འདི་ནི་རྒྱལ་ཡོངས་སྲིད་གྲོས་ཀྱི་ཨུ་ཡོན་ཟླ་བ་དོན་གྲུབ་ཡིན་པ།

རྒྱལ་ཡོངས་སྲིད་གྲོས་ཀྱི་ཨུ་ཡོན་རང་སྐྱོང་ལྗོངས་ཞིང་འབྲོག་ཚན་རིག་ཁང་ཞིང་ལས་ཞིབ་འཇུག་སུའོ་ཡི་ཞིབ་འཇུག་པ་གཞོན་པ་ཟླ་བ་དོན་གྲུབ་ཀྱིས་ཡུན་རིང་ཞིང་དང་ཚོད་ལྟ་ཁང་དུ་འདྲི་རྟོག་བརྟག་ཞིབ་དང་གྲངས་གཞིར་དབྱེ་ཞིབ་ཐེངས་མང་གནང་ནས་ས་མཐོའི་ས་གཞི་ཆེན་པོར་འགན་འཁྲི་ལེགས་པར་སྒྲུབ་པ་ནི་ནས་རྡོག་ཆུང་ངུ་དེ་མང་ཚོགས་ལ་འབབ་འཕར་ཡོང་བའི“གསེར་གྱི་ལྡེ་མིག”ཏུ་འགྱུར་བའི་ཆེད་དུ་རེད།

བོད་དུ་ནས་ཀྱི་ཐོན་འབབ་སྔ་ས་ནས་མཐོ་ལ་བརྟན་པོ་བྱུང་ཞིང་། 2025ལོར་སླེབས་སྐབས་ལྗོངས་ཡོངས་ཀྱི་ནས་ཀྱི་ཐོན་འབབ་ཏུན་ཁྲི་90ལས་ཐོག་མར་བརྒལ་བ་དང་འདེབས་ཁྱོན་མུའུ་ཁྲི་230ཡན་བརྟན་པོ་བྱུང་ཡོད། ད་ཆ་ནས་ཀྱི་ལོའི་ལས་སྣོན་ཐོན་རྫས་རིན་ཐང་ཟམ་མི་ཆད་པར་ཚད་བརྒལ་བྱུང་ནས་ཐོན་ལས་འཁོར་འབྲེལ་རྒྱུན་ཆད་མེད་པར་སྣུར་སྲིང་ཐུབ་ཡོད།

ནས་ལ་β-རྒུན་འབྲུམ་འདུས་མངར་དང་། སྤྲི་དཀར། བཟའ་བཅའི་ཚི་སྣ་བཅས་མང་པོ་འདུས་ཡོད་ལ། རང་བྱུང་གི་བདེ་ཐང་གི་འབྲུ་རིགས་ཤིག་ཀྱང་རེད། འོན་ཀྱང་དབང་གྲགས་ལྡན་པའི་གྲུབ་ཆའི་དཔེ་རིས་དང་ཕན་ནུས་ལྡན་པའི་བདེན་དཔང་ར་སྤྲོད་བྱུང་མེད་པས་དེའི་ཁྲོམ་རའི་སྒོ་མོ་འབྱེད་རྒྱ་ཆེ་རུ་གཏོང་ཁག་པོ་ཡོད་ཅེས་ཟླ་བ་དོན་གྲུབ་ཀྱིས་གསུངས་པ་རེད།

ཁོང་གིས་བརྒྱུད་རིམ་ལྡན་པའི་ཞིབ་དཔྱད་དང་དབྱེ་ཞིབ་བྱས་པ་བརྒྱུད། ནས་ཀྱི་འཚོ་བཅུད་གྲུབ་ཆའི“གསལ་རྟོགས་གཱ”བཟོ་བ་དང་། ཚན་རིག་དང་མཐུན་པའི་གྲངས་གཞི་སྤྱད་དེ་རྩམ་པ་བཟས་ན་བདེ་ཐང་ཡོང་ལུགས་ཡག་པོ་ཤོད་པ། “ས་མཐོའི་བཟའ་འབྲུ”དེ“གོ་ལ་ཧྲིལ་པོའི་བདེ་ཐང་གི་བཟའ་བཅའ”བར་རིམ་པ་སྤོར་བར་སྐུལ་འདེད་གཏོང་བ་བཅས་ཀྱི་གྲོས་འགོ་བཏོན་གནང་བ་རེད། མིག་སྔར་བོད་རང་སྐྱོང་ལྗོངས་ཞིང་འབྲོག་ཚན་རིག་ཁང་གིས་རྒྱལ་ཁབ་ཀྱི་འབྲེལ་ཡོད་པུའུ་ཨུད་དང་མཉམ་འབྲེལ་བྱས་ཏེ“ནས་ལ་ཕན་ནུས་ཆེན་པོ་ལྡན། བདེ་ཐང་ཡོང་བར་ཤུགས་ཀྱིས་སྐུལ”ཞེས་པའི་སྤྱི་པའི་སྤུས་རྟགས་བཏོད་དེ། གངས་ལྗོངས་ཀྱི“གསེར་གྱི་ས་བོན”གྱི་རིན་ཐང་འཛམ་གླིང་སྐྱེ་བོ་ཀུན་གྱིས་ཤེས་པར་བྱེད་བཞིན་ཡོད།

ནས་ཀྱི་ཐོན་ལས་སྤུས་མཐོ་ནུས་ཆེ་ཡོང་བ་བྱེད་པ་དེའི་སྣེ་གཅིག་འབྲུ་རིགས་བདེ་འཇགས་དང་སྦྲེལ་བ་དང་སྣེ་གཞན་དེ་ཞིང་འབྲོག་པའི་འབབ་འཕར་དང་སྦྲེལ་ཡོད།

“ནས་ཀྱི་བདེ་ཐང་གི་རིན་ཐང་སྔོག་འདོན་གཏིང་ཟབ་བྱེད་པ་དང་། སྤུས་རྟགས་ཀྱི་རྒྱ་སྟོབས་ཆེ་རུ་གཏོང་བ། ཁྲོམ་རའི་རྒྱ་སྟོབས་ཆེ་རུ་གཏོང་བ་བཅས་བྱས་ཚེ། ནས་ཀྱི་རིན་གོང་བརྟན་པོ་ཡོང་བ་དང་ཕྱིར་ཚོང་ཐབས་ལམ་རྒྱ་ཆེ་རུ་ཕྱིན་ནས། མི་སེར་ལ་ནས་འདེབས་རིན་ཡོད་པ་དང་། བྲིན་ཁ་རྒྱུག་པ། ཡོང་འབབ་མཐོ་བ་བཅས་ཀྱི་འདུ་ཤེས་འཇགས་རྒྱུ་མ་ཟད། ད་དུང་ཐོན་ལས་འཁོར་འབྲེལ་ཐོག་ཡུལ་དེའི་ཞིང་འབྲོག་ཤེས་ལྡན་པ་དང་། ལག་རྩལ་ཤེས་ལྡན་པ། གཉེར་སྐྱོང་ཤེས་ལྡན་པ་བཅས་དེ་བས་མང་པོ་བསྐྱངས་ནས། ས་མཐོའི་གྲོང་གསེབ་དར་རྒྱས་ཆེད་སྒུལ་ཤུགས་དེ་བས་ཆེ་བ་སྣོན་ཐུབ་ངེས་རེད”ཅེས་ཟླ་བ་དོན་གྲུབ་ཀྱིས་གསུངས་པ་རེད།