ཀྲུང་གོ་རླངས་འཁོར་བཟོ་ལས་མཐུན་ཚོགས་ཀྱིས་ཡོངས་བསྒྲགས་བྱས་པའི་གྲངས་གཞི་གསར་ཤོས་ལས་མངོན་པར། རང་རྒྱལ་གྱི་རླངས་འཁོར་ཕྱིར་གཏོང་བྱེད་མང་བའི་རྣམ་པ་བཟང་པོ་རྒྱུན་འཁྱོངས་ཐུབ་ཅིང་། ཟླ་དང་པོ་ནས་དྲུག་པའི་བར། རླངས་འཁོར་ཁྲི་509.6ཕྱིར་གཏོང་བྱས་པ་དེ་དུས་མཚུངས་ལས་65.3%འཕར་བ་དང་། ནུས་རྒྱུ་གསར་པའི་རླངས་འཁོར་ཁྲི་235.5ཕྱིར་གཏོང་བྱས་པ་དེ་དུས་མཚུངས་ལས་ལྡབ་1.2འཕར་ཡོད་པ་རེད།

ལོ་སྟོད་དུ། རླངས་འཁོར་ཐོན་སྐྱེད་དང་ཕྱིར་ཚོང་བྱེད་ཚད་ཁྲི་1499.3དང་ཁྲི་1501.7སོ་སོར་ཟིན་པ་དེ་དུས་མཚུངས་ལས་4%དང་4.1%སོ་སོར་ཆག་པ་དང་། ཆག་ཚད་ཟླ་དང་པོ་ནས་ལྔ་པའི་བར་ལས་སྔར་བས་ཆུང་དུ་ཕྱིན་ཡོད། དེའི་ནང་ནུས་རྒྱུ་གསར་པའི་རླངས་འཁོར་ཐོན་སྐྱེད་དང་ཕྱིར་ཚོང་བྱེད་ཚད་ཁྲི་743.8དང་ཁྲི་744.6ཟིན་པ་དེ་དུས་མཚུངས་ལས་6.7%དང་7.3%ཁག་སོ་སོར་འཕར་བ་དང་། ནུས་རྒྱུ་གསར་པའི་རླངས་འཁོར་གསར་པ་ཕྱིར་ཚོང་བྱེད་ཚད་དེ་རླངས་འཁོར་གསར་པ་བཙོངས་པའི་སྤྱིའི་བསྡོམས་འབོར་གྱི་49.6%ཟིན་གྱི་ཡོད་པ་རེད།