ཉེ་ཆར། གོ་ལ་ཧྲིལ་པོའི་གྲངས་འཛིན་ཚོང་དོན་འགྲེམས་ཚོགས་སྐབས་ལྔ་པ(གཤམ་དུ“གྲངས་འཛིན་ཚོང་དོན་འགྲེམས་ཚོགས”ཞེས་བསྡུ་རྒྱུ)ཧང་ཀྲོའུ་ཚོཌ་འགྲེམས་ལྟེ་གནས་སུ་གཉེར་བ་རེད། རང་ལྗོངས་ཀྱི་འགྲེམས་ཞུཌ་ཁེ་ལས་37དང་། ཉོ་སྒྲུབ་ཁེ་ལས་6དང་། ཚོང་ལས་མཐུན་ཚོགས་6ཞུགས་ཡོད།

རང་ལྗོངས་ཀྱི་འགྲེམས་ཁུལ་གྱིས“དྲ་རྒྱའི་བོད་ལྗོངས། གྲངས་འཛིན་ཚོང་དོན་མཉམ་དར”ཞེས་པ་བརྗོད་དོན་གཙོ་བོར་བྱས་པ་དང་། བོད་ཀྱི་དམིགས་བསལ་ཐོན་ཁུངས་ཀྱི་ལེགས་ཆ་དང་ས་བབ་ཀྱི་ལེགས་ཆར་གཞི་ཚུགས་ནས་ས་མཐོའི་ཁྱད་ཆོས་དང་། གྲངས་འཛིན་མཐུན་རྐྱེན། སྒོ་དབྱེ་མཉམ་ལས་བཅས་མངོན་པར་བྱས་ཡོད།

འགྲེམས་ཞུགས་ཁེ་ལས་ཁྲོད་ཁྱད་ལྡན་ཞིང་འབྲོག་དང་། མི་རིགས་ལག་ཤེས་བཟོ་རྩལ། ལྗང་མདོག་བཟའ་བཅའ་སོགས་སྲོལ་རྒྱུན་གྱི་ལེགས་ཆའི་ཐོན་ལས་ཀྱི་འཐུས་མི་ཡོད་ལ། དྲ་ཐོག་ཚོང་དོན་ཐད་གཏོང་དང་། རྒྱལ་མཚམས་སྒྲོལ་བའི་ཚོང་དོན། གྲངས་འཛིན་ཞབས་ཞུ་བཅས་ཀྱི་ལས་རྣམ་གསར་པར་གཞོལ་བའི་གསར་གཏོད་ཁེ་ལས་ཀྱང་ཡོད། ནས་ཀྱི་ཐོན་རྫས་དང་། འབྲི་གཡག་གི་ཐོན་རྫས་རབ་དང་རིམ་པ། བོད་སྨན་སྨན་རྩྭ། རིག་གནས་བསམ་བཀོད་ཐོན་རྫས་སོགས་གཅིག་སྡུད་ཐོག་འགྲེམས་སྟོན་བྱས་ཤིང་། མངོན་གསལ་དོད་པའི་དབྱེ་འབྱེད་བྱེད་ཐབས་དང་གྲངས་འཛིན་ཅན་གྱི་བྱེད་ཐབས་ལས་ཉོ་སྒྲུབ་ཚོང་པ་དང་། ལས་སྟེགས་ཁེ་ལས། ཆེད་ལས་ཚོང་པ་བཅས་མང་པོ་ཞིག་ངོ་འཕྲད་གྲོས་མོལ་བྱེད་རྒྱུའི་ཡིད་དབང་བཀུག་ཡོད།

ད་ཐེངས་ཀྱི་ཚོགས་པ་སྒྲིག་འཛུགས་བྱས་ནས་འགྲེམས་སྟོན་ལ་ཞུགས་པ་དེ་ནི་ཕྱི་ཕྱོགས་སུ་བོད་ཀྱི་གྲངས་འཛིན་ཚོང་དོན་འཕེལ་རྒྱས་ཀྱི་ཕན་འབྲས་མངོན་པའི་སྐར་ཁུང་གལ་ཆེན་ཞིག་ཡིན་ལ། གོ་ལ་ཧྲིལ་པོའི་ཁྲོམ་ར་སྦྲེལ་མཐུད་དང་། སྤུས་ལེགས་ཐོན་ཁུངས་གཅིག་སྡུད། དཔལ་འབྱོར་ཚོང་དོན་མཉམ་ལས་གཏིང་ཟབ་ཏུ་གཏོང་བ་བཅས་ཀྱི་འགག་རྩའི་ལས་སྟེགས་ཤིག་ཀྱང་རེད།