2026ལོའི་དཔྱིད་གསར་དུས་ཆེན་དང་བོད་ཀྱི་ལོ་གསར་རིང་། ཉིང་ཁྲི་གྲོང་ཁྱེར་གྱིས་དགུན་དུས་ཀྱི་དམིགས་བསལ་སྐྱེ་ཁམས་ཐོན་ཁུངས་དང་ཀོང་པོའི་དམངས་སྲོལ་གྱི་ནང་དོན་ཟབ་མོར་བརྟེན་ནས་ཡུལ་སྐོར་ཁྲོམ་ར་མུ་མཐུད་འཁྲུག་ཏུ་འགྲོ་བར་སྣེ་ཁྲིད་བྱས་ཡོད། གསར་འགོད་པར་ཉིང་ཁྲི་གྲོང་ཁྱེར་རིག་གནས་དང་ཡུལ་སྐོར་ཅུས་ནས་ཤེས་རྟོགས་བྱུང་བར། ཟླ་2ཚེས་15ཉིན་ནས་ཚེས་26ཉིན་བར་གྱི་དུས་ཆེན་གཉིས་རིང་། གྲོང་ཁྱེར་ཡོངས་ཀྱིས་རྒྱལ་ཁབ་ཕྱི་ནང་གི་ཡུལ་སྐོར་བ་མི་ཐེངས་ཁྲི་29.71ལ་སྣེ་ལེན་ཞུས་པར་ཡུལ་སྐོར་གྱི་སྤྱིའི་ཡོང་འབབ་སྒོར་དུང་ཕྱུར་1.88ཟིན་ཡོད།

དུས་ཆེན་གཉིས་རིང་། ཉིང་ཁྲི་གྲོང་ཁྱེར་གྱི་རིག་གནས་དང་ཡུལ་སྐོར་གྱི་ཞབས་ཞུ་མུ་མཐུད་ལེགས་སུ་ཕྱིན་ཞིང་། བྲག་ཡིབ་ཆུས་རིག་གནས་དང་ཡུལ་སྐོར་ཅུས་ཀྱིས་གསེར་སྐྱེམས་ལའི་ལྗོངས་གཟིགས་སྒང་དུ་དཔྱིད་གསར་དུས་ཆེན་རིང་དྲོ་སྐྱིད་སྦྱིན་པའི་དང་བླངས་ཞབས་འདེགས་ཞུས་ནས་ཡུལ་སྐོར་བར་སྒ་སྐྱའི་ཐང་དང་རིག་གནས་ཡུལ་སྐོར་གྱི་IPཡི་ཁྱད་ཆོས་ལྡན་པའི་ཨ་ལད་པད་ཁོག་རིན་མེད་ངང་སྤྲད་པས། ཡུལ་སྐོར་བ་500ཙམ་ལ“གངས་ལྗོངས་ཀྱི་སྔོ་ལྗང་མཛེས་ལྗོངས་ཁུལ”གྱི་བརྩེ་བ་ཟབ་མོ་ཚོར་ཐུབ་པ་བྱུང་ཡོད།

ཉེ་བའི་ལོ་ཤས་རིང་། ཉིང་ཁྲི་གྲོང་ཁྱེར་གྱིས་ཡུལ་སྐོར་གྱི་རྨང་གཞིའི་སྒྲིག་བཀོད་འཐུས་སྒོ་ཚང་དུ་གཏོང་བ་དང་། དགུན་དུས་ཀྱི་ཁྱད་ལྡན་ཡུལ་སྐོར་ཐོན་རྫས་གསར་སྤེལ་བྱེད་པ། དྲིལ་བསྒྲགས་ཁྱབ་གདལ་ལ་ཤུགས་སྣོན་རྒྱག་པ་སོགས་ཀྱི་བྱེད་ཐབས་སྤྱད་པ་བརྒྱུད་ས་གནས་དེ་གའི་ཡུལ་སྐོར་ལས་རིགས་དཔྱིད་དུས་དང་དབྱར་དུས་ཁོ་ནར་འཁྲུག་ཆ་དོད་པའི་སྲོལ་རྒྱུན་གྱི་རྣམ་པར་འགྱུར་ལྡོག་ནུས་ལྡན་བཏང་ཡོད།