བོད་རང་སྐྱོང་ལྗོངས་ཧི་མ་ལ་ཡའི་རིག་གནས་སྒྱུ་རྩལ་ཞིབ་འཇུག་ཁང་ལྷ་སར་བཙུགས་པ།
ཉེ་ཆར། བོད་རང་སྐྱོང་ལྗོངས་ཧི་མ་ལ་ཡའི་རིག་གནས་སྒྱུ་རྩལ་ཞིབ་འཇུག་ཁང་འཛུགས་པའི་ཚོགས་ཆེན་ལྷ་སར་འཚོགས་ཤིང་། རང་ལྗོངས་ཀྱི་རིག་རྩལ་ལས་རིགས་ཀྱི་འཐུས་མི་དང་། མངོན་མིན་རིག་གནས་ཤུལ་བཞག་གི་རྒྱུན་འཛིན་པ། མཛེས་རྩལ་སྒྱུ་རྩལ་མཁས་ཅན་བཅས་མཉམ་དུ་འཛོམས་ནས་ཧི་མ་ལ་ཡའི་རིག་གནས་སྒྱུ་རྩལ་སྲུང་སྐྱོང་ཞིབ་འཇུག་བྱ་གཞག་ལ་ཆེད་ལས་ཀྱི་ལས་སྟེགས་གསར་རྐྱང་ཞིག་བསྐྲུན་པར་དཔང་པོ་བྱས་པ་རེད།
ཚོགས་ཆེན་འཚོག་ཡུལ་དུ་ཞིབ་འཇུག་ཁང་གི་སྒྲིག་ཡིག་ལ་གྲོས་ཞིབ་བྱས་ནས་གྲོས་འཆམ་བྱུང་བ་དང་ལས་འཛིན་ལྷན་ཚོགས་སྐབས་དང་པོ་དང་འགོ་ཁྲིད་སྒྲིག་གཞི་བདམས་ཐོན་བྱུང་བ་རེད། རང་སྐྱོང་ལྗོངས་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱིས་གཙོ་གཉེར་བྱས་པའི་རིག་རྩལ་རིགས་ཀྱི་སྤྱི་ཚོགས་རྩ་འཛུགས་14པ་ཡིན་པའི་ཞིབ་འཇུག་ཁང་བཙུགས་པ་དེ་ནི་རིག་རྩལ་ལས་རིགས་མཉམ་འབྲེལ་ལྷན་ཚོགས་ཀྱིས་རིག་རྩལ་ལས་དོན་སྤེལ་རྒྱ་ཆེ་རུ་གཏོང་བ་དང་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པའི་དམ་འཛིན་བྱ་གཞི་ནུས་ལྡན་ཞིག་ཡིན་པས། བོད་ཀྱི་ཕུལ་བྱུང་སྲོལ་རྒྱུན་རིག་གནས་གསར་སྐྲུན་རང་བཞིན་གྱི་གཞན་སྒྱུར་དང་གསར་གཏོད་རང་བཞིན་གྱི་འཕེལ་རྒྱས་ལ་རམ་འདེགས་ཐུབ་རྒྱུ་རེད།
རྒྱལ་ཁབ་ཀྱི་རིམ་པ་དང་པོའི་མཛེས་རྩལ་ཆེ་མོ་བ་ཅིང་ཐིང་ཡའོ་ཡིས། བོད་ནི་ས་བབ་མཐོ་ལ་རིག་གནས་ཀྱི་མཐོ་ས་ཞིག་ཀྱང་རེད། ཞིབ་འཇུག་ཁང་དེ་དུས་ཚོད་ཏག་ཏག་ལ་འཛུཌ་ཐུབ་པས་ཕུལ་བྱུང་གི་རིག་རྩལ་བརྩམས་ཆོས་དེ་བས་མང་བ་ཐོན་རྒྱུའི་རེ་བ་ཡོད་ཅེས་བརྗོད།
བོད་རང་སྐྱོང་ལྗོངས་ཧི་མ་ལ་ཡའི་རིག་གནས་སྒྱུ་རྩལ་ཞིབ་འཇུག་ཁང་གི་ཡོན་ཀྲང་ཧྥན་ཀའོ་ཝུའེ་ཡིས་ངོ་སྤྲོད་བྱས་པར་གཞིགས་ན། ཁང་དེས་རྒྱལ་ནང་གི་སྒྱུ་རྩལ་སློབ་གླིང་དང་སློབ་གྲྭ་དང་ཆེད་ལས་སྒྲིག་གཞི་མཉམ་འགུལ་བྱས་ཏེ་ཐང་གའི་གྲངས་འཛིན་སྒྱུ་རྩལ་དང་། བོད་ཀྱི་ཇུས་འགོད་གཟའ་འཁོར་དང་སྒྱུ་རྩལ་དུས་ཆེན། བོད་རུམ་རིག་གནས་ཞིབ་འཇུག་གསར་སྤེལ། བོད་ཀྱི་ཁྱད་ཆོས་ལྡན་པའི་མུ་ཏིག་ཇུས་འགོད་བཅས་ལ་གཙོ་གནད་ཐོག་སྐུལ་འདེད་བཏང་ནས་རིག་རྩལ་ཤེས་ལྡན་པ་རྒྱ་ཁྱབ་ངང་གཅིག་སྡུད་བྱ་རྒྱུ་རེད།
འབྲེལ་ཡོད་གསར་འགྱུར།