དུས་ཚོད། ཟླ་3ཚེས་5ཉིན་གྱི་ཕྱི་དྲོ།

ཉིན་རེའི་གྲོས་རིམ། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཅང་སུའུ་འཐུས་མི་ཚོགས་པའི་གྲོས་ཞིབ་ལ་ཞུགས་པ།

“དེ་རིང་བརྙན་འཕྲིན་ནས་ཁྱེད་རང་མཐོང་བྱུང་། ངས་ཁྱེད་ཀྱི་མིང་སེམས་ལ་ངེས་སོང”

ཚོགས་རར་ཅང་སུའུ་ལི་ཞ་ཧོ་ས་ཁུལ་ཞིང་ལས་ཚན་རིག་ཞིབ་འཇུག་ཁང་གི་འཐུས་མི་ཀའོ་ཏེ་རུང་གིས་གཏམ་བཤད་བྱས་མ་ཐག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་འཛུམ་དམུལ་དམུལ་ངང་དེ་ལྟར་གསུངས། ཉིན་དེའི་སྔ་དྲོར། ཀའོ་ཏེ་རུང་གིས“འཐུས་མིའི་བགྲོད་ལམ”དུ་ལོ་30ལྷག་ཙམ་རིང་གི་གྲོ་གསོ་གྲོ་འདེབས་སྐོར་གྱི་འགག་སྒྲོལ་གཏམ་རྒྱུད་མཉམ་སྤྱོད་གནང་བ་རེད།

“ཁྱེད་ཚོས་གྲོ་སོན་དེའི་རིགས་རྒྱ་ཁྱོན་ཇི་ཙམ་བཏབ་ཡོད་དམ”“གྲོ་ནད་དེ་ས་ཆ་གང་དུ་ཐོན་སླ་བ་དང་ཐོན་མང་བ་ཡོད་དམ”དེ་ལྟ་བུའི་གནད་དོན་དག་ཁོང་གི་ཐུགས་ལ་གསལ་པོར་བཅངས་ཡོད།

“སོན་ལས་ནི་ཧ་ཅང་གལ་འགངས་ཆེ་བ་ཞིག་རེད། ཞིང་ལས་གཉེར་བར་སོན་ལས་ཡག་པོ་བྱེད་དགོས”ཞེས་སྤྱི་ཁྱབ་ཧྲུའུ་ཅིས་ཐུགས་སྣང་གཤིན་པོས་དེ་ལྟར་གསུངས།

འབྲུ་རྡོག་རེ་རེ་འབྲུ་རིགས་བདེ་འཇགས་དང་འབྲེལ་བ་དམ་ཟབ་ཡོད། མི་རིགས་ཀྱི་སོན་ལས་དར་རྒྱས་ཡོང་བར་བྱ་རྒྱུ་ནི་ཀའོ་ཏེ་རུང་དང་འདྲ་བའི་ཞིང་ལས་ཚན་རྩལ་ལས་དོན་པ་ཚོས་དོན་གཉེར་བྱེད་པའི་ཕུགས་བསམ་ཞིག་རེད། ཁོང་ཚོས་བློ་རྩེ་གཅིག་སྒྲིམ་གྱིས་བརྩོན་ཞིབ་དང་འགག་སྒྲོལ་དཀའ་སེལ་བྱས་ཏེ་ཡངས་ཤིང་རྒྱ་ཆེ་བའི་ས་ཞིང་ནང་ལང་ཚོ་ལེགས་སྐྱེས་ཕུལ་ཡོད། མི་ཚང་མ་ནི་ཀྲུང་གོའི་ལུགས་ཀྱི་དེང་རབས་ཅན་མངོན་འགྱུར་བྱེད་མཁན་གཙོ་བོ་རེད། དེ་དང་དེ་འདྲ་བའི་ཚན་ཞིབ་པ་མི་རེ་ངོ་རེའི་མིང་སྤྱི་ཁྱབ་ཧྲུའུ་ཅིས་ཐུགས་ལ་གསལ་པོར་ངེས་ནས་ཡོད།

“སྐར་ལྔའི་དར་དམར་ལྷབ་ལྷུབ་ཏུ་གཡོ་བ་ནི་ངའི་གཟི་བརྗིད་ཆེ་ཤོས་ཡིན། དེ་ནི་དར་ཆ་ཙམ་མ་ཡིན་པར། དད་མོས་ཤིག་དེ་བས་ཀྱང་ཡིན” ཚོགས་རར་ཨོ་རྩལ་འགྲན་ཚོགས་སྐབས་གསུམ་ལ་ཞུགས་ནས་ཨོ་རྩལ་འགྲན་ཚོགས་ཀྱི་བྱ་དགའི་རྟགས་མ་10ཐོབ་མྱོང་བའི་འཐུས་མི་ཀྲང་ཡུས་ཧྥེ་ཡིས་རང་ཉིད་ཀྱི་འབད་འཐབ་གཏམ་རྒྱུད་བརྗོད།

སྤྱི་ཁྱབ་ཧྲུའུ་ཅིས་ཁོང་ལ་ཕྱོགས་གཅིག་ནས་ལུས་རྩལ་གྱི་འགྲན་རར་མུ་མཐུད་འབད་འཐབ་བྱས་ནས་རྒྱལ་ཁབ་ཀྱི་ཆེད་དུ་གཟི་བརྗིད་བརྩོན་ལེན་བྱེད་དགོས་པ་དང་། ཕྱོགས་གཞན་ཞིག་ནས་ན་གཞོན་ལུས་རྩལ་པ་ཚོར་བརྒྱུད་རོགས་འཁྲིད་གསུམ་ཡག་པོ་བྱེད་དགོས་པའི་སྐུལ་ལྕག་གནང་།

“ལུས་རྩལ་རྒྱལ་ཁབ་སྟོབས་ཆེན་ནི་དེང་རབས་ཅན་གྱི་རྒྱལ་ཁབ་སྟོབས་ཆེན་གྱི་མཚོན་རྟགས་གལ་ཆེན་ཞིག་རེད། ལུས་རྩལ་སྟོབས་ཆེན་ཕྱོགས་གཉིས་ཀྱི་ཐད་ནས་མངོན་པར་བྱེད་དགོས་པ་སྟེ། གཅིག་ནི་དམངས་ཡོངས་ཀྱི་ལུས་རྩལ་སྟོབས་ཆེན་དང་མི་དམངས་བདེ་ཐང་གི་བྱང་ཚད་མཐོ་རུ་གཏོང་རྒྱུ་དེ་དང་། གཅིག་ཤོས་ནི་རྩལ་འགྲན་ལུས་རྩལ་ཕྱོགས་ཡོངས་ནས་འཕེལ་རྒྱས་གཏོང་རྒྱུ་དེ་ཡིན”ཞེས་པའི་མངགས་བཅོལ་ཟབ་མོ་ལས། ལུས་རྩལ་རྒྱལ་ཁབ་སྟོབས་ཆེན་དང་བདེ་ཐང་ཀྲུང་གོའི་དབར་གྱི་འབྲེལ་བ་ཟབ་མོ་མཚོན་ཡོད།

ཀྲུང་གོའི་ལུགས་ཀྱི་དེང་རབས་ཅན་གྱི་བརྗིད་ཆེའི་འཆར་གཞི་འགོད་པ་དེ་ནི་མི་དམངས་དུང་ཕྱུར་མང་པོས་མཉམ་དུ་གཏོད་པའི་དུས་རབས་གསར་པའི་རྣམ་པ་ཞིག་རེད།