འཕྲིན་ལན།

སི་ཁྲོན་སློབ་ཆེན་གྱི་དགེ་སློབ་ཡོངས་ལ།

ཁམས་བཟང་། ཁྱེད་ཚོའི་འཕྲིན་ཡིག་འབྱོར་བྱུང་། སི་ཁྲོན་སློབ་ཆེན་བཙུགས་ནས་ལོ་ངོ་130འཁོར་བའི་མཚམས་འདིར་ངས་དགེ་སློབ་ལས་བཟོ་ཡོངས་དང་རྒྱ་ཆེའི་སློབ་གྲྭ་གཅིག་པ་ཚོར་རྟེན་འབྲེལ་ཞུ་རྒྱུ་ཡིན།

སེམས་ལ་ཁྱིམ་ཚང་དང་རྒྱལ་ཁབ་འཆང་བ་དང་། ནུབ་རྒྱུད་དུ་རྩ་བ་ཚུཌ་པ། སློབ་གསོ་དར་སྤེལ་དང་མི་སྣ་གསོ་སྐྱོང་བཅས་ནི་སི་ཁྲོན་སློབ་ཆེན་གྱི་སྲོལ་རྒྱུན་བཟང་པོ་ཞིག་རེད། འགོ་འཛུགས་ས་གསར་པའི་ཐོག་ཁྱེད་ཚོས་གསར་བརྗེའི་སྙིང་སྟོབས་རྒྱུན་འཛིན་དང་། རིག་གནས་དང་། ཚན་རིག བཟོ་སྐྲུན། གསོ་རིག་བཅས་རིག་ཚན་ཕན་ཚུན་མཉམ་འདྲེས་ཀྱི་ལེགས་ཆ་བཏོན་ཏེ་དུས་རབས་གསར་པའི་རྒྱལ་ཁབ་ཀྱི་འཐབ་ཇུས་ལ་ཞབས་འདེགས་ཞུ་བའི་ནང་གདོང་ལེན་དང་མིག་དཔེ་ཧུར་ཐག་བྱས་ནས། སློབ་གསོ་སྟོབས་ཆེའི་རྒྱལ་ཁབ་དང་། ཚན་རྩལ་སྟོབས་ཆེའི་རྒྱལ་ཁབ། ཤེས་ལྡན་པ་སྟོབས་ཆེའི་རྒྱལ་ཁབ་བཅས་བསྐྲུན་ཆེད་ལེགས་སྐྱེས་ཧུར་ཐག་འབུལ་རྒྱུའི་རེ་བ་ཡོད།

ཞི་ཅིན་ཕིང་གིས།

2026ལོའི་ཟླ་9ཚེས་28ཉིན།

(ཤིན་ཧྭ་གསར་འགྱུར་ཁང་པེ་ཅིང་ནས་ཟླ་9ཚེས་29ཉིན་འབྱོར་བའི་གློག་འཕྲིན)

ཉེ་ཆར། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་སི་ཁྲོན་སློབ་ཆེན་གྱི་དགེ་སློབ་ཡོངས་ལ་འཕྲིན་ལན་སྤྲིངས་ནས་སི་ཁྲོན་སློབ་ཆེན་བཙུགས་ནས་ལོ་ངོ་130འཁོར་བའི་མཚམས་སུ་དགེ་སློབ་ལས་བཟོ་ཡོངས་དང་རྒྱ་ཆེའི་སློབ་གྲྭ་གཅིག་པ་ཚོར་རྟེན་འབྲེལ་ཞུས་པ་རེད།

ཞི་ཅིན་ཕིང་གིས་ནན་བཤད་གནང་དོན། སེམས་ལ་ཁྱིམ་ཚང་དང་རྒྱལ་ཁབ་འཆང་བ་དང་། ནུབ་རྒྱུད་དུ་རྩ་བ་ཚུགས་པ། སློབ་གསོ་དར་སྤེལ་དང་མི་སྣ་གསོ་སྐྱོང་བཅས་ནི་སི་ཁྲོན་སློབ་ཆེན་གྱི་སྲོལ་རྒྱུན་བཟང་པོ་ཞིག་རེད། འགོ་འཛུགས་ས་གསར་པའི་ཐོག་ཁྱེད་ཚོས་གསར་བརྗེའི་སྙིང་སྟོབས་རྒྱུན་འཛིན་དང་། རིག་གནས་དང་། ཚན་རིག བཟོ་སྐྲུན། གསོ་རིག་བཅས་རིག་ཚན་ཕན་ཚུན་མཉམ་འདྲེས་ཀྱི་ལེགས་ཆ་བཏོན་ཏེ་དུས་རབས་གསར་པའི་རྒྱལ་ཁབ་ཀྱི་འཐབ་ཇུས་ལ་ཞབས་འདེགས་ཞུ་བའི་ནང་གདོང་ལེན་དང་མིག་དཔེ་ཧུར་ཐག་བྱས་ནས། སློབ་གསོ་སྟོབས་ཆེའི་རྒྱལ་ཁབ་དང་། ཚན་རྩལ་སྟོབས་ཆེའི་རྒྱལ་ཁབ། ཤེས་ལྡན་པ་སྟོབས་ཆེའི་རྒྱལ་ཁབ་བཅས་བསྐྲུན་ཆེད་ལེགས་སྐྱེས་ཧུར་ཐག་འབུལ་རྒྱུའི་རེ་བ་ཡོད། (འཕྲིན་ལན་གྱི་ནང་དོན་ཆ་ཚང་ལོགས་སུ་བཀོད་ཡོད)

སི་ཁྲོན་སློབ་ཆེན་ནི་1896ལོར་བཙུགས་པའི་སྔ་མིང་ལ་སི་ཁྲོན་ཀྲུང་ལུགས་གསོ་རིག་སློབ་གྲྭ་ཞེས་པ་དེ་ཡིན་ཞིང་། དེ་ནི་རང་རྒྱལ་གྱི་ལྷོ་ནུབ་ས་ཁུལ་དུ་བཙུགས་སྔ་ཤོས་ཀྱི་མཐོ་རིམ་སློབ་གསོའི་སྒྲིག་གཞི་ཞིག་རེད། ཉེ་ཆར། སི་ཁྲོན་སློབ་ཆེན་གྱི་དགེ་སློབ་ཡོངས་ཀྱིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་འཕྲིན་ཡིག་སྤྲིངས་ནས་སློབ་གྲྭའི་འཕེལ་རྒྱས་ཀྱི་ལོ་རྒྱུས་ལམ་བུ་དང་སློབ་གཉེར་གྲུབ་འབྲས་སྙན་སེང་ཞུས་ཏེ། མེས་རྒྱལ་གྱི་ནུབ་རྒྱུད་དུ་གཞི་ཚུཌ་པ་དང་བློ་བརྟན་འགྱུར་མེད་ངང་སློབ་གསོ་དར་རྒྱས་དང་རྒྱལ་ཁབ་ལ་དྲིན་ལན་འཇལ་བའི་ཆོད་སེམས་མཚོན་པར་བྱས་པ་རེད།