འདི་ནི་སྐྱེས་པའི་མི་ལྔའི་ལན་ཆིའུ་སྤོ་ལོའི་མཐའ་བསྡུར་བྱེད་བཞིན་པ།

ཟླ་8ཚེས་16ཉིན་གྱི་ཕྱི་དྲོར། བོད་རང་སྐྱོང་ལྗོངས་ཀྱི་ལུས་རྩལ་འགྲན་ཚོགས་སྐབས་བཅུ་བཞི་པ་དང་མི་རིགས་ཀྱི་སྲོལ་རྒྱུན་ལུས་རྩལ་འགྲན་ཚོགས་སྐབས་དྲུག་པའི་སྐྱེས་པའི་མི་ལྔའི་ལན་ཆིའུ་སྤོ་ལོའི་འགྲན་བསྡུར་མཇུག་འགྲིལ་བ་དང་། ཆབ་མདོ་གྲོང་ཁྱེར་གྱི་འཐུས་ཚབ་རུ་ཁག་གིས་བསྡུར་གྲངས་99:83གྱི་ཐོག་ནས་ཉིང་ཁྲི་གྲོང་ཁྱེར་གྱི་འཐུས་ཚབ་རུ་ཁག་ལས་རྣམ་པར་རྒྱལ་ཏེ་ཨང་དང་པོ་བླངས་ཡོད། ཉིང་ཁྲི་གྲོང་ཁྱེར་གྱི་འཐུས་ཚབ་རུ་ཁག་དང་གཞིས་རྩེ་གྲོང་ཁྱེར་གྱི་འཐུས་ཚབ་རུ་ཁག་ལ་ཨང་གཉིས་པ་དང་ཨང་གསུམ་པ་སོ་སོར་ཐོབ་པ་རེད།