ཚོང་དོན་པུའུ་དང་རྒྱལ་ཁབ་ཕྱི་དངུལ་ཅུས་ཀྱིས་བསྡོམས་རྩིས་བརྒྱབ་པར་གཞིགས་ན། ད་ལོའི་དུས་ཚིགས་དང་པོར། རང་རྒྱལ་གྱི་ལས་རིགས་ཡོངས་ཀྱིས་ཕྱི་ཕྱོགས་ལ་ཐད་ཀར་མ་འཇོག་སྒོར་དུང་ཕྱུར་3094.5བྱས་པ་དེ་དུས་མཚུངས་ལས་5.4%འཕར་ཡོད་པ་རེད། དེའི་ནང་རང་རྒྱལ་མངའ་ཁོངས་ནང་གི་མ་འཇོག་བྱེད་མཁན་གྱིས་རྒྱལ་ཁབ་དང་ས་ཁུལ་140ཡི་མངའ་ཁོངས་ཕྱིའི་ཁེ་ལས་4111ལ་དངུལ་རྩ་མིན་པའི་རིགས་ཀྱི་ཐད་ཀའི་མ་འཇོག་བྱས་པ་དང་རིམ་རྩིས་བརྒྱབ་ན་མ་འཇོག་སྒོར་དུང་ཕྱུར་2328.6བྱས་ཡོད་པ་རེད། དུས་ཚིགས་དང་པོར། རང་རྒྱལ་གྱིས་ཕྱི་ཕྱོགས་ནས་འགན་གཙང་བླངས་པའི་ལས་གྲྭའི་ལས་སྒོའི་ཚོང་གཉེར་ཡོང་འབབ་སྒོར་དུང་ཕྱུར་2593.5ཟིན་པ་དེ་དུས་མཚུངས་ལས་5.7%འཕར་བ་དང་གསར་དུ་མིང་རྟགས་བཀོད་པའི་གན་རྒྱར་སྒོར་དུང་ཕྱུར་3853ཟིན་ཡོད་པ་རེད།

དུས་ཚིགས་དང་པོར་རང་རྒྱལ་ཁེ་ལས་ཀྱིས“རྒྱུད་གཅིག་ལམ་གཅིག”མཉམ་སྐྲུན། རྒྱལ་ཁབ་ཏུ་དངུལ་རྩ་མིན་པའི་རིགས་ཀྱི་ཐད་ཀའི་མ་དངུལ་སྒོར་དུང་ཕྱུར་612.7བཏང་ཡོད། ཕྱི་ཕྱོགས་སུ་ལས་གྲྭ་འགན་གཙང་ལེན་པའི་ཐད་རང་རྒྱལ་ཁེ་ལས་ཀྱིས“རྒྱུད་གཅིག་ལམ་གཅིག”མཉམ་སྐྲུན་རྒྱལ་ཁབ་དང་ལས་གྲྭ་འགན་གཙང་ལེན་པའི་གན་རྒྱ་བཞག་པའི་དངུལ་འབོར་སྒོར་དུང་ཕྱུར་3485.1ཟིན་ཏེ་དུས་མཚུངས་ལས་2.4%འཕར་བ་དང་ཚོང་གཉེར་ཡོང་འབབ་སྒོར་དུང་ཕྱུར་2186.9བྱུང་ནས་10%འཕར་ཡོད་པ་རེད།

དུས་ཚིགས་དང་པོར། རང་རྒྱལ་ཁེ་ལས་ཀྱིས་མངའ་ཁོངས་ཕྱིར་རིགས་ཁག་གི་ངལ་ལས་མི་སྣ་ཁྲི་9.6མངགས་གཏོང་བྱས་པའི་ནང་འགན་གཙང་བླངས་པའི་ལས་གྲྭར་མི་ཁྲི་3དང་ངལ་ལས་མཉམ་ལས་རྣམ་གྲངས་ལ་མི་ཁྲི་6.6མངགས་གཏོང་བྱས་ཡོད་པ་རེད།