ཨུ་ཡོན་ཞུས་ལིང་གིས་གསུངས་དོན།
“འགན་འཁྲི་སྒྲུབ་སྐབས་སྙིང་རུས་གཏན་འཁྱོངས་བྱེད་དགོས”
ཡུན་རིང་མ་སོང་གོང་གི་སློབ་གྲྭའི་དགུན་གསེང་རིང་། རྒྱལ་ཡོངས་སྲིད་གྲོས་ཀྱི་ཨུ་ཡོན་དང་ཀོང་ཏུང་ལག་རྩལ་དགེ་འོས་སློབ་ཆེན་གྱི་སློབ་སྤྱི་གཞོན་པ་ཞུས་ལིང་ཁེ་ལས་སུ་བརྟག་ཞིབ་བྱེད་པར་བསྐྱོད་པའི་ལས་ལ་བྲེལ།
“རིག་ནུས་ཐོན་སྐྱེད་སྒྲུབ་རིམ་དོན་ཐོག་ཏུ་འཁྱོལ་རྗེས། ལག་ཤེས་བཟོ་པ་རྒན་གྲས་ཀྱིས་རྩལ་ནུས་ཆེ་རུ་ཇི་ལྟར་གཏོང་དགོས་སམ”“ལས་གནས་གསར་པར་ཤེས་ལྡན་པ་གང་འདྲ་ཞིག་མཁོའམ”ཞེས་ཞུས་ལིང་གིས་གློག་སྒུལ་རླངས་འཁོར་ཁེ་ལས་ཤིག་གི་རིག་ནུས་ཐོན་སྐྱེད་སྒྲུབ་རིམ་གྱི་འགྲམ་དུ་ལས་ཀ་བྱེད་བཞིན་པའི་ཁེ་ལས་ཀྱི་ལས་མིར་དེ་ལྟར་དྲིས།
རྒྱལ་ཡོངས་སྲིད་གྲོས་སྐབས་གཉིས་ཀྱི་ཨུ་ཡོན་བསྟུད་མར་གནང་མྱོང་བའི་ཁོང་གིས་ལོ་མང་འགན་འཁྲི་སྒྲུབ་སྐབས་བརྟག་ཞིབ་དེ་ལྟར་གནང་གི་ཡོད། འཁོར་ཁང་བཟོ་སྐྲུན་ནས་ལས་རིགས་སློབ་གྲྭ་དང་། ཁེ་ལས་ཀྱི་ལས་བསྡུའི་འདུ་ཚོགས་ནས་དགེ་སློབ་ཀྱི་བཞུགས་མོལ་ཚོགས་འདུ་བར། ཁོང་གི་བརྟག་ཞིབ་ནང་དོན་ཐོན་ལས་འཁོར་འབྲེལ་དང་ཤེས་ལྡན་པ་མཁོ་སྤྲོད་ཕྱོགས་སུ་ཁྱབ་ཡོད་པ་དང་། ཟིན་བྲིས་ཐོག་ཁེ་ལས་ཀྱི་འགན་འཁུར་བའི་བསམ་ཕྱོགས་དང་། ལག་རྩལ་བཟོ་པའི་རེ་སྒུག སློབ་གླིང་དང་སློབ་གྲྭའི་དགེ་རྒན་གྱི་གྲོས་འགོ་བཅས་འཁོད་ཡོད།
སློབ་གསོའི་ཁྱབ་ཁོངས་སུ་ཡུན་རིང་ཕྱག་ལས་གནང་མཁན་ཞུས་ལིང་གིས་ལས་རིགས་ཀྱི་སློབ་གསོ་འཕེལ་རྒྱས་དང་ལག་རྩལ་རྩལ་ནུས་ཀྱི་ཤེས་ལྡན་པ་གསོ་སྐྱོང་ལ་དོ་ཁུར་ཆེན་པོ་གནང་གི་ཡོད། ལོ་འདི་དག་རིང་ཁོང་གིས་ལས་རིགས་སློབ་གསོར་དམིགས་པའི་གྲོས་གཞི་མང་པོ་ཞིག་ཕུལ་བ་མ་ཟད། དེའི་ནང་གི་གྲོས་འགོ་མི་ཉུང་བ་ཞིག་འབྲེལ་ཡོད་སྲིད་ཇུས་ཀྱི་ཡིག་ཆའི་ནང་བསྡུས་ཡོད།
ད་ལོའི་རྒྱལ་ཡོངས་ཀྱི་ཚོགས་འདུ་གཉིས་རིང་། ཞུས་ལིང་གིས་ཐོན་ལས་བཟོ་པས་སླར་ཡང་རྩལ་ནུས་ཅན་གྱི་ལས་སྟེགས་སྐྲུན་པར་དོ་ཁུར་གནང་ནས། ལས་གནས་ཀྱི་འགྱུར་ལྡོག་ལ་དམིགས་ཏེ་རྩལ་ནུས་ཤེས་ལྡན་པར་འཕེལ་རྒྱས་ཀྱི་རྒྱབ་སྐྱོར་མཁོ་འདོན་བྱེད་དགོས་པའི་གྲོས་འགོ་འདོན་རྒྱུ་རེད།
འབྲེལ་ཡོད་གསར་འགྱུར།