ཟླ་8ཚེས་25ཉིན་ནི་རྒྱལ་ཡོངས་ཀྱི་དབང་སྐྱོན་སྔོན་འགོག་ཉིན་མོ་ཐེངས་10པ་དེ་ཡིན་ཞིང་། དེའི་བརྗོད་དོན་གཙོ་བོ་ནི“དབང་སྐྱོན་སྔོན་འགོག་བྱ་སྤྱོད་སྤེལ་ནས་བདེ་ཐང་གི་ཀྲུང་གོ་མཉམ་སྐྲུན་མཉམ་སྤྱོད་བྱེད”ཅེས་པ་དེ་རེད། རང་ལྗོངས་ཀྱིས་དྲིལ་བསྒྲགས་སློབ་གསོའི་བྱེད་སྒོ་འདྲ་མིན་སྣ་ཚོགས་སྤེལ་ཏེ། མང་ཚོགས་ཀྱིས་དབང་པོ་སྐྱོན་ཅན་ལ་ངོས་འཛིན་ཐུབ་ཚད་མཐོ་རུ་གཏོང་བ་དང་། དབང་པོ་སྐྱོན་ཅན་ཚོགས་སྤྱིར་ཐུགས་ཁུར་དང་རྒྱབ་སྐྱོར་བྱེད་པར་ཤུགས་སྣོན་རྒྱག་པ། དབང་པོ་སྐྱོན་ཅན་སྔོན་འགོག་ལས་དོན་གཏིང་ཟབ་སྤེལ་བར་སྐུལ་འདེད་གཏོང་བ་བཅས་བྱས་ནས་སྤྱི་ཚོགས་ཀྱི་མཉམ་སྐྲུན་མཉམ་སྤྱོད་ལ་སྐུལ་འདེད་བཏང་བ་རེད། ཟླ་8ཚེས་25ཉིན། བོད་རང་སྐྱོང་ལྗོངས་དབང་པོ་སྐྱོན་ཅན་གྱི་ལས་རིགས་རྩལ་ནུས་འགྲན་བསྡུར་སྐབས་དྲུག་པ་ལྷ་སར་གཉེར་ཞིང་། འདི་ནི་ལོང་བའི་བདེ་སྲུང་འཕུར་མཉེད་འགྲན་བསྡུར་བྱ་ཡུལ་ཡིན་པ།