ལྷ་ས་རྒྱལ་མཚམས་འཛུལ་སྒྲོལ་མཐའ་སྲུང་ཞིབ་བཤེར་ས་ཚིགས་ཀྱིས།
“དུས་རབས་ཀྱི་མིག་དཔེ”ཝང་ཅིའི་སྔོན་ཐོན་བྱས་རྗེས་ལ་མཉམ་སྡེབ་སློབ་སྦྱོང་བྱས་པ།
ཉེ་ཆར། ལྷ་ས་རྒྱལ་མཚམས་འཛུལ་སྒྲོལ་མཐའ་སྲུང་ཞིབ་བཤེར་ས་ཚིགས་ཀྱིས“དུས་རབས་ཀྱི་མིག་དཔེ”ཝང་ཅིའི་སྔོན་ཐོན་བྱས་རྗེས་ལ་སློབ་སྦྱོང་བྱེད་པའི་བྱེད་སྒོ་སྤེལ་ནས་རྒྱ་ཆེའི་མི་དམངས་ཉེན་རྟོག་པ་དང་ལས་རོགས་ཉེན་རྟོག་པས་སྔོན་ཐོན་དཔེ་མཚོན་མིག་དཔེར་འཛིན་ནས་བསམ་བློའི་རྨང་གཞི་བརྟན་དུ་གཏོང་བ་དང་འབད་འབུངས་ཀྱི་སྙིང་སྟོབས་འཕེལ་བར་བྱས་ཏེ། མིག་དཔེའི་སྟོབས་ཤུགས་རྒྱལ་མཚམས་ཀྱི་བདེ་འཇགས་སྲུང་བ་དང་འགག་སྒོའི་འཕེལ་རྒྱས་ལ་ཞབས་འདེགས་ཞུ་བའི་བྱ་སྤྱོད་དངོས་ལ་ཏན་ཏིག་བསྒྱུར་བར་བྱེད་དགོས་པའི་ཁྲིད་སྟོན་བྱས་ཡོད།
བློ་མཐུན་ཝང་ཅི་ལུས་སྨད་ཞ་བ་དང་གཅིན་དུག་ནད་ཚབས་ཆེན་ཕོག་ནས་དུས་ཡུན་རིང་པོ་སྟེགས་འཁོར་བསྡད་ནས་ཕྱིར་སྐྱོད་བྱེད་དགོས་པ་དང་ཟུངས་ཁྲག་བསིང་བཅོས་ཀྱི་ཐབས་ལ་བརྟེན་ནས་འཚོ་བ་འཁྱོལ་ཐབས་བྱེད་དགོས་མོད། འོན་ཀྱང་ཐོག་མཐའ་བར་གསུམ་དུ་ནུས་པ་ཆེ་ལ་བློས་འགེལ་ཚད་མཐོ་བའི་མཉེན་ཆས་ཀྱི་རྨང་གཞིའི་ཞིབ་འཇུག་ཁྱབ་ཁོངས་ཀྱི་ཆེས་མདུན་མ་བརྟན་སྲུང་བྱས་ཡོད། ཁོང་གིས་སྙིང་རུས་ཆེན་པོས་འགག་རྩའི་ལྟེ་བའི་ལག་རྩལ་མང་པོ་འགག་སྒྲོལ་བྱས་ཏེ་འབྲེལ་ཡོད་ཁྱབ་ཁོངས་ཀྱི་སྟོང་ཆ་མང་པོ་གསབ་པ་མ་ཟད་གཞོན་ནུའི་ཚན་ཞིབ་ཤེས་ལྡན་པ་ནུས་ཤུགས་ཡོད་རྒུས་གསོ་སྐྱོང་བྱས་ཡོད། ཁོང་གིས་བྱ་སྤྱོད་དངོས་ལ་བརྟེན་ནས་ཚན་ཞིབ་ཐོག་ནས་རྒྱལ་ཁབ་ལ་དྲིན་ལན་འཇལ་བའི་ལྷད་མེད་བརྩེ་སེམས་གསལ་འགྲེལ་བྱས་པ་དང་ལུས་པོ་དབང་སྐྱོན་ཡིན་ཡང་བློ་རྩ་བརྟན་པོ་དང་སྒེར་སེམས་མེད་པར་ལེགས་སྐྱེས་འབུལ་བའི་དུས་རབས་ཀྱི་ཉམས་འགྱུར་མངོན་ཡོད།
སློབ་སྦྱོང་དང་སྤེལ་རེས་ཀྱི་ལྷུ་ཚིགས་སུ། མི་དམངས་ཉེན་རྟོག་པ་དང་ལས་རོགས་ཉེན་རྟོག་པས་འགག་སྒོའི་ལས་སྒྲུབ་ལས་དོན་གྱི་དོན་དངོས་དང་ཟུང་འབྲེལ་བྱས་ནས་མྱོང་ཚོར་ལྷུག་པོར་གླེང་ཡོད། ས་ཚིགས་དེའི་ལས་སྒྲུབ་རུ་ཁག་གཉིས་པའི་རིམ་པ་དང་པོའི་ཉེན་རྟོག་དཔོན་ཟླ་བ་བུ་ཁྲིད་ཀྱིས་ཝང་ཅིའི་སྔོན་ཐོན་བྱས་རྗེས་ཀྱིས་མི་རྣམས་ལ་སེམས་འགུལ་ཟབ་མོ་ཐེབས་ཡོད། འཐབ་ས་དང་པོའི་ལས་སྒྲུབ་མི་དམངས་ཉེན་རྟོག་པ་ཡིན་པའི་ངོས་ནས་ཝང་ཅི་མིག་དཔེར་འཛིན་ཏེ་དཀའ་ངལ་ལ་མི་སྐྲག་པར་ལས་གནས་་བརྟན་སྲུང་དང་འགྱུར་མེད་དཔྱད་བཤེར་དང་ཞབས་འདེགས་ཞུ་ཐེངས་ཚང་མའི་ནང་མཉམ་འདྲེས་ཀྱིས་དངོས་སྒྲུབ་དང་བྱས་རྗེས་དངོས་ལ་བརྟེན་ནས་ཐོག་མའི་བསམ་འདུན་དང་འགན་འཁྲི་དོན་ཐོག་ཏུ་འཁྱོལ་བ་བྱེད་ཀྱི་ཡིན་ཞེས་བཤད་པ་རེད།
འབྲེལ་ཡོད་གསར་འགྱུར།