མཚོ་སྔོན་ཞིང་ཆེན་གྱི་ཚན་པ་6ལ་རྒྱལ་ཁབ་རིམ་པའི་བསྔགས་བརྗོད་ཐོབ་པ།
མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། ཉིན་ཤས་གོང་། མཚོ་སྔོན་ཞིང་ཆེན་སྨན་རྫས་ལྟ་འདོམས་ཅུས་ནས་གཏམ་བཟང་ཁྱབ་པར། རྒྱལ་ཁབ་སྨན་རྫས་ལྟ་འདོམས་ཅུས་སྨན་རྫས་གདེང་འཇོག་ལྟེ་གནས་ཀྱིས《2025ལོའི་རྒྱལ་ཡོངས་ཀྱི་སྨན་རྫས་དང་། སྨན་བྱད། བྱུག་རྫས་བཅས་མི་འཕྲོད་པར་ལྟ་ཞིབ་ཚད་ལེན་དང་གདེང་འཇོག་ལས་དོན་ཁྲོད་བྱས་རྗེས་མངོན་གསལ་དོད་པའི་ཚན་པར་བསྔགས་བརྗོད་བྱ་རྒྱུའི་སྐོར་གྱི་བརྡ་ཁྱབ》བཀྲམ་པའི་ནང་མཚོ་སྔོན་ཞིང་ཆེན་གྱི་ཚན་པ་6གཟི་བརྗིད་མིང་བྱང་ནང་ཚུད་ཡོད་པ་སྟེ། མཚོ་ཤར་གྲོང་ཁྱེར་ཁྲོམ་ར་ལྟ་འདོམས་ཅུས་དང་། མཚོ་བྱང་བོད་རིགས་རང་སྐྱོང་ཀྲོའུ་ཁྲོམ་ར་ལྟ་འདོམས་ཅུས། ཟི་ལིང་གྲོང་ཁྱེར་མི་དམངས་སྨན་ཁང་གཉིས་པ། མཚོ་ཤར་གྲོང་ཁྱེར་མི་དམངས་སྨན་ཁང་དང་པོ། མཚོ་སྔོན་ཞིང་ཆེན་སྐུ་ལྷ་དར་གདོང་སྨན་རྫས་ལས་རིགས་ཚད་ཡོད་ཀུང་སི། མཚོ་སྔོན་ཞིང་ཆེན་དབྱི་ཤིན་སྨན་རྫས་ལས་རིགས་ཚད་ཡོད་འགན་འཁྲི་ཀུང་སི་བཅས་ཡིན་པ་རེད།
མཚོ་སྔོན་ཞིང་ཆེན་གྱིས་གསར་གཏོད་ལ་བརྟེན་ནས་སྣེ་ཁྲིད་བྱ་རྒྱུ་ཁྲིད་སྟོན་དུ་བྱས་ཏེ་སྨན་རྫས་ཉེན་ཟོན་མ་ལག་འཛུགས་སྐྱོང་ལ་ནུས་ཤུགས་ཡོད་རྒུས་སྐུལ་འདེད་གཏོང་བ་དང་། ལྟ་ཞིབ་ཚད་ལེན་དང་གདེང་འཇོག་ལས་ཀའི་ལམ་སྲོལ་རྒྱུན་མཐུད་ངང་འཐུས་སྒོ་ཚང་དུ་གཏོང་བ། སྣ་ཁ་དང་། ལྷུ་ཚིགས། མི་ཚོགས་བཅས་གཙོ་གནད་ལ་ལྟ་ཞིབ་ཚད་ལེན་བྱེད་ཤུགས་ཆེ་རུ་གཏོང་བ། ཉེན་ཁའི་སྔོན་བརྡ་གཏོང་བ་དང་འཕྲལ་སྡོམ་ཐག་གཅོད་ཀྱི་ནུས་པ་རྒྱུན་ཆད་མེད་པར་ཆེ་རུ་གཏོང་བ་བཅས་བྱས་ནས་མང་ཚོགས་ཀྱི་བདེ་ཐང་དང་སྨན་རྫས་ཀྱི་བདེ་འཇགས་ལ་འགན་ལེན་བྱ་རྒྱུ་རེད།
འབྲེལ་ཡོད་གསར་འགྱུར།