ཉེ་ཆར། ཀྲུང་དབྱང་དྲིལ་བསྒྲགས་པུས་རྒྱལ་ཡོངས་ཀྱི་ལས་གནས་ཐོག་ལེ་ཧྥུང་ལ་སློབ་སྦྱོང་བྱེད་པའི་དཔེ་དམག་ཁག་བཅུ་གཅིག་པ་གཏན་འཁེལ་བྱས་ཤིང་། དེའི་ནང་བོད་རང་སྐྱོང་ལྗོངས་ཀྱི་མཉམ་སྡེབ་2དང་མི་སྒེར་1ཚུད་ཡོད་པ་རེད།

རྒྱལ་ཁབ་ཁྲལ་དོན་སྤྱི་ཁྱབ་ཅུས་ཆབ་མདོ་གྲོང་ཁྱེར་ཁྲལ་དོན་ཅུས་དང་བོད་རང་སྐྱོང་ལྗོངས་ལྷོ་ཁའི་གཞུང་ལམ་བྱ་གཞག་འཕེལ་རྒྱས་དང་འཕྲལ་སྡོམ་འགན་སྲུང་ལྟེ་གནས་ཆུ་གསུམ་བདག་སྐྱོང་དུམ་བུའི་ཤག་བྱང་བཟོ་ཁུལ་གྱི་བུད་མེད་ལམ་བཟོ་ཏའོ་པན་རྒྱལ་ཡོངས་ཀྱི་ལས་གནས་ཐོག་ལེ་ཧྥུང་ལ་སློབ་སྦྱོང་བྱེད་པའི་དཔེ་དམག་ཁག་བཅུ་གཅིག་པའི་མཉམ་སྡེབ་ལ་བདམས་པ་དང་། བོད་ལྗོངས་ཧྲེང་ཏུན་བདེ་སྲུང་ཞབས་ཞུ་ཚད་ཡོད་ཀུང་སིའི་ཏང་ཀྲི་པུའི་ཧྲུའུ་ཅི་ཟླ་བ་ནོར་བུ་རྒྱལ་ཡོངས་ཀྱི་ལས་གནས་ཐོག་ལེ་ཧྥུང་ལ་སློབ་སྦྱོང་བྱེད་མཁན་དཔེ་དམག་ཁག་བཅུ་གཅིག་པའི་མི་སྒེར་ལ་བདམས་ཡོད།

ཤེས་རྟོགས་བྱུང་བར་གཞིགས་ན། ད་རེས་གཏན་འཁེལ་བྱས་པའི་རྒྱལ་ཡོངས་ཀྱི་ལས་གནས་ཐོག་ལེ་ཧྥུང་ལ་སློབ་སྦྱོང་བྱེད་མཁན་དཔེ་དམག་ཁྱོན་100(མཉམ་སྡེབ་དང་མི་སྒེར་ཚུད་པ)ཡོད་ཅིང་། ཁོང་ཚོ་ནི་ཁེ་ལས་དང་། གྲོང་གསེབ། ལས་ཁུངས། སློབ་གྲྭ སྡེ་ཁུལ། སྨན་ཁང་། དམག་དཔུང་། དེ་བཞིན་གསར་དར་ཁྱབ་ཁོངས་སོགས་གཞི་རིམ་གྱི་འཐབ་ས་དང་པོ་ནས་ཡིན་ཞིང་། ཁོང་ཚོས་སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་རང་རྟོགས་ངང་ལག་ལེན་བསྟར་ཏེ་ལེ་ཧྥུང་གི་སྙིང་སྟོབས་དར་སྤེལ་ཤུགས་ཆེན་གཏོང་བ་དང་ལས་གཅེས་ལས་བརྩོན་དང་ལེགས་སྐྱེས་ཧུར་ཐག་ཕུལ་ནས་སྤྱིར་བཏང་གི་ལས་གནས་སུ་སྤྱིར་བཏང་མིན་པའི་ལས་རྗེས་བཏོད་དེ་བྱ་སྤྱོད་དངོས་ཀྱི་ཐོག་ནས་དུས་རབས་གསར་པའི་ལེ་ཧྥུང་གི་གཏམ་རྒྱུད་བརྩམས་ཡོད་པ་རེད།