འདི་ནི་མཁོ་ཚོང་ཚོང་འདུས་ཐོག་མང་ཚོགས་ཀྱིས་ཧྲའན་ཤིས་ཀྱི་འབྲས་ཆང་ལ་རྒྱུས་ལོན་བྱེད་བཞིན་པ།

འདི་ནི་མཁོ་ཚོང་ཚོང་འདུས་ཐོག་མང་ཚོགས་ཚོས་ས་ཆ་དེ་རང་གི་ཞོ་ཉོ་བཞིན་པ།

ཉེ་ཆར་བོད་ལྗོངས་མཁོ་ཚོང་ཚོགས་པས་ཧྲའན་ཤིས་མཁོ་ཚོང་ཚོགས་པ་དང་མཉམ་དུ་ཐོན་ཁུངས་དང་ཚོང་གཉེར་དྲ་རྒྱའི་མ་ལག་གི་ལེགས་ཆ་ལྡན་པའི་ཁེ་ལས་སྒྲིག་འཛུགས་བྱས་ཏེ་ལྷ་སར་མཁོ་ཚོང་ཚོང་འདུས་གཉེར་ཡོད། ཧྲའན་ཤིས་ཞིང་ཆེན་གྱི་ཁ་གཏད་རོགས་སྐྱོར་ས་ཁུལ་གྱི་མཁོ་ཚོང་ཁང་གི་ཁོངས་གཏོགས་ཁེ་ལས་དང་རང་ལྗོངས་ཀྱི་ཁྱད་ལྡན་ཐོན་རྫས་ཐོན་སྐྱེད་བྲིན་ཚོང་བྱེད་མཁན་ཁེ་ལས་ཀྱིས་འབྲེལ་མཐུད་དང་གྲོས་མོལ་གཏིང་ཟབ་བྱས་ཏེ། ཧྲའན་བོད་ས་ཆ་གཉིས་ཀྱི་ཁྱད་ལྡན་ཐོན་རྫས“ཕྱིར་གཏོང”བྱེད་པའི་ལས་སྟེགས་བསྐྲུན་ནས་ཧྲའན་ཤིས་དང་བོད་ཀྱི་ཁྱད་ལྡན་སྤུས་རྟགས་ཀྱི་སྐད་གྲགས་ཆོད་ཚད་མཐོ་རུ་བཏང་ཡོད།