རང་རེའི་ཕ་ཡུལ་བོད་ལྗོངས་སུ་རྩྭ་སྣ་རྩི་ཤིང་དང་དེ་ཚོའི་མེ་ཏོག་གི་སྣེ་གྲངས་ཤིན་ཏུ་མང་བས་མ་ཚད། ལོ་ངོ་སྟོང་ཕྲག་གི་གོང་རོལ་ནས་མེས་པོ་ཚོས་སྐྱེ་དངོས་ལ་ཞིབ་འཇུག་གནང་སྟེ་དེ་ཚོའི་མིང་དང་རོ་ནུས་ཞུ་རྗེས་སོགས་ལ་ཚན་རིག་དང་མཐུན་པའི་ངོས་འཛིན་ཡང་དག་གནང་ཡོད་ལ། བོད་ལུགས་གསོ་རིག་གིས་གཙོ་བོར་བྱས་པའི་སྐྱེ་དངོས་རིག་པའི་ཞིབ་འཇུག་མ་ལག་ཅིག་སྔ་ས་ནས་གྲུབ་ཡོད། དེས་ན“ས་སྟེང་སྨན་མིན་ཅི་ཡང་ཡོད་མ་ཡིན”ཞེས་པ་ལྟར་སྐྱེ་དངོས་ལ་ངོ་མཚར་དང་ཡ་མཚན་གྱི་བསམ་པ་འཆང་བཞིན། ང་ཚོས་སྔོ་སྨན་དེ་ཚོའི་མིང་དང་ནུས་པ་ཉུང་ཤས་ཙམ་ཤེས་ཐུབ་ནའང་ཕན་པ་བསམ་གྱིས་མི་ཁྱབ་པའོ།

藏波罗花 

ཨུག་ཆོས་དམར་པོ། སྤྱི་ཟླ་6—7བར་མེ་ཏོག་བཞད། བོད་ལུགས་རྣ་ནད་དང་ཀྲུང་ལུགས་ལུས་གསོ་བའི་སྨན་ལ་སྤྱོད་པའོ།

独一味

སྟག་པགས་ནག་པོ། སྤྱི་ཟླ་7—8བར་མེ་ཏོག་བཞད། ཟུངས་ཁྲག་གསོ་བ་དང་། སྐྲངས་སྦོས་འཇོམས། ཟུག་རྔུ་གཅོག་པའོ།

黄花棘豆

སྲད་དཀར། སྤྱི་ཟླ་6—7བར་མེ་ཏོག་བཞད། འདི་ལ་སྐྱེ་དངོས་ཀྱི་བུལ་རྩི་ལྡན་པས་རྩྭ་ཐང་གི་དུག་རྩྭ་ཡིན་ནོ།

全缘叶绿绒蒿

ཨུད་པལ་སེར་པོ། སྤྱི་ཟླ་5—11བར་མེ་ཏོག་བཞད། སྐྱེ་དངོས་ཞིབ་འཇུག་པ་དང་སྨན་པ་མང་པོས་འཚོལ་ཞིབ་བྱེད་པའི་སྔོ་སྨན་ཏེ་སྤྱིར་ན་མཆིན་པ་གསོ་བའོ།

西藏蒲公英

ཁུར་མོང་། སྔོ་ཚོད་ཟས་སུ་སྤྱོད་པ་ཡིན་ལ། མཁྲིས་ཚད་སེལ་ལོ།

架棚

བྱ་པོ་པན་ཆེན་ལུགས་ཀྱི་ཤིང་སྐྱུ་རུ་མ། སྤྱི་ཟླ་5—11བར་མེ་ཏོག་བཞད། ཀྲུང་ལུགས་ཀྱིས་སྡོང་པོ་ཧྲིལ་པོ་སྨན་དུ་སྤྱད་ནས་གྲུམ་ནད་དང་རྡབ་ཆག་བཅོས་པ་ཡིན་ལ། འགྲམ་པའི་གཤེར་རྨེན་གཉན་ནད་ལ་ཤིན་ཏུ་ཕན་ནོ།

金露梅

སྤེན་མའི་མེ་ཏོག སྤྱི་ཟླ་6—9བར་མེ་ཏོག་བཞད། ལོ་མ་དང་ཡལ་གས་སྤྱིན་རྒྱུ་བཟོ་ཐུབ་པས་མ་ཚད་ལོ་མ་གསར་པའི་སྐབས་ཇ་ལོར་སྤྱོད་པའོ།

缘毛紫苑

ལུག་མིག་མེ་ཏོག སྤྱི་ཟླ་5—7བར་མེ་ཏོག་བཞད། མེ་ཏོག་དང་སྡོང་པོར་གཉན་ཚད་འཇོམས་པ་དང་། གློ་སེལ་བ། དབུགས་འཚང་འཇོམས་པའི་ནུས་པ་ཡོད།

黄苞南星

དྭ་བ། སྤྱི་ཟླ་5—6བར་མེ་ཏོག་བཞད། སྡོང་པོ་སྨན་རྒྱུ་མང་པོའི་ནང་དུ་སྤྱོད་པའོ།

毛花忍冬

ཚར་པ། སྤྱི་ཟླ་7པར་མེ་ཏོག་བཞད།

苞叶雪莲

གཟའ་བདུད་མགོ་དགུ སྤྱི་ཟླ་7—9བར་མེ་ཏོག་བཞད། ས་བབ་སྨི་3200-4700ཙམ་གྱི་མཐོ་སར་སྐྱེས་པ་ཡིན།

紫斑杜鹃

བ་ལུ་ནག་པོ། སྤྱི་ཟླ་5—6བར་མེ་ཏོག་བཞད།

乌奴龙胆

གང་ག་ཆུང་། སྤྱི་ཟླ་8—10མེ་ཏོག་བཞད། དེ་ནི་སྔོ་ཡི་བུ་མོ་སྤུན་བདུན་གྱི་གྲས་སོ།

砂生槐

སྐྱི་བ། སྤྱི་ཟླ་5—7བར་མེ་ཏོག་བཞད། དེ་ནི་བྱེ་ཐང་བཅོས་པའི་སྐྱེ་དངོས་ཡིན་ལ། འབྲུ་གུར་ནངས་པ་ཆིག་ཐུབ་ཅེས་བརྗོད་དེ་སྨན་ལ་སྤྱོད་པའོ།

线尾红景天

སྲོ་ལོ་དམར་པོ། སྤྱི་ཟླ་7—9བར་མེ་ཏོག་བཞད། ལུས་གསོ་བ་དང་ལ་དུག་སེལ་བའི་ནུས་པ་ལྡན་པའོ།

钉柱委陵菜

སྔོ་སུག  སྤྱི་ཟླ་6—8 བར་མེ་ཏོག་བཞད།

垫状点地梅

གྲོ་ཀྲན། སྤྱི་ཟླ་6པར་མེ་ཏོག་བཞད།

囊距翠雀花

བྱ་རྒོད་སྤོས། མེ་ཏོག་འདི་ལ་གླ་རྩིའི་དྲི་མ་ཡོད་ཅིང་། ཆམ་རིམས་དང་པགས་ནད་ཟ་འཁྲུག་སེལ། སྦྲུལ་དུག་འཇོམས།