ཉེ་ཆར་གྲོང་ཚོ་རིམ་པ་དང་ཤང་རིམ་པའི“དམར་མདངས་ཆབ་མདོ། དར་རྒྱས་ཡར་བརྩོན”ཞེས་པའི་མང་ཚོགས་རང་བཞིན་གྱི་འགྲན་བསྡུར་བྱེད་སྒོའི་ཁྲོད། ཁ་རུབ་ཆུས་ཀྱིས་ཁོངས་གཏོགས་ཁུལ་གྱི་སློབ་གྲྭ་འབྲིང་ཆུང་ཁག་གི་སློབ་ལོ་ལོན་པའི་སློབ་མ་ཆེད་མངགས་སྒྲིག་འཛུགས་བྱས་ནས། སྲོལ་རྒྱུན་གྱི་ཐོན་སྐྱེད་རྩལ་ནུས་ཀྱི་ཉམས་ལེན་བྱེད་སྒོར་ཞུགས་ཏེ། ས་ཆ་དངོས་སུ་རྩམ་པ་འཐག་པ་དང་ཇ་བསྲུབས་མ་བཟོ་བ་སོགས་ཆབ་མདོའི་ས་གནས་དེ་གའི་དམངས་སྲོལ་ཁྱད་ཆོས་ལྡན་པའི་སྲོལ་རྒྱུན་གྱི་ཐོན་སྐྱེད་རྩལ་ནུས་ཀྱི་ཉམས་ལེན་རྣམ་གྲངས་བཀོད་སྒྲིག་བྱས་ཁར། ས་གནས་དེ་གའི་སྲོལ་རྒྱུན་གྱི་རྩལ་ནུས་ལ་བྱང་ཆུབ་པའི་རྒན་རབས་དང་དམངས་ཁྲོད་ཀྱི་འཇོན་ཐང་ཅན་ས་ཆ་དངོས་སུ་སློབ་ཁྲིད་དང་མཛུབ་ཁྲིད་བྱེད་པར་གདན་དྲངས་ནས་དེ་སྔོན་གྱི་རིག་གནས་དྲིལ་བསྒྲགས་བྱེད་སྟངས་ལ་འགྱུར་བ་བཏང་སྟེ། ཕུལ་བྱུང་གི་སྲོལ་རྒྱུན་རིག་གནས་ཤེས་ཚོར་དང་ཉམས་ལེན་ཐུབ་པར་བྱས་ཡོད། འདི་ནི་སློབ་མས་རྩམ་པ་འཐག་བཞིན་པ།