《སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྣེ་ཁྲིད་གནང་བའི་དབུལ་སྒྲོལ་འགག་སྒྲོལ་དམག་འཐབ་ལ་རྒྱལ་ཁ་ཐོབ་པ》དཔེ་སྐྲུན་འགྲེམས་སྤེལ་བྱས་པ།
ཤིན་ཧྭ་གསར་འགྱུར་ཁང་པེ་ཅིང་ནས་ཟླ་3ཚེས་2ཉིན་གློག་འཕྲིན་འབྱོར་གསལ། 《སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྣེ་ཁྲིད་གནང་བའི་དབུལ་སྒྲོལ་འགག་སྒྲོལ་དམག་འཐབ་ལ་རྒྱལ་ཁ་ཐོབ་པ》ཞེས་པའི་དེབ་ཉེ་ཆར་ཀྲུང་གུང་ཀྲུང་དབྱང་ཏང་གི་སློབ་གྲྭའི་དཔེ་སྐྲུན་ཁང་གིས་དཔེ་སྐྲུན་བྱས་ནས་རྒྱལ་ཡོངས་སུ་འགྲེམས་སྤེལ་བྱས་པ་རེད།
ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག ཏང་དང་རྒྱལ་ཁབ་ཀྱི་བྱ་གཞག་ལ་ལོ་རྒྱུས་རང་བཞིན་གྱི་གྲུབ་འབྲས་ཐོབ་པ་དང་ལོ་རྒྱུས་རང་བཞིན་གྱི་འཕོ་འགྱུར་བྱུང་ཡོད། དུས་རབས་གསར་པའི་ཟིལ་རླབས་དགུང་འཕྱུར་གྱི་ལོ་རྒྱུས་འཕེལ་རིམ་ཇི་མ་ཇི་བཞིན་དང་གསོན་ཉམས་དོད་པོས་ཟིན་ཐོར་འགོད་ཆེད། ཀྲུང་གུང་ཀྲུང་དབྱང་དྲིལ་བསྒྲགས་པུའུ་དང་ཀྲུང་གུང་ཀྲུང་དབྱང་ཏང་གི་སློབ་གྲྭས(རྒྱལ་ཁབ་སྲིད་འཛིན་སློབ་གླིང)མཉམ་དུ་དུས་རབས་གསར་པའི“ལོ་རྒྱུས་རང་བཞིན་གྱི་གྲུབ་འབྲས་དང་ལོ་རྒྱུས་རང་བཞིན་གྱི་འཕོ་འགྱུར”གྱི་ངག་ཐོག་དཔྱད་ཡིག་རབ་དང་རིམ་པ་འཚོལ་བསྡུ་དང་ལེགས་སྒྲིག་གི་ལས་དོན་སྒྲིག་འཛུགས་བྱས་པ་རེད། ཁག་དང་པོ་ནི“དབུལ་སྒྲོལ་འགག་སྒྲོལ”གྱི་ངག་ཐོག་བཅར་འདྲི་བྱེད་རྒྱུ་ཡིན་པ་རེད།
དུས་རབས་གསར་པ་ཤར་ཚུན་དུ། དབུལ་ཕོངས་ལས་ཐར་བའི་འཛམ་གླིང་གི་དཀའ་གནད་འདིའི་མདུན་དུ། ཀྲུང་གོ་གུང་ཁྲན་ཏང་གིས་དབུལ་པོ་དབུལ་ནག་གི་དཀའ་གནད་སེལ་བའི་དཀའ་ཚེགས་ཆེ་བའི་ལས་འགན་ལེགས་སྒྲུབ་བྱས་ཏེ། མི་དམངས་བློ་ཡིད་ཚིམ་པ་དང་འཛམ་གླིང་གིས་དོ་སྣང་བྱེད་པའི་དུས་རབས་ཀྱི་རྒྱུགས་ལན་ཞིག་ཕུལ་ཡོད། དེབ་འདིའི་ནང་མཚོན་བྱེད་ཀྱི་དོན་ཆེན་དང་མཚོན་བྱེད་ཀྱི་མི་སྣ་གཙོ་རྐང་དུ་བཟུང་སྟེ། དངོས་སུ་བརྒྱུད་མྱོང་མཁན་གྱིས་བཤད་པ་བཞིན་ཀློག་པ་པོར་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་ཏང་ཡོངས་དང་རྒྱལ་ཡོངས་མི་རིགས་ཁག་གི་མི་དམངས་ལ་མཐུན་སྒྲིལ་སྣེ་ཁྲིད་བྱས་ནས་དབུལ་པོ་དབུལ་ནག་ལས་ཐར་བའི་ལོ་རྒྱུས་ཀྱི་གྲུབ་འབྲས་སླར་ཡང་མངོན་པར་བྱས་པ་དང་། དབུལ་སྒྲོལ་འགག་སྒྲོལ་ལ་ཐོབ་པའི་ལོ་རྒྱུས་རང་བཞིན་གྱི་གྲུབ་འབྲས་གལ་ཆེན་དང་ཞུན་བརྡར་ཐེབས་ནས་གྲུབ་པའི་དབུལ་སྒྲོལ་འགག་སྒྲོལ་གྱི་སྙིང་སྟོབས་གསོན་ཉམས་དོད་པོས་མངོན་པ། “གཏན་འཁེལ་གཉིས”ཀྱི་ཐག་གཅོད་རང་བཞིན་གྱི་དོན་སྙིང་གང་ལེགས་མངོན་པ་བཅས་བྱས་ཡོད། དཔེ་དེབ་དེ་དཔེ་སྐྲུན་བྱས་པ་དེས་ཀྲུང་གོའི་དབུལ་པོ་ཉུང་གཏོང་གི་གཏམ་རྒྱུད་ཡག་པོ་བརྗོད་པར་འཐབ་ས་དང་པོའི་དཔྱད་གཞི་མཁོ་འདོན་བྱས་པ་དང་། ཀྲུང་གོའི་ཁྱད་ཆོས་ཀྱི་དབུལ་ཕོངས་འགོག་པའི་རིགས་པའི་གཞུང་ལུགས་ཞིབ་འཇུག་གཏིང་ཟབ་ཏུ་གཏོང་རྒྱུར་ཐོག་མའི་ལོ་རྒྱུས་ཀྱི་དཔྱད་གཞི་མཁོ་འདོན་བྱས་པ། ཀྲུང་གོའི་མཚན་ཉིད་རིག་པ་དང་སྤྱི་ཚོགས་ཚན་རིག་གི་རང་བདག་ཤེས་བྱའི་མ་ལག་སྐྲུན་རྒྱུར་རྩ་ཆེའི་ཐོན་ཁུངས་མཁོ་འདོན་བྱས་པ། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་མི་སེམས་སུ་གཏིང་ཟབ་ཟུག་པར་སྐུལ་འདེད་གཏོང་རྒྱུར་གསོན་ཉམས་དོད་པའི་སློབ་གཞི་མཁོ་འདོན་བྱས་ཡོད་པ་རེད།
འབྲེལ་ཡོད་གསར་འགྱུར།