ཟླ་9ཚེས་9ནས་ཚེས་13ཉིན་བར། 2026ལོའི་ཀྲུང་གོ་རྒྱལ་སྤྱིའི་ཞབས་ཞུའི་ཚོང་འདུས་པེ་ཅིང་ཧྲོའུ་ཀང་གླིང་དུ་འཚོགས་ཤིང་། འགྲེམས་ཞུགས་ཁེ་ལས་མང་པོ་ཞིག་གིས་ལག་རྩལ་གསར་ཤོས་ཀྱི་གྲུབ་འབྲས་ཁྱེར་ནས་ཁོར་ཡུག་དང་ནུས་རྒྱུའི་ཞབས་ཞུ་ཆེད་དོན་འགྲེམས་ཁུལ་དུ་འགྲེམས་སྟོན་བྱས་ཏེ། ཁོར་ཡུག་དང་ནུས་རྒྱུའི་མཐུན་སྦྱོར་འཕེལ་རྒྱས་ལ་དམིགས་ནས་ལྗང་མདོག་ཐཱན་ཉུང་ཕྱོགས་སྒྱུར་གསར་གཏོད་ཀྱི་ལག་ལེན་མངོན་པར་བྱས་ཡོད། འདི་ནི་ཟླ་9ཚེས་11ཉིན། ཞབས་ཞུའི་ཚོང་འདུས་ཀྱི་ཁོར་ཡུག་དང་ནུས་རྒྱུའི་ཞབས་ཞུ་ཆེད་དོན་འགྲེམས་ཁུལ་གྱི་ཧྲོའུ་ཀང་ཚོགས་པའི་འགྲེམས་སྟེགས་ཐོག་ལས་དོན་པས་ལྟ་སྐོར་བར་300MWFརིམ་པའི་རླངས་སྒུལ་འཕྲུལ་འཁོར་ཆེ་གྲས་ཀྱི་དཔེ་དབྱིབས་ངོ་སྤྲོད་བྱེད་བཞིན་པ།