ཉིན་ཤས་གོང་། ཡུན་ནན་ཞིང་ཆེན་ཤོན་ཝེ་གྲོང་ཁྱེར་ཉི་ཀྲུའུ་ཆུ་བོའི་རོང་ཆེན་གྱི“གློག་སྐས”(བྲག་ལྡེབས་ལྗོངས་གཟིགས་གློག་སྐས་ཨང་གཉིས་པ)སྤྱོད་འགོ་ཚུགས་པ་རེད། གློག་སྐས་དེའི་མཐོ་ཚད་ལ་སྨི་288ཡོད་པ་དང་འཁོར་སྐྱོད་མྱུར་ཚད་སྐར་ཆ་རེར་སྨི་5ཡིན་པ་རེད།

2022ལོར་ཉི་ཀྲུའུ་ཆུ་བོའི་རོང་ཆེན་ལྗོངས་གཟིགས་གློག་སྐས་ཨང་དང་པོ་དང་བར་སྣང་འབྲེང་འཁོར་སྤྱོད་འགོ་ཚུགས་རྗེས། དེ་སྔོན་ཆུ་ཚོད་3འགོར་བའི་གཡང་གཟར་གྱི་སློབ་གྲྭར་སྐྱོད་པའི་ལམ་བུ་དེ་ད་ཆ་སྐར་མ་30བར་ཐུང་དུ་ཕྱིན་པ་མ་ཟད། དུས་ཡུན་རིང་པོའི་ནང་ཡུལ་མི་དང་དེ་བཞིན་སློབ་མར་རིན་མེད་ངང་འགྲོ་སྐྱོད་བྱེད་དུ་བཅུག་པས། དྲ་བ་ཡོངས་སུ་སྐད་གྲགས་ཆོད་པའི“བར་སྣང་སློབ་འཁོར”ཨང་དང་པོར་གྱུར་ཡོད། གློག་སྐས་ཨང་གཉིས་པ་སྤྱོད་འགོ་ཚུགས་རྗེས། མཛེས་ལྗོངས་ཁུལ་གྱི་བྲག་ལྡེབས་གློག་སྐས་གཉིས་ཀྱི་སྤྱིའི་སྐྱེལ་འདྲེན་བྱེད་ཚད་ཆུ་ཚོད་རེར་མི་ཐེངས་1200ཟིན་གྱི་ཡོད། “བར་སྣང་སློབ་འཁོར”དང་པོའི་སྲིད་ཇུས་རྒྱུན་མཐུད་བྱས་ཏེ། ཉི་ཀྲུའུ་ཆུ་བོའི་གྲོང་ཚོ་དང་། ཀོན་ཀྲའེ་གྲོང་ཚོའི་གྲོང་མི། སློབ་གྲྭར་འགྲོ་མུས་ཀྱི་སློབ་མ་བཅས་ལ་སྤ་སེ་མི་དགོས་པར་སྔོན་ལ་སྡོད་ཆོག་པ་མ་ཟད། ཆེད་མངགས་སློབ་མར་སློབ་གྲྭར་སྐྱོད་པའི་ཐོགས་མེད་བགྲོད་ལམ་བཙུགས་ནས་རི་ཁུལ་གྱི་དམངས་ཕན་འགྲོ་སྐྱོད་བགྲོད་ལམ་སྔར་བས་ཤར་གཏོང་ཐུབ་པར་བྱས་ཏེ་གྲོང་གསེབ་ཀྱི་དམངས་འཚོའི་ཞབས་ཞུའི“མཐའ་མའི་འགག་གནད”བསལ་བ་རེད།