བོད་ལྗོངས་མི་རིགས་སློབ་ཆེན་གྱི་ཞིབ་འཇུག་སློབ་མའི་ཏང་འཛུགས་སྐྱོང་དང་བསམ་བློ་ཆབ་སྲིད་སློབ་གསོའི་ལས་དོན་གྱི་གླེང་སྟེགས་སྐབས་དང་པོ་གཉེར་བ།
ཉེ་ཆར། བོད་ལྗོངས་མི་རིགས་སློབ་ཆེན་གྱི་ཞིབ་འཇུག་སློབ་མའི་ཏང་འཛུགས་སྐྱོང་དང་བསམ་བློ་ཆབ་སྲིད་སློབ་གསོའི་ལས་དོན་གྱི་གླེང་སྟེགས་སྐབས་དང་པོ་ཞན་དབྱང་དུ་གཉེར་ཞིང་། སྐབས་འདིའི་གླེང་སྟེགས་ཀྱིས“ང་ཚོས་མཉམ་དུ‘ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས’”ཞེས་པ་བརྗོད་དོན་གཙོ་བོར་བྱས་པ་དང་། མི་བཟང་གསོ་སྐྱོང་གི་རྩ་བའི་ལས་འགན་ལ་དམ་པོར་དམིགས་ཏེ། དཔེ་མཚོན་གྱི་ཉམས་མྱོང་སྤེལ་རེས་དང་མི་སྣ་གསོ་སྐྱོང་གི་ཐུན་མོང་ངོས་འཛིན་གཅིག་ཏུ་བསྒྲིལ་ནས། བོད་དང་མི་རིགས་སློབ་ཆེན་གྱི་ཁྱད་ཆོས་ལྡན་པའི་ཞིབ་འཇུག་སློབ་མའི་ཏང་འཛུགས་སྐྱོང་དང་བསམ་བློ་ཆབ་སྲིད་སློབ་གསོའི་རྣམ་པ་གསར་པ་དང་ཐབས་ལམ་གསར་པ་འཚོལ་ཞིབ་ཧུར་ཐག་བྱས་ཡོད་པ་རེད།
ཚོགས་འདུའི་ཐོག མར་ཁེ་སི་རིང་ལུགས་སློབ་གླིང་དང་རིག་གཞུང་སློབ་གླིང་སོགས་ཞིབ་འཇུག་སློབ་མའི་གསོ་སྐྱོང་ཚན་པ་8ཀྱི་འགན་འཁུར་བས་རིག་ཚན་གྱི་ཁྱད་ཆོས་དང་གསོ་སྐྱོང་གི་དོན་དངོས་ལ་གཞི་ཚུགས་ཏེ། ཏང་འཛུགས་སྐྱོང་གིས་ཁྲིད་སྟོན་དང་། བསམ་བློས་བློ་སྦྱོང་། ལག་ལེན་གྱིས་མི་སྣ་གསོ་སྐྱོང་བཅས་ཀྱི་གསར་གཏོད་བྱ་ཐབས་དང་། ཁྱད་ལྡན་ལེགས་ཆ། རྩ་ཆེའི་ཉམས་མྱོང་བཅས་མཉམ་སྤྱོད་བྱས་ཤིང་། ལས་དོན་ཁྲོད་ཀྱི་དཀའ་གནད་དང་མི་འདང་བའི་ཆར་ཐད་ཀར་དམིགས་ཏེ། ལྷག་པའི་གནད་དོན་དབྱེ་ཞིབ་གཏིང་ཟབ་བྱས་པ་དེ་ཐོག་ནས། བོད་ལྗོངས་མི་རིགས་སློབ་ཆེན་གྱི་ཞིབ་འཇུག་སློབ་མའི་ཏང་འཛུགས་སྐྱོང་དང་བསམ་བློ་ཆབ་སྲིད་ལས་དོན་མེ་ཏོག་མཉམ་བཞད་དང་ཐུན་མོང་ཐོག་མདུན་སྐྱོད་བྱེད་པའི་འཕེལ་ཕྱོགས་བཟང་པོ་མངོན་ཡོད་པ་རེད།
ཤེས་རྟོགས་བྱུང་བར་གཞིགས་ན། ད་ལོའི་ལོ་སྟོད་དུ་བོད་ལྗོངས་མི་རིགས་སློབ་ཆེན་འདི་ཉིད་རྒྱལ་ཡོངས་ཀྱི་ཞིབ་འཇུག་སློབ་མའི་ཏང་འཛུགས་སྐྱོང་དང་བསམ་བློ་ཆབ་སྲིད་སློབ་གསོའི་མནའ་འབྲེལ་ནང་བདེ་བླག་ཞུགས་པ་དང་། དེ་ལས་སློབ་གྲྭའི་ཞིབ་འཇུག་སློབ་མའི་ཏང་འཛུགས་སྐྱོང་དང་བསམ་བློ་ཆབ་སྲིད་ལས་དོན་རྒྱལ་ཡོངས་ཀྱི“བསམ་ཇུས་གཅིག”གི་འཕེལ་རྒྱས་རྣམ་པ་དང་མཉམ་འདྲེས་བྱུང་ནས། མཉམ་སྒྲུབ་མཉམ་སྐྲུན་དང་། ཐོན་ཁུངས་མཉམ་སྤྱོད། ལེགས་ཆ་གསབ་རེས། མཉམ་དུ་འཕེལ་རྒྱས་བཅས་ཀྱི་དུས་མཚམས་གསར་པར་སླེབས་པ་མཚོན་གྱི་ཡོད་པ་རེད།
འབྲེལ་ཡོད་གསར་འགྱུར།