ཚེས་27ཉིན། “གྲངས་འཛིན་ཚོང་དོན་འགྲེམས་ཚོགས་ནས་AIཡི་འབྱུང་འགྱུར་འཕྲད”ཅེས་པ་ལོ་འཁོར་གྱི་བརྗོད་དོན་གཙོ་བོར་བྱས་པའི་གོ་ལ་ཧྲིལ་པོའི་གྲངས་འཛིན་ཚོང་དོན་འགྲེམས་ཚོགས་སྐབས་ལྔ་པ(གཤམ་དུ“གྲངས་འཛིན་ཚོང་དོན་འགྲེམས་ཚོགས”ཞེས་བསྡུ་རྒྱུ)ཧང་ཀྲོའུ་རུ་མཇུག་འགྲིལ་བ་རེད། འགྲེམས་ཚོགས་རིང་རང་ལྗོངས་ཀྱི་འགྲེམས་ཞུགས་ཁེ་ལས་ཀྱིས་གོ་སྐབས་དམ་འཛིན་དང་རང་འགུལ་ངང་སྦྲེལ་མཐུད་བྱས་ཏེ་འདོད་མཐུན་མཉམ་ལས་ཀྱི་དངུལ་འབོར་སྒོར་ཁྲི་5935ཟིན་ཡོད་པ་རེད།

སྐབས་འདིའི་གྲངས་འཛིན་ཚོང་དོན་འགྲེམས་ཚོགས་ཐོག་རང་ལྗོངས་ཀྱི་འགྲེམས་ཞུགས་ཁེ་ལས་37དང་། ཉོ་སྒྲུབ་ཁེ་ལས་6 ཚོང་ལས་མཐུན་ཚོགས་བཅས་ཞུགས་པ་དང་། རང་ལྗོངས་ཀྱི་ཁེ་ལས་ཁག་གིས་ཐོན་རྫས་བརྒྱུད་ཚོང་དང་། ལས་སྟེགས་བཅའ་ཞུགས། ཐབས་ལམ་རྒྱ་སྐྱེད། རྒྱལ་སྒྲོལ་ཕྱིར་གཏོང་སོགས་ཀྱི་ཁྱབ་ཁོངས་ལ་དམིགས་ནས། རྒྱལ་ཡོངས་ཀྱི་ཉོ་སྒྲུབ་ཚོང་པ་ཆེ་གྲས་ཁག་དང་། དྲ་ཐོག་ཚོང་དོན་ལས་སྟེགས། ལས་རིགས་ཀྱི་ཚོང་པ་བཅས་དང་ངོ་འཕྲད་གྲོས་མོལ་གཏིང་ཟབ་དང་གནད་སྨིན་འབྲེལ་མཐུད་བྱས་པ་རེད།