གསར་འགོད་པར་ཚོང་དོན་པུའུ་ནས་ཤེས་རྟོགས་བྱུང་བར། ཟླ་དང་པོ་ནས་དྲུག་པའི་བར། རང་རྒྱལ་གྱི་ཞབས་ཞུ་ཕྱིར་གཏོང་ནང་འདྲེན་གྱི་དངུལ་འབོར་སྒོར་དུང་ཕྱུར་37797.5ཟིན་པ་དེ་དུས་མཚུངས་ལས་8.3%འཕར་ཡོད་པ་རེད།

དེའི་ནང་། ཕྱིར་གཏོང་བྱེད་ཚད་སྒོར་དུང་ཕྱུར་15047ཟིན་ནས་17.6%འཕར་བ་དང་། ནང་འདྲེན་བྱེད་ཚད་སྒོར་དུང་ཕྱུར་22750.5ཟིན་ནས་2.9%འཕར་ཡོད། ཞབས་ཞུའི་ཚོང་དོན་གྱི་ལྡོག་ཁྱད་སྒོར་དུང་ཕྱུར་7703.5ཟིན་པ་དེ་ལོ་གོང་མའི་དུས་མཚུངས་ལས་སྒོར་དུང་ཕྱུར་1614.2ཉུང་དུ་ཕྱིན་ཡོད་པ་རེད།

ཟླ་དང་པོ་ནས་དྲུག་པའི་བར། ཤེས་བྱ་འདུས་ཆེའི་ཞབས་ཞུ་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར་16634ཟིན་ནས་6.7%འཕར་བ་དེས་ཞབས་ཞུ་ཕྱིར་གཏོང་ནང་འདྲེན་དངུལ་འབོར་གྱི་44%བཟུང་ཡོད། ཤེས་བྱ་འདུས་ཆེའི་ཞབས་ཞུ་ཕྱིར་གཏོང་བྱེད་ཚད་སྒོར་དུང་ཕྱུར་8056.7ཟིན་ནས་12.8%འཕར་བ་དེས་ཞབས་ཞུ་ཕྱིར་གཏོང་དངུལ་འབོར་གྱི་53.5%བཟུང་ཡོད། ཤེས་བྱ་འདུས་ཆེའི་ཞབས་ཞུ་ནང་འདྲེན་བྱེད་ཚད་སྒོར་དུང་ཕྱུར་8577.3ཟིན་ནས་1.4% འཕར་ཡོད་པ་རེད།

ཟླ་དང་པོ་ནས་དྲུག་པའི་བར། ཡུལ་སྐོར་ཞབས་ཞུ་ཕྱིར་གཏོང་བྱེད་ཚད་སྒོར་དུང་ཕྱུར་2292ཟིན་ནས་31.1%འཕར་བ་དང་། དེ་ནི་ཞབས་ཞུ་ཕྱིར་གཏོང་ཁྱབ་ཁོངས་ཆེ་གྲས་ལྔའི་ནང་འཕར་ཚད་མགྱོགས་ཤོས་ཡིན་པ་རེད། དབོར་འདྲེན་ཞབས་ཞུ་ནང་འདྲེན་བྱེད་ཚད་སྒོར་དུང་ཕྱུར་4981ཟིན་ནས་30.4%འཕར་བ་དང་། དེ་ནི་ཞབས་ཞུ་ནང་འདྲེན་ཁྱབ་ཁོངས་ཆེ་གྲས་ལྔའི་ནང་འཕར་ཚད་མགྱོགས་ཤོས་ཡིན་པ་རེད།