སུའུ་ཀྲོའུ་ཐོན་ལས་མནའ་འབྲེལ་གྱིས་ལྷུན་གྲུབ་རྫོང་དུ་རོགས་སྐྱོར་བྱེད་སྒོ་སྤེལ་བ།
ཉེ་ཆར། སུའུ་ཀྲོའུ་གྲོང་ཁྱེར་རིག་ནུས་བཟོ་སྐྲུན་ཐོན་ལས་མནའ་འབྲེལ་དང་སུའུ་ཀྲོའུ་མཐོ་གསར་ཁུལ་རིག་ནུས་བཟོ་སྐྲུན་ཐོན་ལས་མཐུན་ཚོགས་ཀྱིས་ཁེ་ལས་མཁས་ཅན་དང་ཏང་ཡོན་གྱི་འཐུས་མི་སྒྲིག་འཛུགས་བྱས་ཏེ་ལྷུན་གྲུབ་རྫོང་དུ་ཏང་འཛུགས་སྐྱོང་མཉམ་སྐྲུན་དང་། ཐོན་ལས་ངོ་འཕྲད་གྲོས་མོལ། གཅེས་སེམས་སློབ་སྐྱོར་བཅས་དང་ཟུང་འབྲེལ་བྱས་ཏེ། ཕྱོགས་བསྡུས་བོད་སྐྱོར་སྐོར་གྱི་སྤེལ་རེས་བྱས་པ་དང་རོགས་སྐྱོར་བྱེད་སྒོ་སྤེལ་བ་རེད།
རྟོག་ཞིབ་ཚོགས་པ་ལྷུན་གྲུབ་ཞིང་རའི་གསར་བརྗེའི་སློབ་གསོའི་རྟེན་གཞིར་བསྐྱོད་དེ་བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་སྤེལ་བ་དང་གཞོན་ནུ་ཤེས་ཡོན་ཅན་གྱིས་ས་རྒོད་སློག་པའི་དངོས་མཚོན་གློག་བརྙན་བལྟས་ནས་གངས་ལྗོངས་ཀྱི་འབད་འཐབ་ལོ་རྒྱུས་བསྐྱར་དྲན་དང་། བོད་སྐྱོད་པ་རྒན་གྲས་ཀྱི་སྙིང་སྟོབས་ཚོར་བ། ཏང་དར་ལ་ཕྱོགས་ནས་སྒམ་བརླིང་དམ་བཅའ་འཇོག་པ་བཅས་བྱས་པ་མ་ཟད། སུའུ་ཀྲོའུ་ཡི་བོད་སྐྱོར་དངོས་མཚོན་འགྲེམས་ཁང་ལ་ལྟ་སྐོར་ཡང་བྱས་པ་རེད།
སྲིད་གཞུང་དང་ཁེ་ལས་དབར་སྤེལ་རེས་བྱེད་པའི་བཞུགས་མོལ་ཚོགས་འདུར་སུའུ་ཀྲོའུ་མཐོ་གསར་ཁུལ་གྱི་རིག་ནུས་བཟོ་སྐྲུན་ཐོན་ལས་མཐུན་ཚོགས་ཀྱི་འབྲེལ་ཡོད་འགན་འཁུར་བས། རང་ངོས་ཀྱི་ཐོན་ལས་ཚོགས་སྤྱིའི་ལེགས་ཆར་བརྟེན་པ་དང་ལྷུན་གྲུབ་རྫོང་གི་ཐོན་ཁུངས་ཀྱི་ཁྱད་ཆོས་ལ་དམ་པོར་དམིགས་ནས། ཕུགས་ཕན་གྱི་ཐོན་ལས་སྦྲེལ་མཐུད་ལས་སྟེགས་བཏོད་དེ། ས་གནས་ཀྱི་མང་ཚོགས་ལ་འབབ་འཕར་ཕྱུག་འགྱུར་གྱི་ལམ་བུ་ཡངས་སུ་གཏོང་རྒྱུ་ཡིན་ལུགས་བརྗོད་ཡོད།
བྱེད་སྒོ་སྤེལ་ཡུལ་དུ། སུའུ་ཀྲོའུ་གྲོང་ཁྱེར་རིག་ནུས་བཟོ་སྐྲུན་ཐོན་ལས་མནའ་འབྲེལ་གྱི་འཐུས་མིས་ལྷུན་གྲུབ་རྫོང་སློབ་འབྲིང་ལ་ལུས་རྩལ་ཡོ་ཆས་ཞལ་འདེབས་བརྒྱབ་པ་དང་སློབ་གྲྭར་འགྲོ་མུས་ཀྱི་སློབ་མར་སློབ་སྐྱོར་རོགས་དངུལ་སྤྲད་ནས་ས་མཐོའི་ཁྱིམ་ཚང་གི་སློབ་མའི་སློབ་ཞུགས་ཀྱི་གནོན་ཤུགས་ཆུང་དུ་བཏང་བ་རེད།
འབྲེལ་ཡོད་གསར་འགྱུར།