ཤིན་ཧྭ་གསར་འགྱུར་ཁང་གྲོང་ཁྱེར་མོ་སི་ཁོ་ནས་ཟླ་9ཚེས་26ཉིན་གློག་འཕྲིན་འབྱོར་གསལ། ཚེས་25ཉིན“ཀྲུང་ཧྭ་མི་རིགས་ཁྱིམ་ཚང་གཅིག་ལྟར་བརྩེ”ཞེས་པའི་པར་རིས་འགྲེམས་སྟོན་ཨུ་རུ་སུའི་རྒྱལ་ས་མོ་སི་ཁོར་གཉེར་བ་རེད། ད་ཐེངས་ཀྱི་འགྲེམས་སྟོན་ནང་ཤིན་ཧྭ་གསར་འགྱུར་ཁང་གི་པར་རིས་བརྩམས་ཆོས་39ལེགས་འདེམས་བྱས་ནས་ཀྲུང་གོའི་མི་རིགས་ཁག་མཉམ་འདྲེས་མཉམ་གནས་དང་ཀྲུང་ཧྭ་མི་རིགས་མཐུན་སྒྲིལ་དང་འཕེལ་རྒྱས་ཀྱི་རྣམ་པ་གསོན་ཉམས་དོད་པོས་མངོན་ཡོད།

ཨུ་རུ་སུར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཀྲང་ཧན་ཧུའེ་ཡིས་འགྲེམས་སྟོན་ལ་ལྟ་སྐབས། པར་རིས་འགྲེམས་སྟོན་གྱིས་ཀྲུང་གོའི་མི་རིགས་ཁག་གི་མི་དམངས་ཕན་ཚུན་རོགས་རེས་དང་ཞི་མཐུན་མཉམ་གནས་ཀྱི་གསོན་ཉམས་དོད་པའི་རྣམ་པ་མཚོན་པར་བྱས་འདུག་ལ། ཀྲུང་ཧྭ་མི་རིགས་མཐུན་སྒྲིལ་འབད་འཐབ་ཀྱི་གསོན་ཉམས་དོད་པའི་གཏམ་རྒྱུད་ཀྱང་བརྗོད་འདུག《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མི་རིགས་མཐུན་སྒྲིལ་ཡར་ཐོན་སྐུལ་སྤེལ་བཅའ་ཁྲིམས》ད་ལོའི་ཟླ་7པར་དངོས་སུ་ལག་བསྟར་བྱས་པ་དང་། ཨུ་རུ་སུས་ཀྱང་2026ལོ“མི་རིགས་མཐུན་སྒྲིལ་ལོར”ཁྱབ་བསྒྲགས་བྱས་ཡོད། ད་ཐེངས་ཀྱི་པར་རིས་འགྲེམས་སྟོན་གཉེར་བ་དང་སྐབས་འཁེལ་བས་ཀྲུང་ཨུ་རྒྱལ་ཁབ་གཉིས་པོའི་མི་དམངས་ཀྱི་ཁྱིམ་མཚེས་རྒྱལ་ཁབ་དབར་གྱི་མཛའ་མཐུན་ལ་སྐུལ་འདེད་དང་དུས་རབས་གསར་པའི་ཀྲུང་ཨུའི་ཕྱོགས་ཡོངས་ཀྱི་འཐབ་ཇུས་མཉམ་ལས་རོགས་ཟླའི་འབྲེལ་བ་འཕེལ་རྒྱས་ལ་སྐུལ་འདེད་གཏོང་བར་དོན་སྙིང་གལ་ཆེན་ལྡན་ཡོད་ཅེས་བརྗོད་པ་རེད།