རྒྱལ་ཡོངས་སྲིད་གྲོས་ཀྱི་རང་ལྗོངས་ཀྱི་ཨུ་ཡོན་ཚོ་རིགས་ཁོངས་ཁག་གི་ཚོགས་ཆུང་གྲོས་བསྡུར་ལ་ཞུགས་པ།
ཟླ་3ཚེས་5ཉིན། རྒྱལ་ཡོངས་སྲིད་གྲོས་སྐབས་བཅུ་བཞི་པའི་ཚོགས་འདུ་ཐེངས་བཞི་པས་རིགས་ཁོངས་དབྱེ་ནས་སྲིད་གྲོས་རྒྱུན་ལས་ཨུ་ཡོན་ལྷན་ཁང་གི་ལས་དོན་སྙན་སྒྲོན་དང་གྲོས་གཞིའི་ལས་དོན་སྤེལ་ཚུལ་གྱི་སྙན་སྒྲོན་ལ་གྲོས་བསྡུར་གནང་བ་རེད།
ཨུ་ཡོན་ཚོས་ངོས་འཛིན་གནང་དོན། ཀྲུའུ་ཞི་ཝང་ཧུའུ་ཉིང་གིས་རྒྱལ་ཡོངས་སྲིད་གྲོས་རྒྱུན་ལས་ཨུ་ཡོན་ལྷན་ཁང་གི་ཚབ་ཞུས་ནས་གནང་བའི་ལས་དོན་སྙན་སྒྲོན་གྱི་འགོ་ནས་མཇུག་བར་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་ཁྱབ་པ་དང་། ལས་དོན་ལ་ཕྱོགས་སྡོམ་བྱས་པ་དེ་ལུགས་དང་མཐུན་ལ་ཆ་ཚང་བ་དང་དངོས་ཐོག་བདེན་འཚོལ་ཡིན་པ། ལས་འགན་བཀོད་སྒྲིག་གནང་བའི་དམིགས་ཚད་ཁ་གསལ་ལ་གཙོ་གནད་འབུར་དུ་ཐོན་པ་བཅས་ཡོད་པས། སྲིད་གྲོས་ལས་དོན་གྱི་ཁྱད་ཆོས་དང་དངོས་སྒྲུབ་གསར་གཏོད་ཀྱི་སྙིང་སྟོབས་གང་ལེགས་མཚོན་ནས་ཚད་མཐོའི་ཆབ་སྲིད་ཀྱི་རང་བཞིན་དང་། མངོན་གསལ་དོད་པའི་དུས་རབས་ཀྱི་རང་བཞིན། མཛུབ་ཁྲིད་ཀྱི་རང་བཞིན་ཤུགས་ཆེན་བཅས་ལྡན་པ་དེ་ནི་དར་ཆ་མཐོན་པོར་སྒྲེང་བ་དང་། སྲོག་ཤིང་ལ་སྲུང་སྐྱོང་། སེམས་ནུས་གཅིག་སྒྲིལ། མི་སེམས་ལ་སྐུལ་མ་ཐེབས་པ་བཅས་ཀྱི་སྙན་སྒྲོན་ཡག་པོ་ཞིག་ཡིན་པས་རྦད་དེ་མོས་མཐུན་ཡོད།
ཨུ་ཡོན་ཚོས་གྲོས་ཞིབ་གནང་རིང་ད་དུང་འདས་ཟིན་པའི་ལོ་གཅིག་རིང་གི་གྲོས་གཞིའི་ལས་དོན་གྱི་ཕན་འབྲས་ལ་ཁས་ལེན་གང་ལེགས་གནང་ཞིང་། ཚང་མས་ཁུ་བསྡུས་དངོས་སྒྲུབ་ཀྱི་སྙན་སྒྲོན་གཉིས་པོ་ལས་སྲིད་གྲོས་ལས་དོན་གྱི་ཕན་འབྲས་གང་ལེགས་མངོན་པ་དང་ལོ་གསར་པའི་ལས་དོན་གྱི་འཆར་གཞི་ལེགས་པར་བཀོད་ཡོད། སླད་ཕྱིན། བརྟག་དཔྱད་ཞིབ་འཇུག་སྔར་བས་གཏིང་ཟབ་བྱས་ནས་སྤུས་ཚད་མཐོ་བའི་གྲོས་འཆར་གྱི་གྲུབ་འབྲས་ཐོབ་པར་བྱས་ཏེ། ཏང་ཀྲུང་དབྱང་གི་ཐབས་ཇུས་བཀོད་སྒྲིག་དེ་འགན་སྒྲུབ་ཀྱི་ལག་ལེན་ཁྲོད་དུ་དོན་འཁྱོལ་ཏན་ཏིག་བྱས་ནས་དུས་རབས་གསར་པ་དང་རྒྱང་ལམ་གསར་པར་བྱས་རྗེས་གསར་པ་འཇོག་པ་དང་སྟོབས་ཤུགས་གསར་པ་སྐྱེས་སུ་འབུལ་གང་ཐུབ་བྱེད་ཀྱི་ཡིན་ཞེས་གསུངས་པ་རེད།
འབྲེལ་ཡོད་གསར་འགྱུར།