● དྲ་ཐོག་དང་དྲ་ཕྱི་མཉམ་འགུལ་གྱི་བྱེད་ཐབས་སྤྱད་དེ་འཛད་སྤྱོད་པའི་ཡིད་དབང་བཀུག་ནས་འཛད་སྤྱོད་ཀྱི་མི་མངོན་པའི་སྟོབས་ཤུགས་འཕེལ་བར་བྱས་པ།

● “མཚོ་སྔོན་གྱི་ཁྱིམ་ཚང་གསོལ་སྟོན”གྱི་ཞིང་ཆེན་རིམ་པའི་སྤྱི་པའི་སྤུས་རྟགས་སྐྱེད་སྲིང་རྒྱུན་མཐུད་བྱས་ནས་བཟའ་བཏུང་ཐོན་ལས་འཕེལ་རྒྱས་མ་ལག་འཐུས་སྒོ་ཚང་དུ་བཏང་བ།

མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། ཉེ་ཆར། མཚོ་སྔོན་ཞིང་ཆེན་ཚོང་དོན་ཐིང་གིས་ཟི་ལིང་གྲོང་ཁྱེར་ཚོང་དོན་ཅུས་དང་མཉམ་དུ་ཟི་ལིང་ཝང་ཧྥུའུ་ཅིང་གླང་ཆེན་གྲོང་ཐང་ཆེན་དུ“གསར་གསུམ་བཅུད་ལྡན། འཚོ་བའི་ཉམས་སྣང”ཞེས་པའི་ཁྱད་ལྡན་བཟའ་བཏུང་སྤུས་རྟགས་གསར་པ་ཁྱབ་བསྒྲགས་དང་འོས་སྦྱོར་བྱེད་སྒོ་སྤེལ་བ་རེད། བྱེད་སྒོ་དེས“མཚོ་སྔོན་གྱི་ཁྱིམ་ཚང་གསོལ་སྟོན”གྱི་ཁྱད་ལྡན་བཟའ་བཏུང་IPསྟོབས་ཆེར་གཏོང་རྒྱུ་ལྟེ་བར་བྱས་ཏེ། ས་མཐོའི་ཞིང་འབྲོག་ཐོན་ཁུངས་ཀྱི་ལེགས་ཆ་སྔོག་འདོན་གཏིང་ཟབ་བྱེད་པ་དང་། འཚོ་བར་ཉམས་ལེན་གྱི་དཔལ་འབྱོར་རྒྱུན་མཐུད་གྲ་རྒྱས་སུ་གཏོང་བ། སྤུས་ལེགས་འཛད་སྤྱོད་མཁོ་སྤྲོད་ཕུན་སུམ་ཚོགས་སུ་གཏོང་བ་བཅས་བྱས་ནས་ས་གནས་དེ་གའི་བཟའ་བཏུང་ཐོན་ལས་སྤུས་འབྲས་ལེགས་གཉེར་ཡོང་བར་སྐུལ་འདེད་བཏང་བ་རེད།

བྱེད་སྒོའི་ཐོག་བཟའ་བཏུང་འཛད་སྤྱོད་ཀྱི་ཚལ་སྣ་གསར་པ་དང་། བྲོ་བ་གསར་པ། ཉམས་ལེན་གསར་པ་བཅས་ཀྱི་བརྗོད་དོན་གཙོ་བོར་དམ་པོར་དམིགས་ཏེ་ས་གནས་དེ་གའི་བཟའ་བཏུང་སྤུས་རྟགས་ལེགས་སུ་གཏོང་བ་དང་། སྤུས་ལེགས་འཛད་སྤྱོད་ལས་རྣམ་ནང་འདྲེན་བྱེད་པ། བཟའ་བཏུང་ཐོན་རྫས་གསར་པའི་དཔལ་འབྱོར་རྒྱ་སྟོབས་ཆེ་རུ་གཏོང་བ་བཅས་བྱས་ནས་བཟའ་བཏུང་འཛད་སྤྱོད་དང་ཞིང་ལས་དང་། ཚོང་ལས། རིག་གནས། ཡུལ་སྐོར། ཁམས་གསོ་བཅས་མཉམ་འདྲེས་གཏིང་ཟབ་ཐུབ་པར་སྐུལ་འདེད་བཏང་ཡོད། ས་ཡུལ་དངོས་སུ་སྨི་ངོས་གྲུ་1200ཟིན་པའི་ཁང་ཕྱིའི་འགྲེམས་ཁུལ་དང་བྱེད་ནུས་ཆེ་གྲས་བདུན་བཀོད་སྒྲིག་བྱས་ཏེ་ཞིང་ཆེན་ཕྱི་ནང་གི་སྤུས་ལེགས་བཟའ་བཏུང་གཉེར་སྐྱོང་བྱེད་པོ་20ཙམ་གཅིག་སྡུད་བྱས་པ་དང་། ཚལ་སྣ་100ལྷག་ཙམ་གཅིག་སྡུད་ཐོག་བཏོན་ནས་མཚོ་སྔོན་གྱི་བཟའ་བཏུང་ཐོན་ལས་འཕེལ་རྒྱས་ཀྱི་རྣམ་པ་གསར་པ་ཕྱོགས་ཡོངས་ནས་མངོན་པར་བྱས་ཡོད། བརྡར་པའི་འོས་སྦྱོར་ངོ་སྤྲོད་དང་། རིག་རྩལ་འགྲེམས་འཁྲབ། དྲ་གྲགས་ཀྱིས་ཉམས་ལེན་བྱེད་པ། ས་ཁོངས་ཧྲིལ་པོའི་ཐད་གཏོང་སོགས་དྲ་ཐོག་དང་དྲ་ཕྱི་མཉམ་འགུལ་གྱི་བྱེད་ཐབས་སྤྱད་དེ་འཛད་སྤྱོད་པའི་ཡིད་དབང་བཀུག་ནས་འཛད་སྤྱོད་ཀྱི་མི་མངོན་པའི་སྟོབས་ཤུགས་འཕེལ་བར་བྱས་ཡོད། “མཚོ་སྔོན་གྱི་ཁྱིམ་ཚང་གསོལ་སྟོན”གྱི་ཁྱད་ལྡན་IPའགྲེམས་ཁུལ་ལ་བརྟེན་ནས་རྨ་ཆུ་དང་ཙོང་ཆུའི་ཁྱིམ་ཚང་གསོལ་སྟོན་གཅིག་སྡུད་ཐོག་འགྲེམས་སྟོན་བྱས་པ་དང་། སྲོལ་རྒྱུན་ཚལ་སྣ་བརྒྱད་གསར་བཟོ་སོགས་ཡུལ་དེ་གའི་གསོལ་སྟོན་གྱི་གསར་གཏོད་གྲུབ་འབྲས་ལེགས་སུ་བཏང་ནས་མཚོ་སྔོན་གྱི་ཁྱད་ལྡན་གསོལ་སྟོན་རིག་གནས་ཚད་ལྡན་ཅན་དང་། སྤུས་རྟགས་ཅན། ཐོན་ལས་ཅན་བཅས་ཀྱི་འཕེལ་རྒྱས་ལ་སྐུལ་འདེད་བརྟན་པོ་བཏང་བ་རེད། ས་མཐོའི་ཞིང་འབྲོག་བཟའ་བཅའི་རྒྱུ་ཆ་ཐོན་ཚོང་སྦྲེལ་མཐུད་ལས་སྟེགས་དུས་གཅིག་ཏུ་བཏོད་ནས་བཟའ་བཅའི་རྒྱུ་ཆ་མཁོ་སྤྲོད་དང་། གྲང་སྦྲེལ་ཟོག་འགྲུལ། དྲ་ཐོག་ཚོང