ཉེ་ཆར། བོད་རང་སྐྱོང་ལྗོངས་ཀྲུང་གོའི་བསྡོམས་རྩིས་སྒོ་དབྱེའི་ཉིན་མོའི་བྱེད་སྒོ་སྐབས་བཅུ་བདུན་པ་ལྷ་ས་ཝང་ཧྥུ་ཅིང་ཉོ་སྒྲུབ་ལྟེ་གནས་སུ་སྤེལ་བ་རེད།

བྱེད་སྒོར་རྒྱལ་ཡོངས་ཞིང་ལས་ཡོངས་བཤེར་ཐེངས་བཞི་པ་སྤེལ་རིང་གི་དྲིལ་བསྒྲགས་ལ་དམིགས་ནས། ས་ཡུལ་དངོས་སུ་སྤྲོ་སྣང་ལྡན་པའི་བརྗོད་དོན་གཙོ་བོའི་ཁུལ་བཙུགས་པ་དང་བསྡོམས་རྩིས་ཀྱི་བརྗོད་དོན་གཙོ་བོའི་དྲིལ་བསྒྲགས་པར་གཞི་ཡང་ཡང་བསྟན་པ་རེད། ལས་དོན་པས་ཕར་འགྲོ་ཚུར་འོང་བྱེད་མཁན་གྲོང་མིར་བསྡོམས་རྩིས་ཤེས་བྱའི་ལག་དེབ་དང་སྲིད་ཇུས་དྲིལ་བསྒྲགས་ཀྱི་དཔྱད་གཞི་སྤྲད་པ་དང་། ས་ཡུལ་དངོས་སུ་བསྡོམས་རྩིས་བཅའ་ཁྲིམས་དང་ཁྲིམས་སྲོལ་དང་ཞིང་ལས་ཡོངས་བཤེར་གྱི་འབྲེལ་ཡོད་ཤེས་བྱར་འགྲེལ་བཤད་བརྒྱབ་པ། བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་བསྡོམས་རྩིས་གྲུབ་འབྲས་བསྟན་ནས། མི་རིགས་ཁག་གི་མང་ཚོགས་དང་བསྡོམས་རྩིས་ལས་དོན་དབར་གྱི་བར་ཐག་ཐུང་དུ་བཏང་སྟེ། བསྡོམས་རྩིས་ཀྱི་འདུ་ཤེས་ཁྱིམ་ཚང་ཁྲི་སྟོང་མང་པོར་ཁྱབ་པར་བྱས་ཡོད། འདི་ནི་ལས་དོན་པས་གྲོང་མིར་བསྡོམས་རྩིས་དྲིལ་བསྒྲགས་ལག་དེབ་སྤྲོད་བཞིན་པ།