ཞུའི་རུ་ཁག་ནང་ཞུགས་རྒྱུའི་སྐུལ་སློང་ཡང་བྱས་པ་རེད།
འབྲེལ་ཡོད་གསར་འགྱུར།