གསར་བརྗེའི་ཁྲག་རྒྱུན་རྒྱུན་འཛིན་གྱིས་ཁྱིམ་ཞེན་རྒྱལ་གཅེས་ཀྱི་བརྩེ་སེམས་ཟབ་ཏུ་གཏོང་བ།
གཞིས་རྩེའི་ཉེན་རྟོག་དང་ས་གནས་ཀྱི་གཞོན་ནུས་མཉམ་དུ་མཐའ་མཚམས་སྐོར་ཞིབ་བྱེད་སྒོ་སྤེལ་བ།
ཉེ་ཆར། གུང་གཞོན་སྡེ་ཚོགས་གཞིས་རྩེ་གྲོང་ཁྱེར་ཨུ་ཡོན་ལྷན་ཁང་གིས་གཞིས་རྩེ་མཐའ་མཚམས་དོ་དམ་ཉིང་ལག་རུ་ཁག་དང་མཉམ་དུ་སློབ་གྲྭ་ཆེ་མོ་བའི་དང་བླངས་ཞབས་ཞུའི་ནུབ་རྒྱུད་འཆར་གཞིའི“རྒྱལ་སྲུང་མཐའ་སྲུང”གི་ཆེད་དོན་དང་བླངས་པ་དང་གྲོང་ཚོའི་གཞོན་ནུ་རྐང་འཛིན་པ་སྒྲིག་འཛུགས་སྐུལ་སློང་བྱས་ཏེ་མཐའ་མཚམས་སྐོར་ཞིབ་བྱེད་སྒོ་སྤེལ་བ་རེད།
བྱེད་སྒོར“ཇོ་རིའི་གཞོན་ནུ། ས་སྲུང་བྱ་སྤྱོད”བརྗོད་དོན་གཙོ་བོར་བྱས་པ་དང་། “དངོས་ལྗོངས་ལ་བརྟེན་ནས་སློབ་ཁང་གི་ཚབ་བྱེད་པ་དང་། ལག་ལེན་ལ་བརྟེན་ནས་སྦྱོང་བརྡར་ལ་སྐུལ་འདེད་གཏོང་བ། དངོས་སྒྲུབ་ལ་བརྟེན་ནས་ཐོག་མའི་བསམ་འདུན་ཞིབ་དཔྱད་བྱེད་པ”བཅས་ཀྱི་ལས་ཀའི་བསམ་ཕྱོགས་གཞིར་བཟུང་། ཉེན་རྟོག་དང་ས་གནས་ཀྱི་གཞོན་ནུས་མཐའ་མཚམས་འགོག་སྲུང་སྒྲིག་བཀོད་ལ་སྐོར་ཞིབ་དང་། ཉེན་ཁ་གྲལ་བཤེར། མཚམས་རྡོ་དང་མཚམས་རྟགས་ལ་བཀྲག་རྩི་དམར་པོ་བྱུག་པ། ལམ་རྒྱུད་ཀྱི་སྐྱེ་ཁམས་བདག་སྐྱོང་སོགས་ཀྱི་ལས་དོན་གཙོ་གནད་དུ་སྤེལ་ཞིང་། མཐའ་མཚམས་སྐོར་ཞིབ་བྱ་ཡུལ་ཁང་དམར་དང་། གམ་པ། གཏིང་སྐྱེས། དིང་རི། འབྲོང་པ་བཅས་ས་བབ་མཐོ་བའི་མཐའ་མཚམས་རྫོང་ལྔ་ཚུད་ཡོད། མཐའ་མཚམས་སྐོར་ཞིབ་ལ་ཞུགས་མཁན་ཉེན་རྟོག་དང་ས་གནས་ཀྱི་གཞོན་ནུས། གསར་བརྗེའི་ཁྲག་རྒྱུན་རྒྱུན་འཛིན་བྱེད་པ་དང་། ལྷག་བསམ་རྣམ་དག་གིས་རྨང་གཞི་བརྟན་དུ་གཏོང་བ། ཁྱིམ་ཞེན་རྒྱལ་གཅེས་ཀྱི་བརྩེ་སེམས་ཟབ་ཏུ་གཏོང་བ་བཅས་བྱེད་ཀྱི་ཡིན་ཞེས་བརྗོད་ཅིང་། ད་ཐེངས་ཀྱི་ཉེན་རྟོག་དང་ས་གནས་མཉམ་དུ་མཐའ་མཚམས་སྐོར་ཞིབ་བྱེད་སྒོ་སྤེལ་བ་ནི་གསོན་ཉམས་ལྡན་པའི་རྒྱལ་གཅེས་རིང་ལུགས་ཀྱི་ལག་ལེན་སློབ་ཚན་ཞིག་ཡིན་ལ། མི་རིགས་མཐུན་སྒྲིལ་གྱི་སློབ་གསོའི་སློབ་ཚན་གཏིང་ཟབ་པོ་ཞིག་ཀྱང་རེད། ཚང་མས་ཏང་གི་བཀའ་ལ་ཉན་པ་དང་མཐའ་མཚམས་སྲུང་སྐྱོང་བྱེད་པའི་ཡིད་ཆེས་རྒྱུན་མཐུད་བརྟན་དུ་བཏང་སྟེ་ཏང་ལ་ལྷག་བསམ་རྣམ་དག་དང་མཐའ་སྲུང་རྒྱལ་སྲུང་བྱེད་པའི་ཆབ་སྲིད་ཀྱི་རང་རྟོགས་ཟམ་མི་ཆད་པར་ཆེ་རུ་གཏོང་རྒྱུ་རེད།
འབྲེལ་ཡོད་གསར་འགྱུར།