འདི་ནི་ལོ་སིའི“རེ་བའི་ལག་ཟུང”བྱིས་པ་འོན་པའི་སློབ་གྲྭའི་སློབ་མས་ལག་བརྡ་སྦྱོང་བཞིན་པ།

འདི་ནི“རེ་བའི་ལག་ཟུང”བྱིས་པ་འོན་པའི་སློབ་གྲྭའི་ལས་དོན་མི་སྣ་ཀོང་ཏུང་ཞིང་ཆེན་དབང་པོ་སྐྱོན་ཅན་དྲག་སྐྱེད་ལྟེ་གནས་ངག་ལྐུགས་དྲག་སྐྱེད་པུའུ་རུ་ཡོང་ནས་སྤེལ་རེས་བྱེད་བཞིན་པ། (པར་འདི་གཉིས་ནི་ཀྲུང་གོ་ལྷོ་ཕྱོགས་གློག་དྲ་ཚད་ཡོད་འགན་འཁྲི་ཀུང་སིས་མཁོ་འདོན་བྱས)

ལོ་སིའི་རྒྱལ་ས་ཝན་ཐེན་གྱི་བྱང་རྒྱུད་ཀྱི་ལམ་ཟུར་དུ་གནས་པའི་ཐོག་བརྩེགས་ཅན་གྱི་ཁང་པ་དཀར་པོ་ཞིག་གི་མདུན་གྱི་ས་སྟོང་དུ་བྱིས་པ་ཁ་ཤས་རྩེད་འཇོར་རོལ་བཞིན་ཡོད། དེ་ནི་དམངས་བཙུགས་དམིགས་བསལ་སློབ་གྲྭ་ཞིག་སྟེ། “རེ་བའི་ལག་ཟུང”བྱིས་པ་འོན་པའི་སློབ་གྲྭ་རེད། ཀྲུང་གོ་ལྷོ་ཕྱོགས་གློག་དྲ་ཡིས་2022ལོ་ནས་བཟུང“རེ་བའི་ལག་ཟུང”བྱིས་པ་འོན་པའི་སློབ་གྲྭར་མ་དངུལ་གྱི་རོགས་སྐྱོར་བྱེད་འགོ་བཙུགས་ཏེ་སློབ་གྲྭ་དེ“ཕུགས་རེའི་འོད་སྣང”གི་སྤྱི་ཕན་བྱ་སྤྱོད་ཀྱི་བྱེད་སྒོར་བཅུག་ཡོད། ཕྱི་ལོར་ཀུང་སིས་ལོ་སིའི་ས་གནས་དེ་གའི་སྤྱི་ཕན་སྒྲིག་གཞི་དང་མཉམ་འབྲེལ་ཐོག་སློབ་མའི་གནས་ཚུལ་དང་སློབ་གྲྭའི་དགོས་མཁོ་ཤེས་རྟོགས་གཏིང་ཟབ་བྱས་ཏེ། མཛེས་རྩལ་སློབ་གསོ་འཇུག་གཞིར་བྱས་ནས་བྱིས་པ་འོན་པར་མཛེས་རྩལ་མཁོ་ཆས་རིན་མེད་དུ་སྤྲོད་པ་དང་། རི་མོ་གསོ་སྦྱོང་། རི་མོ་འགྲེམས་སྟོན་སོགས་བྱེད་པའི་རྣམ་པ་བརྒྱུད་ཁོང་ཚོར་རང་ཉིད་ཀྱི་རྩལ་ནུས་ངོམ་པ་དང་གདེང་ཚོད་འཕེལ་རོགས་བྱས་ཡོད།

ཉེ་བའི་ལོ་ཤས་རིང་། ཀྲུང་གོ་ལྷོ་ཕྱོགས་གློག་དྲ་ཡིས་ཀྲུང་གོ་དང་ལོ་སིའི་གློག་ཤུགས་མཉམ་ལས་ལ་སྐུལ་འདེད་གཏོང་བ་དང་ཆབས་ཅིག སྤྱི་ཚོགས་ཀྱི་འགན་འཁྲི་ཧུར་ཐག་བསྒྲུབས་ནས“ཕུགས་རེའི་འོད་སྣང”གི་སྤྱི་ཕན་བྱ་སྤྱོད་སོགས་ཀྱི་བྱེད་སྒོ་སྤེལ་ཏེ། གྲོང་གསེབ་ཀྱི་སློབ་གྲྭའི་ཐིགས་པ་རྒྱག་པའི་ཁང་པ་ཉམས་བཟོ་དང་ཚ་འགོག་སྒྲིག་ཆས་སྒྲིག་སྦྱོར། དེ་བཞིན་ས་གནས་དེ་གའི་བྱིས་པ་འོན་པའི་སྒྲིག་གཞི་དང་དམིགས་བསལ་སློབ་གསོའི་སློབ་གྲྭར་དངོས་ཟོག་ཞལ་འདེབས་འབུལ་བ། ལོ་སིའི་ལག་བརྡའི་བློ་འདྲིའི་ལེ་ཚན་ཐོག་མ་བཟོ་བ་བཅས་བྱས་པས་རྒྱལ་ཁབ་དེའི་འོན་པ་ཁྲི་8ཙམ་ལ་ཕན་པ་ཐོབ་ཡོད། ལོ་སི་རྒྱལ་ཁབ་བརྙན་འཕྲིན་ལས་ཁུངས་ཀྱི་ཐའེ་ཀྲང་གཞོན་པ་མཱ་ལའེ་དབན·ཧྥེང་ཀྲན་ཏི་ཡིས། “‘ཕུགས་རེའི་འོད་སྣང’གི་སྤྱི་ཕན་བྱ་སྤྱོད་ཀྱིས་ལོ་སིའི་འོན་པའི་ཚོགས་སྤྱིར་སྤྱི་ཚོགས་དང་འབྲེལ་བ་བྱེད་པའི་ཟམ་པ་བསྐྲུན་ཡོད”ཅེས་བརྗོད།