དུས་རྒྱུན་ང་ཚོས་ཤ་བཙོ་སྐབས། ཤ་ཁུའི་ཁ་ལ་ལྦུ་བ་མང་པོ་འཁོར་གྱི་ཡོད། དེའི་ཐད་མི་ཁག་གཅིག་གིས་ལྦུ་བ་དེ་དག་ཤའི་ནང་གི་བཙོག་པ་དོན་པ་ཡིན་པས་ཕྱིར་གཤོས་ན་ཡག་པོ་ཡོད་ཚུལ་བརྗོད་ཀྱི་ཡོད། ཡང་མི་ཁག་གཅིག་གིས་དེ་དག་ལ་སྤྲི་དཀར་རྒྱུ་འཛོམས་ཡོད་པས་འཚོ་བཅུད་ཆེན་པོ་ཡོད་ཚུལ་བརྗོད་ཀྱི་ཡོད། ཡང་སྙིང་ལྦུ་བ་དེ་དག་གཤོས་ན་དགའ་འམ་ཡང་ན་མཆོད་ན་ཡག་པ་ཡོད་དམ་ཞེ་ན།

ཤ་བཙོ་སྐབས་དོན་པའི་ལྦུ་བ་ནི་ཁྲག་དང་། སྤྲི་དཀར་རྒྱུ། ཞག་ཚིལ་སོགས་རེད། ཤ་བཙོ་བའི་དུས་ཚོད་རིང་ཐུང་མི་གཅིག་པས་ལྦུ་བའི་ཁ་དོག་ལ་འགྱུར་བ་འགྲོ་གི་ཡོད་དེ་དང་ཐོག་མའི་ལྦུ་བ་ཁམ་མདོག་ཡིན་པ་དང་། དེ་ནི་གཙོ་བོ་ཁྲག་ཆུ་དང་ཤ་སྙིགས་སོགས་ཡིན་པས། དམར་དྲི་ངན་པོ་ཁ་གི་ཡོད་ལ་འཚོ་བཅུད་དེ་ཙམ་མེད། བྱས་ཙང་ལྦུ་བ་དེ་དག་ཉབ་ནས་གཤོས་ན་ལེགས། དེ་རྗེས་ལྦུ་བ་དཀར་པོ་དོན་ཞིང་། དེ་ནི་དྲོད་ཚད་མཐོ་པོའི་འོག་སྤྲི་དཀར་ཆགས་པ་ཡིན་པས་དེ་མ་གཤོས་ན་ཤ་ཁུ་གཙང་མ་དེ་ཙམ་མེད། མཐར་ལྦུ་བ་སེར་པོར་འགྱུར་ཞིང་། དེ་ནི་ཤ་བཙོ་རིང་དོན་པའི་ཞག་ཚིལ་ཡིན་པས་ཤ་ཁུར་བྲོ་བ་སླེབས་ཀྱི་ཡོད། གལ་ཏེ་སྐུ་ཉིད་ཞག་ཚིལ་ལ་མཉེས་པོ་ཡོད་ན་མ་གཤོས་ནའང་འགྲིག