འདི་ནི་ཟླ་8ཚེས་28ཉིན་བོད་ལྗོངས་གཞིས་རྩེ་ཡན་ལག་དམག་ཁུལ་ཁང་གི་དཔོན་དམག་རྐང་ཐང་མར་རོགས་སྐྱོབ་ལ་སྐྱོད་བཞིན་པ།

ཟླ་8ཚེས་26ཉིན། བོད་ལྗོངས་སྐྱིད་གྲོང་དུ་ཆུ་རུད་ཀྱི་གནོད་འཚེ་ཐོན་ཚུན། བོད་ལྗོངས་གཞིས་རྩེ་ཡན་ལག་དམག་ཁུལ་ཁང་གིས་མགྱོགས་མྱུར་དམག་མི་150ལྷག་ཙམ་བཏང་ནས་རོགས་སྐྱོབ་བྱས་ཡོད། ཟླ་8ཚེས་28ཉིན་གྱི་སྔ་དྲོར། ཡན་ལག་དམག་ཁུལ་ཁང་དེས་སླར་ཡང་རོགས་སྐྱོབ་མི་སྣ་35སྐོང་འཐེན་བྱས་ཏེ་སྐྱིད་གྲོང་འགག་སྒོ་དང་བར་ཐག་སྤྱི་ལེ་2ཙམ་ཡོད་པའི་མཚམས་སུ་བསྐྱོད་ནས་ཉེན་སེལ་དང་མི་སྣ་འཚོལ་སྐྱོབ་ཀྱི་ལས་དོན་སྤེལ་བ་རེད།

འདི་ནི་ཟླ་8ཚེས་27ཉིན་ལས་དོན་པས་གྱེས་ཕུག་གྲོང་ཚོར་སྤོས་མ་ཐག་པའི་མང་ཚོགས་ཀྱི་ཁ་པར་ཨང་གྲངས་ཞིབ་བསྡུར་བྱེད་བཞིན་པ།

བོད་ལྗོངས་སྐྱིད་གྲོང་རྫོང་དུ་ཆུ་རུད་ཀྱི་གནོད་འཚེ་ཐོན་རྗེས་ཕྱོགས་ཁག་གི་རོགས་སྐྱོབ་མི་སྣ་ས་ཡུལ་དངོས་སུ་བསྐྱོད་དེ་མང་ཚོགས་གནས་སྤོ་བཀོད་སྒྲིག་གི་ལས་དོན་ཕྱོགས་ཡོངས་ནས་སྤེལ་བ་རེད།