ཉེ་ཆར། གསར་འགོད་པར་རང་སྐྱོང་ལྗོངས་ལུས་རྩལ་ཅུས་ནས་ཤེས་རྟོགས་བྱུང་བར། ཟླ་9ཚེས་19ཉིན་རི་པིན་ཨའེ་ཀྲི་རྫོང་མིང་ཀུའུ་ཝུའུ་གྲོང་ཁྱེར་དུ་ཨེ་ཤེ་ཡའི་ལུས་རྩལ་འགྲན་ཚོགས་སྐབས་20པ་འགོ་ཚུགས་པ་དང་ཟླ་10ཚེས་4ཉིན་མཇུག་འགྲིལ་རྒྱུ་རེད། ཟླ་9ཚེས་10ཉིན་ནས་བཟུང་རྣམ་གྲངས་ཁག་གཅིག་གི་འགྲན་བསྡུར་འགོ་ཚུགས་མཛད་སྒོའི་གོང་ལ་སྔ་སྣུར་དུ་སྤེལ་བ་རེད།

ཤེས་རྟོགས་བྱུང་བར་གཞིགས་ན། ཨེ་ཤེ་ཡའི་ལུས་རྩལ་འགྲན་ཚོགས་སྐབས་20པའི་ཀྲུང་གོའི་ལུས་རྩལ་འཐུས་མི་ཚོགས་པ་ཟླ་9ཚེས་4ཉིན་པེ་ཅིང་དུ་བཙུགས་ཤིང་། འཐུས་མི་ཚོགས་པ་དེ་མི་1274ལས་གྲུབ་པ་དང་ལུས་རྩལ་པ་815(བུད་མེད་404དང་སྐྱེས་པ་411ཡོད)ཡིས་རྣམ་གྲངས་ཆེ་གྲས་38དང་ཆུང་གྲས་369ཡི་འགྲན་བསྡུར་ནང་ཞུགས་རྒྱུ་རེད། རང་ལྗོངས་ཀྱི་ལུས་རྩལ་པ་ཚེ་རིང་མཚོ་མོ་དང་བསྟན་འཛིན་ཆོས་འཛོམས་ཀྲུང་གོའི་ལུས་རྩལ་འཐུས་མི་ཚོགས་པའི་ནང་བདམས་པ་དང་སྐབས་འདིའི་ལུས་རྩལ་འགྲན་ཚོགས་ཀྱི་མཆོང་རྒྱུག་འཕེན་གསུམ་རྣམ་གྲངས་ཀྱི་འགྲན་བསྡུར་ནང་ཞུགས་རྒྱུ་རེད།