་དོན་བྲིན་ཚོང་སོགས་གོང་འོག་འབྲེལ་མཐུད་ཀྱི་བྱེད་པོ་ཕྲེང་སྦྲེལ་ཐུབ་པར་བྱས་ཏེ། འབྲེལ་མཐུད་གྲོས་མོལ་དང་འདོད་མཐུན་གན་འཇོག་བྱེད་པ་དང་། “ས་མཐོའི་ཞིང་འབྲོག་བཟའ་བཅའི་རྒྱུ་ཆ——བཟའ་བཏུང་མཐའ་སྣེའི”ཐོན་ཚོང་སྦྲེལ་ཐག་གཏོད་པ། ས་གནས་དེ་གའི་ཞིང་འབྲོག་ཐོན་རྫས་ཀྱི་ཟུར་སྣོན་རིན་ཐང་ཆེ་རུ་གཏོང་བ། ས་མཐོའི་ཁྱད་ལྡན་བཟའ་བཅའི་རྒྱུ་ཆ་ཁྲོམ་ར་ཅན་གྱི་ཐབས་ལམ་རྒྱ་ཆེར་གཏོང་བ་བཅས་བྱས་ཡོད།

མཚོ་སྔོན་ཞིང་ཆེན་ཚོང་དོན་ཐིང་གིས“མཚོ་སྔོན་གྱི་ཁྱིམ་ཚང་གསོལ་སྟོན”གྱི་ཞིང་ཆེན་རིམ་པའི་སྤྱི་པའི་སྤུས་རྟགས་སྐྱེད་སྲིང་རྒྱུན་མཐུད་བྱས་ནས་བཟའ་བཏུང་ཐོན་ལས་འཕེལ་རྒྱས་མ་ལག་འཐུས་སྒོ་ཚང་དུ་བཏང་སྟེ། བཟའ་བཏུང་ལས་རིགས་ཕྱོགས་སྒྱུར་རིམ་སྤོར་ལ་སྐུལ་འདེད་བཏང་བ་རེད། འཛད་སྤྱོད་ཀྱི་ལས་རྣམ་གསར་པ་རྒྱུན་ཆད་མེད་པར་སྐྱེད་སྲིང་བྱེད་པ་དང་། བཟའ་བཏུང་གི་ཐོན་རྫས་གསར་པའི་དཔལ་འབྱོར་སྟོབས་ཆེར་གཏོང་བ། ཞིང་ལས་དང་བཟའ་བཅའ་མཉམ་འདྲེས་དང་ཞིང་ལས་དང་། ཚོང་ལས། རིག་གནས། ཡུལ་སྐོར། ཁམས་གསོ་བཅས་མཉམ་འགུལ་འཕེལ་རྒྱས་གཏིང་ཟབ་ཏུ་གཏོང་བ། ས་མཐོའི་ཐོན་ཁུངས་ཀྱི་ལེགས་ཆ་དེ་ཐོན་ལས་ཀྱི་ལེགས་ཆ་དང་འཛད་སྤྱོད་ཀྱི་ལེགས་ཆར་འགྱུར་བར་སྐུལ་འདེད་མགྱོགས་མྱུར་གཏོང་བ། ཟི་ལིང་འདི་ཉིད་མཚོ་བོད་ས་མཐོའི་ས་ཁོངས་རང་བཞིན་གྱི་འཛད་སྤྱོད་ལྟེ་བའི་གྲོང་ཁྱེར་དུ་བསྐྲུན་པར་རོགས་རམ་བྱེད་པ་བཅས་བྱས་ཏེ། ཞིང་ཆེན་ཡོངས་ཀྱི་ཚོང་དོན་འཛད་སྤྱོད་ཀྱི་སྤུས་ཚད་མཐོར་གཏོང་དང་རྒྱ་སྐྱེད་དང་བརྟན་ཐོག་ཡར་འཕེལ་ཡོང་བར་ནུས་ཤུགས་ཡོད་རྒུས་སྐུལ་འདེད་བཏང་ཡོད།