ཉེ་ཆར། རིང་ཚད་ལ་སྨི་40དང་ལྗིད་ཚད་ལ་ཏུན་157ཡོད་པའི་སྔོན་བཟོས་སྒམ་གདུང་མཐའ་མ་དེ་གནད་ལ་འཁེལ་པོས་བསྒྲིགས་པ་དང་བསྟུན་ནས་རེབ་གོང་ནས་གསེར་ལུང་བར་གྱི་མྱུར་བགྲོད་གཞུང་ལམ་གྱི་བཙན་མོ་ཆུ་བོའི་ཟམ་ཆེན་བདེ་བླག་ངང་བསྐྲུན་ཟིན་པ་དང་ལམ་ཐིག་ཧྲིལ་པོར་རླངས་འཁོར་ཤར་གཏོང་ཐུབ་པར་རྨང་གཞི་བརྟན་པོ་བཏིང་ཡོད།

བཙན་མོ་ཆུ་བོ་ཟམ་ཆེན་ནི་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཀྲོའུ་རེབ་གོང་གྲོང་ཁྱེར་བཙན་མོ་ཤང་དུ་གནས་པ་དང་། མཚོ་བོད་ས་མཐོ་དང་ས་སེར་མཐོ་སྒང་གི་འབྲེལ་མཚམས་སུ་གནས་ཤིང་། ཆ་སྙོམས་ས་བབ་སྨི་3100ཟིན་པས་ལམ་ཐིག་ཧྲིལ་པོའི་གཙོ་གནད་དང་དཀའ་གནད་ཀྱི་ཚོད་འཛིན་རང་བཞིན་གྱི་ལས་གྲྭ་ཞིག་ཡིན། དེའི་ཟམ་པའི་ཀ་བ་མཐོ་ཤོས་ལ་སྨི་151.7ཟིན་པ་དེ་ནི་མཚོ་སྔོན་ཞིང་ཆེན་གྱིས་སྐྲུན་བཞིན་པའི་མྱུར་བགྲོད་གཞུང་ལམ་རྣམ་གྲངས་ཁྲོད་ཀྱི་མཐོ་ཤོས་ཡིན་པ་རེད།