ཤིན་ཧྭ་གསར་འགྱུར་ཁང་གྲོང་ཁྱེར་ཁེ་ཕུ་ཏུན་ནས་གློག་འཕྲིན་འབྱོར་གསལ། 2026ལོའི་ཨ་ཧྥེ་རི་ཁའི་ནུས་རྒྱུའི་ཚོགས་ཆེན་ཚེས་3ཉིན་ལྷོ་ཨེ་ཧྥེ་རི་ཁའི་ཁྲིམས་འཛུགས་རྒྱལ་ས་ཁེ་ཕུ་ཏུན་ལ་འཚོགས་པ་དང་། ཚོགས་ཆེན་གྱིས་གོ་ལ་ཧྲིལ་པོའི་ནུས་རྒྱུའི་རྣམ་པ་བསྐྱར་སྒྲིག་བྱེད་པའི་རྒྱབ་ལྗོངས་འོག་ཨ་ཧྥེ་རི་ཁའི་ནུས་རྒྱུའི་ཐོན་ཁུངས་ཕྱོགས་སྒྱུར་ཡོང་བར་དམིགས་པ་ཞིག་རེད།

ཨ་ཧྥེ་རི་ཁའི་གལ་འགངས་ཤིན་ཏུ་ཆེ་བའི་ནུས་རྒྱུའི་ཚོགས་ཆེན་དང་འགྲེམས་ཚོགས་ཤིག་ཡིན་པའི་ད་རེས་ཀྱི་ཚོགས་ཆེན་གྱི་བརྗོད་དོན་གཙོ་བོ་ནི“ནུས་རྒྱུའི་གསར་བརྗེའི་མེ་ལྕེ་སྤོར་རྒྱུ”དེ་ཡིན་ཞིང་། དེའི་དམིགས་ཡུལ་ནི་ནུས་རྒྱུ་སྒྱུར་བཅོས་དང་། གློག་དྲ་རྒྱ་སྐྱེད། ནུས་རྒྱུའི་ཁུལ་ཁོངས་གཞི་གཅིག་ཅན་དུ་འགྱུར་བ་དང་ནུས་རྒྱུར་མ་འཇོག་སོགས་ཀྱི་གྲོས་གཞིར་དམིགས་ནས། གོ་ལ་ཧྲིལ་པོའི་ནུས་རྒྱུའི་རྣམ་པར་བསྐྱར་སྒྲིག་ཤུགས་ཆེན་བྱེད་པའི་རྒྱབ་ལྗོངས་འོག་ཨ་ཧྥེ་རི་ཁའི་ནུས་རྒྱུའི་ཐོན་ལས་ལ་ཕྱོགས་སྒྱུར་ཡོང་བར་སྐུལ་འདེད་གཏོང་རྒྱུར་བགྲོ་གླེང་བྱས་པ་ཞིག་རེད།

ལྷོ་ཨ་ཧྥེ་རི་ཁའི་གློག་ཤུགས་དང་ནུས་རྒྱུ་པུའུ་ཡི་པུའུ་ཀྲང་ཁོ་ཞིས་ཨེན་ཆའོ་·ལཱ་མོ་ཧའོ་ཕ་ཡིས་ཉིན་དེའི་འགོ་འཛུགས་མཛད་སྒོར་ཤིས་ཚིག་བསྒྲོན་ནས། མིག་སྔའི་གོ་ལ་ཧྲིལ་པོའི་ནུས་རྒྱུའི་མ་ལག་ལ་གྲུབ་ཆའི་རང་བཞིན་གྱི་བསྐྱར་སྒྲིག་བྱེད་འགོ་ཚུགས་ཏེ། ནུས་རྒྱུ་འདི་ཉིད་རྒྱལ་ཁབ་ཀྱི་བདག་དབང་དང་། ཐོན་ལས་ཀྱི་འགྲན་རྩོད་ནུས་པ། ས་བབ་འཐབ་ཇུས་བཅས་ཀྱི་ལྟེ་བའི་འགྱུར་གྲངས་ཤིག་ཏུ་གྲུབ་ཚུལ་བསྟན་ཡོད།

ད་རེས་ཚོགས་ཆེན་གྱི་འཚོག་ཡུན་ཉིན་གསུམ་ཡིན་པར་ཨ་ཧྥེ་རི་ཁའི་རྒྱལ་ཁབ་30ལྷག་ཙམ་གྱི་ཚོགས་ཞུགས་འཐུས་མི་1162དང་། ནུས་རྒྱུ་པུའུ་ཡི་པུའུ་ཀྲང་15 རིགས་གཅིག་མཁས་ཅན་173བཅས་ཚོགས་འདུར་ཞུགས་ཡོད། ཚོགས་ཆེན་ལ་པུའུ་ཀྲང་གི་གྲལ་སྒོར་ཚོགས་འདུ་དང་། ནུས་རྒྱུའི་ཐད་དབུ་ཁྲིད་དབར་གྱི་སྐད་ཆ་ཤོད་རེས། ཆེད་དོན་གླེང་སྟེགས། མ་འཇོག་དང་མ་དངུལ་བསྡུ་སྒྲིལ་སྐོར་གྱི་སྐད་ཆ་ཤོད་རེས་ཚོགས་འདུ་སོགས་ཀྱི་བྱེད་སྒོ་བཀོད་སྒྲིག་བྱས་ཡོད།