ཡོ་རོབ་མནའ་འབྲེལ་དང་མཉམ་འབྲེལ་རྒྱལ་ཚོགས་ཀྱི་ཞི་བདེ་དང་བདེ་འཇཌ་འཐབ་ཇུས་ཨུ་ལྷན་གྱིས་མཉམ་འབྲེལ་རྒྱལ་ཚོགས་ཀྱི་རྩ་ཁྲིམས་ལ་རྒྱབ་སྐྱོར་མཐའ་གཅིག་ཏུ་བྱེད་པའི་བསྐྱར་བསྒྲགས་བྱས་པ།
ཤིན་ཧྭ་གསར་འགྱུར་ཁང་མཉམ་འབྲེལ་རྒྱལ་ཚོགས་ནས་གློག་འཕྲིན་འབྱོར་གསལ། ཉེ་ཆར། ཉིའུ་གཡོད་དུ་ཡོ་རོབ་མནའ་འབྲེལ་དང་མཉམ་འབྲེལ་རྒྱལ་ཚོགས་ཀྱི་ཞི་བདེ་དང་བདེ་འཇགས་འཐབ་ཇུས་ཨུ་ལྷན་གྱིས་ཚོགས་འདུ་ཐེངས་དང་པོ་འཚོགས་ནས། མཉམ་འབྲེལ་རྒྱལ་ཚོགས་ཀྱི་རྩ་ཁྲིམས་ཀྱི་དམིགས་ཡུལ་དང་རྩ་དོན་དང་དེ་བཞིན་རྒྱལ་སྤྱིའི་བཅའ་ཁྲིམས་རྨང་གཞིར་བྱེད་པ་དང་སྒྲིག་སྲོལ་ལ་གཞིགས་པའི་རྒྱལ་སྤྱིའི་སྒྲིག་ལམ་ལ་རྒྱབ་སྐྱོར་མཐའ་གཅིག་ཏུ་བྱེད་པའི་བསྐྱར་བསྒྲགས་བྱས་པ་རེད།
མཉམ་འབྲེལ་རྒྱལ་ཚོགས་ཀྱི་དྲུང་ཆེའི་མགྲིན་ཚབ་པ་ཏི་ཡ་ལི་ཁེ་ཡིས་ཉིན་དེའི་གསར་འགོད་པའི་འཆར་ཅན་ཚོགས་འདུའི་ཐོག ཚོགས་འདུ་འཚོག་རིང་ཚོགས་ཞུགས་འཐུས་མིས་འཕོ་འགྱུར་རྒྱུན་ཆད་མེད་པར་འགྲོ་བཞིན་པའི་གོ་ལ་ཧྲིལ་པོའི་ཞི་བདེ་དང་བདེ་འཇགས་ཀྱི་དུས་བབ་ཐད་བསམ་འཆར་བརྗེ་རེས་བྱེད་པ་དང་། མཉམ་འབྲེལ་རྒྱལ་ཚོགས་ཞི་བདེ་སྲུང་སྐྱོང་གི་བྱ་སྤྱོད་དང་དམིགས་བསལ་ཆབ་སྲིད་ལས་འགན་གྱི་འབྱུང་འགྱུར་དང་དེ་བཞིན་ཡོ་རོབ་མནའ་འབྲེལ་གྱི་ལས་འགན་དང་བྱ་སྤྱོད་ཁག་གི་འབྱུང་འགྱུར་ཁ་ཕྱོགས་ལ་གྲོས་བསྡུར་བྱས་པ་རེད། ཡོ་རོབ་མནའ་འབྲེལ་དང་མཉམ་འབྲེལ་རྒྱལ་ཚོགས་ཀྱིས་ཕྱོགས་སྒྱུར་དང་། བུད་མེད། ཞི་བདེ་དང་བདེ་འཇགས་ཀྱི་གྲོས་རིམ་དང་། གནམ་གཤིས་དང་། ཞི་བདེ་དང་བདེ་འཇགས། འཐབ་ཇུས་འཆར་འགོད་བཅས་དང་དེ་བཞིན་གདོང་གཏུག་སྔོན་འགོག་དང་ཞི་བདེ་འཛུགས་སྐྱོང་སོགས་ཚུད་པའི་ཁྱབ་ཁོངས་མཉམ་ལས་ལ་ཚད་མཐོའི་མཐོང་ཆེན་བྱ་རྒྱུའི་མོས་མཐུན་མགྲིན་གཅིག་ཏུ་བྱས་ཡོད་ཅེས་བརྗོད་པ་རེད།
ཡོ་རོབ་མནའ་འབྲེལ་དང་མཉམ་འབྲེལ་རྒྱལ་ཚོགས་ཀྱི་ཞི་བདེ་དང་བདེ་འཇགས་འཐབ་ཇུས་ཨུ་ལྷན་2025ལོར་བཙུགས་པ་དང་། དེའི་དམིགས་ཡུལ་ནི་ཡོ་རོབ་མནའ་འབྲེལ་གྱི་ཐུན་མོང་བདེ་འཇགས་དེ་འགོག་སྲུང་སྲིད་ཇུས་ཀྱི་ལས་འགན་དང་མཉམ་འབྲེལ་རྒྱལ་ཚོགས་ཀྱི་ཞི་བདེ་སྲུང་སྐྱོང་བྱ་སྤྱོད་དབར་གྱི་མཉམ་ལས་ལ་མཐུན་སྦྱོར་དང་དེར་ཤུགས་སྣོན་རྒྱག་རྒྱུ་དེ་ཡིན། ཨུ་ལྷན་དེ་རིམ་མཐོའི་གླེང་སྟེགས་ཤིག་ཡིན་པ་དང་ལོ་ལྟར་ཚོགས་འདུ་ཐེངས་རེ་འཚོགས་ཀྱི་ཡོད་པ་རེད།
འབྲེལ་ཡོད་གསར་འགྱུར།