2026ལོའི“ཀྲུང་ཧྭའི་བརྩེ་སེམས་བཅངས། མཉམ་དུ་དཔྱིད་གསར་རོལ”ཞེས་པའི་བྱེད་སྒོ་སི་ཕེན་དུ་སྤེལ་བ།
ཉེ་ཆར། 2026ལོའི་ཀྲུང་གོའི་ཕྱིར་སྡོད་རང་མིའི་མཉམ་འབྲེལ་ལྷན་ཚོགས་ཀྱི“ཀྲུང་ཧྭའི་བརྩེ་སེམས་བཅངས། མཉམ་དུ་དཔྱིད་གསར་རོལ”ཞེས་པའི་འཚམས་འདྲིའི་འཁྲབ་སྟོན་སི་ཕེན་གྱི་རྒྱལ་ས་མ་ཏེ་རིར་གཉེར་ནས་སི་ཕེན་དུ་བྱེས་སྡོད་ཕྱིར་སྡོད་རང་མི་དང་ས་གནས་དེ་གའི་དམངས་ཚོགས་ལ་རིག་གནས་ཀྱི་སྟོན་མོ་གཟབ་རྒྱས་ཤིག་བཤམས་པ་རེད།
དམངས་ཁྲོད་རོལ་ཆ་མཉམ་དཀྲོལ《ངའི་མེས་རྒྱལ》དང་གླུ་གཞས《ཕ་ཡུལ་གྱི་སྤྲིན་དཀར》 དང《ངའི་ཀྲུང་གོའི་སེམས》སོགས་ལེ་ཚན་རེས་མོས་ངང་འཁྲབ་སྟོན་བྱས་ཏེ། ས་ཡུལ་དངོས་ཀྱི་རྣམ་པ་འཁྲུག་པོ་ཡོང་བར་བྱས་ཡོད། འཚམས་འདྲིའི་འཁྲབ་སྟོན་ཚོགས་པ་མ་ཏེ་རི་སི་ཕེན་ཐང་ཆེན་དུ་བསྐྱོད་དེ་ས་གནས་དེ་གའི་ཕྱིར་སྡོད་རང་མིའི་ཚོགས་པས་གཉེར་བའི“སྤྲོ་སྣང་ལྡན་པའི་ཀྲུང་གོ དཔྱིད་གསར་གྱི་ཚོགས་མཆོད”ཀྱི་འགོ་ཚུགས་མཛད་སྒོར་ཞུགས་པ་དང་། སི་ཕེན་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཡའོ་ཅིང་གིས། “ཀྲུང་ཧྭའི་བརྩེ་སེམས་བཅངས། མཉམ་དུ་དཔྱིད་གསར་རོལ”ཞེས་པ་ནི་ཀྲུང་གོའི་ཕྱིར་སྡོད་རང་མིའི་མཉམ་འབྲེལ་ལྷན་ཚོགས་ཀྱིས་བཏོད་པའི་རིག་གནས་ཀྱི་སྤུས་རྟགས་རྣམ་གྲངས་གལ་ཆེན་ཞིག་དང་མེས་རྒྱལ་གྱིས་ཕྱིར་སྡོད་སྤུན་ཟླར་བཅངས་པའི་བརྩེ་སེམས་ཟབ་མོ་ཞིག་རེད་ཅེས་བརྗོད།
འབྲེལ་ཡོད་གསར་འགྱུར།