ཉེ་ཆར། ཀྲུང་དབྱང་སྒྲིག་ཨུད་དང་རྒྱལ་ཁབ་ལྟ་ཞིབ་ཨུ་ལྷན་གྱིས་2026ལོའི་ལོ་སྟོད་དུ་སྒྲིག་བཤེར་ལྟ་ཞིབ་ལས་བྱེད་པར་ལྟ་སྐུལ་ཞིབ་བཤེར་དང་ཞིབ་དཔྱད་བརྟག་དཔྱད་བྱས་ཚུལ་བརྡ་ཁྱབ་བཏང་བ་རེད། བརྡ་ཁྱབ་ལས་མངོན་པར། 2026ལོའི་ལོ་སྟོད་དུ་སྒྲིག་བཤེར་ལྟ་ཞིབ་ལས་བྱེད་པ་1535ལ་ཆད་པ་བཅད་པ་ལས་ཐིང་དང་ཅུས་རིམ་པའི་ལས་བྱེད་པ་59དང་རྫོང་དང་ཁྲུའུ་རིམ་པའི་ལས་བྱེད་པ་356ཡོད་པ་རེད།

བརྡ་ཁྱབ་ལ་གཞིགས་ན། 2026ལོའི་ལོ་སྟོད་དུ་རྒྱལ་ཡོངས་སྒྲིག་བཤེར་ལྟ་ཞིབ་ལས་ཁུངས་ཀྱིས་སྒྲིག་བཤེར་ལྟ་ཞིབ་ལས་བྱེད་པ་དང་འབྲེལ་བ་ཡོད་པའི་གནད་དོན་གྱི་ཁུངས་སྣེ་དང་གོང་ཞུ་བྱས་པའི་གནད་དོན་ཐེངས་ཁྲི་1.55ལྷག་ཙམ་དང་ལེན་བྱས་པ་དང་། སྒྲིག་བཤེར་ལྟ་ཞིབ་ལས་བྱེད་པ་དང་འབྲེལ་བ་ཡོད་པའི་གནད་དོན་གྱི་ཁུངས་སྣེ་ཁྲི་1.42ལྷག་ཙམ་ཐག་གཅོད་བྱས་པ། སྒྲིག་བཤེར་ལྟ་ཞིབ་ལས་བྱེད་པ་མི་ཐེངས་4385ལ་སྐོང་འདྲི་དང་འཕྲིན་བརྒྱུད་འདྲི་རྩད་བྱས་པ། སྒྲིག་བཤེར་ལྟ་ཞིབ་ལས་བྱེད་པ་1685ལ་གྱོད་དོན་ཐོ་འགོད་བྱས་པ། མི་1535ལ་ཆད་པ་བཅད་པ། མི་138ཁྲིམས་འཛིན་ལས་ཁུངས་ལ་རྩིས་སྤྲད་པ་རེད། དེའི་ནང་ཐིང་དང་ཅུས་རིམ་པའི་ལས་བྱེད་པ་59དང་རྫོང་དང་ཁྲུའུ་རིམ་པའི་ལས་བྱེད་པ་356ཡོད་པ་རེད།

བརྡ་ཁྱབ་ལས་མངོན་པར། 2026ལོའི་ལོ་སྟོད་དུ་རྒྱལ་ཡོངས་སྒྲིག་བཤེར་ལྟ་ཞིབ་ལས་ཁུངས་ཀྱིས“བྱེད་ཐབས་བཞི”སྤྱད་ནས་སྒྲིག་བཤེར་ལྟ་ཞིབ་ལས་བྱེད་པ་མི་ཐེངས་5999ལ་སྐྱོན་བརྗོད་སློབ་གསོ་དང་ཐག་གཅོད་བྱས་ཤིང་། དེའི་ནང་བྱེད་ཐབས་དང་པོར་བརྟེན་ནས་མི་ཐེངས་4397ལ་སྐྱོན་བརྗོད་སློབ་གསོ་དང་ཐག་གཅོད་བྱས་པ་དང་། བྱེད་ཐབས་གཉིས་པར་བརྟེན་ནས་མི་ཐེངས་1219ཐག་གཅོད་བྱས་པ། བྱེད་ཐབས་གསུམ་པར་བརྟེན་ནས་མི་ཐེངས་222ཐག་གཅོད་བྱས་པ། བྱེད་ཐབས་བཞི་པར་བརྟེན་ནས་མི་161ཐག་གཅོད་བྱས་ཡོད།